Almanak Hins íslenska þjóðvinafélags - 01.01.1948, Page 80

ágætiseink. 7,58 (eftir Örsteds einkunnastiga). Úr
Verzlunarskólanum í Rvík útskrifuðust 15 stúdentar.
Hæsta einkunn hlaut Guðni Hannesson, I. eink. 7,03
(eftir Örsteds einkunnastiga).
Samgöngur. Siglingar voru allmiklar til Ameríku,
Bretlands og meginlands Evrópu. Önnuðust þær bæði
íslenzk skip og erlend leiguskip. „Dronning Alek-
sandrine“ var í förum milli Reykjavíkur og Kaup-
mannahafnar. í septemberlok kom flutningaskipið
„Hvassafell“ til landsins (byggt í Genúa). Á það að
annast flutninga milli Akureyrar og útlanda. Raföldu-
sjá (radartækjum) var lcomið fyrir í m.s. „Esju“. Samið
var um smíð nýrra farþega- og flutningaskipa erlendis.
Flugsamgöngur julcust bæði til útlanda og innan-
lands. Flugfélag íslands hóf i maí reglubundnar flug-
ferðir milli Rvikur og Khafnar með viðkomu í Prest-
wick á Skotlandi. Flugvélar bandarískra og franskra
flugfélaga höfðu auk þess viðkomu á íslandi. Talsvert
var unnið að gerð flugvalla á ýmsum stöðum á land-
inu. Mestur þeirra var flugvöllurinn í Vestmannaeyj-
um, sem var fullgerður á árinu.
Skipatjón. Á árinu drukknuðu 43 íslendingar hér
við land og einn erlendis. Fimm íslenzk skip fórust á
árinu og fjögur erlend skip strönduðu hér við land.
Sveitir Slysavarnafélags íslands björguðu 70 erlend-
um sjómönnum á árinu. Mest manntjón varð nóttina
milli 9. og 10. febrúar. Þá fórust fjórir bátar með allri
áhöfn og tvo menn tók út af öðrum bátum. Alls fórust
20 menn þessa nótt. Hinn 5. nóv. fórst vélbáturinn
„Borgey“ við Hornafjörð. Drukknuðu þar fimm menn,
en þrír björguðust.
Stjórnarfar. Samsteypustjórn Ólafs Thors var við
völd allt árið. Hún baðst lausnar í október vegna á-
greinings innan stjórnarinnar um samningana við
Bandarikin um Keflavíkurflugvöllinn, en ekki tókst
þó að mynda nýja stjórn fyrir árslok.
(78)