Almanak Hins íslenska þjóðvinafélags - 01.01.1964, Blaðsíða 102

skemmdist. Mannbjörg varð, en níu manns af skipinu
hrakti í hálfan fimmta tíma i gúmmíbáti, en var bjarg-
að skammt frá Höskuldsey. 25. jan. strandaði vélbát-
urinn Viktoría frá Rvík við Grindavik, en áhöfnin,
sex manns, bjargaðist í land á gúmmíbáti eftir tals-
verða hrakninga. 30. jan. tók út í Látraröst þrjá menn
af vélskipinu Særúnu frá Bolungavík, og drukknuðu
þeir. 7. febr. strandaði vélbáturinn Auðbjörg frá Rvík
á Kópanesi, en áhöfninni, sex manns, var bjargað.
10. febr. fórst togarinn Elliði frá Siglufirði undan
Ondverðarnesi. Togarinn Júpiter bjargaði 26 manns
af áhöfninni, en tvo hrakti undan i gúmmibáti, og
fannst hann daginn eftir, en þá voru mennirnir látnir.
11. febr. sökk vélbáturinn Skarðsvik frá Hellissandi,
sem tók þátt í leitinni að gúmmibátnum, en áhöfninni,
sex manns, var bjargað. 17. febr. strandaði vélbátur-
inn Hafþór frá Vestmannaeyjum við Hjörleifshöfða,
en áhöfnin, fimm manns, bjargaðist. 17. febr. fórst
vélskipið Stuðlaberg frá Seyðisfirði í nánd við Reykja-
nes með ellefu mönnum. 5. april sökk vélbáturinn
Vörður frá Rvik út af Garðskaga, en áhöfnin, fimm
manns, bjargaðist. 3. maí fórst trillubátur úr Njarð-
víkum og með honum þrir menn. 4. mai sökk vél-
báturinn Guðbjörg frá Rvik í nánd við Arnarstapa á
Snæf., en áhöfninni, fimm manns, var bjargað. 4. maí
sökk brezkur togari út af Malarrifi, en áhöfninni,
sextán manns, var bjargað. 1. júlí fórst vélbáturinn
Hamar frá Sandgerði i nánd við Mýrar, en áhöfnin,
ellefu manns, bjargaðist i gúmmíbáti. 28. ág. sökk
vélbáturinn Stella frá Grindavík i nánd við Eldey,
en áhöfnin, fimm manns, bjargaðist í gúmmíbáti. 8.
sept. sökk vélbáturinn Gunnar Hámundarson frá
Rvík út af Langanesi, en áhöfninni, fimm manns, var
bjargað. 23. sept. fórst vélbáturinn Kristín Guðfinns-
dóttir á Malarhornsvík við Drangsnes, en áhöfnin,
tveir menn, bjargaðist. 15. okt. fórst vélbáturinn Helgi
Hjálmarsson frá Hafnarfirði í brimgarði austanvert
(100)