Almanak Hins íslenska þjóðvinafélags - 01.01.1948, Síða 33

Við rannsóknir þær, sem nú var getið, naut Wright,
auk aðstoðar Stewart Douglas’s, fulltingis margra á-
gætra lærisveina sinna, er sumir urðu siðar þjóðkunnir
vísindamenn og jafnvel lieimsfrægir, eins og Fleming,
er þegar hefur verið nefndur. Naut Wright jafnan
fyllstu hylli þeirra og aðdáunar. Hafa sumir þeirra lýst
lionum látnuin af mikilli samúð og samvinnunni við
hann i rannsóknastofnuninni við Maríu spitala. Þar
lá enginn á liði sínu, allra sízt forstöðumaðurinn, og
langur mundi mörg'um nú á dögum þykja vinnudagur-
inn, ef hann væri á borð við það, sem venjulegt var
þarna fyrir heimsófriðinn fyrri. Segir einn af læri-
sveinum hans og samstarfsmönnum þá, dr. L. Cole-
brook, að Wright og félagar hans hafi langoflast unn-
ið að rannsóknum sinum fram um miðnætti. Þá hafi
einhver þeirra búið til sterkt te, og hafi þeir setið yfir
þvi stundarkorn og rætt um starfið þá um daginn eða
um hin og þessi dægurmál, eða um gáfnafar kvenna,
sem Wriglit gerði lieldur litið úr, eða aðrar heim-
spekilegar bollaleggingar, sem hann var þá að fást
við. Kvað mest að Wright í þessum viðræðum, en ekki
tók liann illa upp, þótt gengið væri í berhögg við skoð-
anir hans, ef andmælin lýstu sldrri hugsun og voru
skipulega og rökvíslega flutt, en gagnvart þokulegri
hugsun og grautarlegri framsetningu var „engin
miskunn hjá Magnúsi“. Annar lærisveinn lians við
Maríu spitalann, dr. J. Freeman, segir á þessa leið
frá áhrifum lians á lærisveina og samstarfsmenn og
viðhorfi lians gagnvart þcim, er mikið bárust á, sem
og fræðikenningum, er liann taldi fremur styðjast við
hefð eða vísindafrægð frumkvöðla sinna en rök eða
rannsóknir: „Þegar Wright tók við forstöðu rann-
sóknastofnunarinnar við Mariu spítala, vakti hann
þegar mjög mikla athygli. Framkoma hans öll var ung-
um mönnum á þeim dögum örvandi sem áfengt vín eða
svaladrykkur þyrstum manni. Frjálshyggja hans, frjáls-
(31)