Almanak Hins íslenska þjóðvinafélags - 01.01.1970, Page 68
N-Þing. (25), Selvogshreppur, Árness. (26), Fróðárhreppur,
Snæf. (32) og Múlahreppur, A-Barðastrandars. (34).
Iðnaður.
íslenzkur iðnaður átti í talsverðum erfiðleikum á árinu, og
varð samdráttur í sumum greinum. Unnið var að álverk-
smiðjunni í Straumsvík, og miðaði henni vel áfram. Ákveðið
var að flýta framkvæmd seinni áfanga álverksmiðjunnar.
Framleiðsla kísilgúrverksmiðjunnar við Mývatn var að
nokkru leyti enn á tilraunastigi. Nokkur ný iðnfyrirtæki voru
sett á stofn. Mjög stórt verkstæði fyrir Volvobifreiðir tók til
starfa í Reykjavík. Álafossverksmiðjan hóf útflutning á
hespulopa til Bandaríkjanna. Stálvík hf. í Garðahreppi smíð-
aði 304 rúmlesta stálskip, Eldey, en alls voru á árinu smíðuð
11 skip í íslenzkum skipasmíðastöðvum. Niðursuðuverksmiðj-
an Norðurstjarnan í Hafnarfirði tók aftur til starfa í apríl eftir
nokkurt hlé og jók mjög framleiðslu sína síðustu mánuði árs-
ins. Gleriðja Suðurnesja tók til starfa í Sandgerði. Stórt bif- ;
reiðaverkstæði tók til starfa á Selfossi. Prjónavörustofan
Dyngja tók til starfa í Egilsstaðaþorpi. Unnið var að undir-
búningi að stofnun sútunarverksmiðju á Hofsósi og sokka-
verksmiðju á Sauðárkróki. Niðursuðuverksmiðja, Niðursuð-
an hf., tók til starfa í Grundarfirði, og hóf hún niðursuðu
kræklings. Sútunarverksmiðjan Sútun hf. á Akranesi tók til
starfa á ný eftir tveggja ára hlé. Jón Þórðarson í Reykjalundi
fann upp kælitæki, sem notað er við framleiðslu á plastfilmu.
Var tæki þetta sýnt á iðnsýningu í Osló í september og vakti
mikla athygli. Hafið var verklegt iðnnám í nokkrum nýjum
greinum. Iðnaðarmálastofnun íslands endurreisti Bygginga-
tækniráð, sem ekki hafði starfað síðan 1961. Á það að vinna
að stöðlun í byggingariðnaðinum. Iðnkynningin 1968 hélt
samkeppni um gerð umbúða. Ráðstefna um verkfræði og
verklegar framkvæmdir var haldin í Reykjavík í ágúst. Nor-
ræn listiðnaðarsýning var haldin í Reykjavík í ágúst í sam-
(66)