Almanak Hins íslenska þjóðvinafélags - 01.01.1945, Side 105

skóli var stofnaður í Rv. 1933 og vinnustofa fyrir
blinda, hvort tveggja á vegum Blindravinafélagsins,
er nýtur nokkurs styrks úr ríkissjóði. Af annarri fé-
lagsmálalöggjöf eða ráðstöfunum þeirrar tekundar,
er beint eða óbeint miða að heilsuvernd, má nefna
það, að mikið hefur verið unnið að bættum húsa-
kynnum almennings í sveitum (byggingar- og land-
námssjóður 1928 og endurbygging sveitabæja 1937)
og kaupstöðum (verkamannabústaðir 1929). Tit
heilsuverndar má og telja eftirlit með verksmiðjum
og vélum, sem fyrst var lögskipað 1928, en öðrum
þræði lýtur það að slysavörnum. Sama ár var stofnað
Slysavarnafélag íslands, er síðan hefur haft forgöngu
um slysavarnir, fyrst á sjó eingöngu, en síðan 1937
einnig á landi. Til hins sama má telja skipulagningu
slökkviliðs i kaupstöðum og mörgum kauptúnum. Þá
má og telja sundnám til slysavarna öðrum þræði, en
öðrum þræði telst sundið til iþróttastarfsemi, og er
j)ar jafnvel fremst i flokki til heilbrigðiseflingar og
líkamsræktar. Hefur nýlega verið lögskipað að kenna
öllum börnum sund, sem til þess eru hæf, og sömu-
teiðis er nú lögskipað að iðka íþróttir i öllum skól-
um landsins. Ilefur ríkið mjög stutt íþróttastarfsem-
ina með fjárframlögum á síðari árum, þar á meðal
gerð sundstöðva, sem við lok tímabilsins voru um
80 á landinu. Til verndar heilsu barna og unglinga
miða ýmis ákvæði i löggjöf um verzlunarnám og iðn-
aðarnám, og sérstök lög hafa verið sett um barna-
vernd og unglinga. Dagheimili fyrir börn hefur
barnavinafélagið Sumargjöf rekið í Rv. síðan 1924;
var sú starfsemi fyrst i smáum stíl, en hefur aukizt
mjög, og 1940 voru heimilin orðin þrjú. Sams kon-
ar starfsemi hefur verið rekin á Akureyri síðan 1932
og í Hafnarfirði siðan 1936. Auk þess hafa verið
rekin sumardvalarheimili í sveit fyrir kaupstaða-
börn fyrir forgöngu ýmissa félaga, hið fyrsta á veg-
um Odd-Fello-wa, en síðustu árin hefur Rauði kross-
(103)