Almanak Hins íslenska þjóðvinafélags - 01.01.1970, Blaðsíða 92
Mórilla í N-ís., Katadalsá á Vatnsnesi, Húseyjarkvísl í Skaga-
firði, Flókadalsá í Fljótum, Eyjafjarðará og Torfunesá í Eyja-
firði, Fnjóská (brúarsmíð lokið, 56 metrar), Laxá í S-Þing-
eyjarsýslu hjá Grenjaðarstað, Forviðará í Skriðdal, Breiðdalsá
í Breiðdal, Hamarsá í Hamarsfirði (110 metrar), Fellsá í Suður-
sveit, Hrútá í Öræfum og Hverfisfljót í Fljótshverfi. Brú var
byggð á Tungnaá hjá Sigöldu vegna fyrirhugaðrar vatnsmiðl-
unar úr Þórisvatni fyrir Landsvirkjun.
Hafnir og vitar. LJnnið var að hinni nýju Sundahöfn í Reykja-
vík og var fyrsta áfanga hennar lokið 15. júlí. Gamli kola-
kraninn (Hegrinn) við Austurhöfnina í Reykjavík var rifínn,
en hafin bygging mikillar vöruskemmu á sama stað. Flotkrani,
sem getur lyft 100 tonna þunga, var tekinn í notkun við Reykja-
víkurhöfn. Víða um land var unnið að hafnarframkvæmdum,
t.d. í Straumsvík og á Akureyri og við landshafnirnar í Njarð-
víkum, Þorlákshöfn og á Rifi. 600 metra langur brimvarnar-
garður var gerður á Vopnafirði. Radíóviti var settur upp á
Skarðsfjöru vestan Skaftáróss.
Sími. Haldið var áfram að efla sjálfvirka símkerfið. Lokið
var við sjálfvirku símstöðvarnar á Brúarlandi, Patreksfirði,
Bíldudal, Hvammstanga, Sauðárkróki, Hofsósi og Kópaskeri.
Landssíminn keypti Sjálfstæðishúsið í Reykjavik.
Útvarp og sjónvarp. Unnið var af kappi að dreifmgu sjón-
varps um landið. Margar endurvarpsstöðvar voru reistar
fyrir sjónvarp. A Skálafelli við Esju var reist stöðvarhús og
stórt mastur fyrir aðalendurvarpsstöð landsins. Margar
endurvarpsstöðvar voru reistar á Norðurlandi, t.d. á Eggjum
í Lýtingsstaðahreppi, í Hegranesi, við Dalvík, á Skipalóni, í
Eyjafjarðardal og á Vaðlaheiði. Endurvarpsstöðvar voru og
reistar á Vesturlandi, t.d. við Stykkishólm, í Bolungavík, í
Arnarnesi og á Snæfjallaströnd. Endurvarpsstöðin í Vest-
mannaeyjum var stækkuð, og endurvarpsstöð var reist við
Höfðabrekku. Komið var upp ýmsum smærri endurvarps-
stöðvum. 1. desember gátu Akureyringar og aðrir Eyfirð-
(90)