Almanak Hins íslenska þjóðvinafélags - 01.01.1970, Side 75
viðri tjóni víða um land, einkum á Vesturlandi. Þá urðu mikil
sjóslys, og víða urðu skemmdir á bátum, húsum og síma- og
rafmagnslínum. Þá féllu og snjóflóð allvíða. 27. febrúar ollu
stórrigningar og hvassviðri flóðum og tjóni víða um land. Þá
var sólarhringsúrkoma á Vagnstöðum í Suðursveit 234 milli-
metrar, og er það mesta úrkoma, sem mælzt hefur hér á landi.
Gífurlegar vegaskemmdir urðu þá víða um land, einkum á
Suður- og Vesturlandi. Geysimikið flóð kom í Elliðaár, og
vatn í Gvendarbrunnum mengaðist. Bæir á Suðurlandi voru
þá allvíða umflotnir vatni. Gamla brúin á Brúará sópaðist í
burtu. 28. febrúar flæddi ölfusá inn í Selfossþorp. Urðu þar
nokkrar skemmdir á húsum, og fólk flýði sum hús. Miklar
skriður féllu þá úr Ólafsvíkurenni og Búlandshöfða. Fyrstu
viku marzmán. voru enn mikil flóð í Árnessýslu og í Borgar-
firði, einkum í Norðurárdal. 22. marz féllu tvö mikil snjóflóð
úr Reynisfjalli í Mýrdal. Féllu þau á fjárhús á Lækjarbakka
og Efri-Presthúsum, og fórst þar á þriðja hundrað fjár. 24. og
25. ágúst ollu stórrigningar tjóni á vegum á Suður- og Vestur-
landi. Þá féllu margar skriður í Arnarfirði, ein þeirra í Bíldu-
dalsþorpi, en ekki ollu þær verulegu tjóni. Snemma í sept.
kom hlaup í Skaftá og einnig í Kolgrímu í Suðursveit. 10.-14.
nóvember ollu stórrigningar skriðuföllum og geysimiklum
vegaskemmdum á Austurlandi, einkum á Fljótsdalshéraði og
syðri fjörðunum. 11. desember sáust undarleg ljósfyrirbæri á
lofti í Þingeyjarsýslu. ísbirnir sáust á ísnum við Austurland í
apríl. Leyft var að veiða 600 hreindýr. Um sumarið var hafin
áróðursherferð fyrir náttúruvernd og góðri umgengni um
landið undir kjörorðunum: „Hreint land, fagurt land“.
Próf.
Embættispróf við Háskóla fslands.
í guðfræði. Brynjólfur Gíslason, II. einkunn 9,90, Guðjón
Guðjónsson, I. einkunn 14,11. Haukur Ágústsson, II. 10,42.
Tómas Sveinsson, I. 11,36. Þórhallur Höskuldsson, I. 14,13.
(73)