Almanak Hins íslenska þjóðvinafélags - 01.01.1970, Blaðsíða 50

PÁSKAR 1969-72
Árið 1969 bar páskana upp á 6. apríl.
Árið 1970 ber páskana upp á 29. marz.
Árið 1971 ber páskana upp á 11. apríl.
Árið 1972 ber páskana upp á 2. apríl.
UM HEIMILDIR OG ÚTREIKNING ALMANAKSINS
Aðalheimildin að hinum stjörnufræðilega hluta almanaksins er nú
sem undanfarin ár brezk-bandaríska almanakið The Astronomical
Ephemeris, sem einnig er gefið út undir nafninu The American Ephemeris
and Nautical Almanac. Töflur þess almanaks eru reiknaðar í almanaks-
og reiknistofnunum 1 Bandaríkjunum, Bretlandi, Þýzkalandi, Frakk-
landi, Rússlandi og Spáni. 1 þeim er að finna upplýsingar um himin-
stöður sólar, tungls og reikistjarna, sem síðan eru lagðar til grundvallar
við útreikninga íslenzka almanaksins.
í almanakinu í ár eru flestar tölur um gang himinhnatta á Islandi
reiknaðar með tölvu Reiknistofnunar Háskólans (IBM 1620). Við út-
reikning stjörnumyrkva var stuðzt við stjörnuhnit úr ritinu Apparent
Places of Fundamental Stars 1970, sem út er gefíð af hinni stjörnufræði-
legu reiknistofnun (Astronomisches Rechen-Institut) í Heidelberg.
Bandaríska almanaksskrifstofan (Nautical Almanac Office, U.S. Naval
Observatory) annaðist útreikning sólmyrkva fyrir Reykjavík á sama
hátt og áður. Flóðtöflurnar hafa nú sem fyrr verið unnar í sjávarfalla-
stofnun (Tidal Institute and Observatory) háskólans í Liverpool fyrir
milligöngu Vitamálaskrifstofunnar. Uppdrátturinn sem sýnir tíma-
skiptingu jarðarinnar hefur verið leiðréttur eftir samanburð við ný
gögn frá brezku almanaksskrifstofunni (H.M. Nautical Almanac
Office, Royal Greenwich Observatory), bandarísku hafrannsókna-
stofnuninni (U.S. Naval Oceanographic Office) og Sternberg stjörnu-
stöðinni í Moskvu. Starfsmenn Landssímans og Flugfélags íslands
veittu góðfúslega aðstoð sína við að afla áreiðanlegra upplýsinga um
staðaltíma á Grænlandi. Vegalengdaskráin er samin eftir gögnum frá
Vegamálaskrifstofunni, með nokkurri hliðsjón af vegakortum.
Annað efni er dregið saman úr mörgum áttum, en af heimildum eru
þessar helztar: Annuaire du Bureau des Longitudes 1968, Astrophysical
Quantities eftir C. W. Allen (1963), Tables of Physical and Chemical
Constants eftir G. W. C. Kaye og T. H. Laby (1959), Handbook of
Chemistry and Physics frá Chemical Rubber Publishing Co. (1965-66)
og The International Encyclopedia of Science (1965).
LÖG UM ALMANÖK
Samkvæmt lögum nr. 25, 27. júní 1921, hefur Háskóli íslands einka-
rétt til að gefa út og selja eða afhenda með öðrum hætti almanök og
dagatöl á íslandi. (Sjá nánari greinargerð í almanaki fyrir 1966.)
Hið íslenzka þjóðvinafélag hefur með samningi keypt einkaleyfi þetta
í ár (1970), og nær það til allra almanaka í bókarformi.
(48)