Almanak Hins íslenska þjóðvinafélags - 01.01.1970, Blaðsíða 126

Tunglflaugabyggingin á Kennedyhöfða. Slœrð byggingarinnar má
marka af samanburði við bílaraðirnar í kring.
eldri vísindagreina svo sem jarðeðlisfræði og stjörnufræði.
Allar geimrannsóknir eru gífurlega kostnaðarsamar og væru
því skammt á veg komnar, ef stórveldin hefðu ekki gert þær
að metnaðarmáli. Hernaðarleg sjónarmið hafa einnig átt sinn
þátt í að flýta þróuninni á þessu sviði. Því er ekki að leyna, að
ýmsir hafa gagnrýnt það, að svo miklum fjármunum skuli
varið á þennan hátt. í þeim hópi eru margir kunnir vísinda-
menn, jafnvel í þeim greinum, sem hvað mestan ávinning hafa
af geimrannsóknunum. Þessir gagnrýnendur hafa m.a. bent
á, að stjörnufræðinga hafi árum saman skort fé til að smíða
fleiri stóra stjörnusjónauka. Er þá átt við sjóriauka, sem eru
jafn stórir eða stærri en Palomarsjónaukinn, sem svo mjög
hefur komið við sögu stjörnufræðinnar síðastliðin tuttugu ár.
Hinir fáu stóru sjónaukar í heiminum eru nú svo ásetnir,
að veigamikil rannsóknarverkefni komast ekki að. Það er
til að mynda afar sjaldgæft, að þessum sjónaukum sé beint
að reikistjörnunum, svo að eitthvað sé nefnt. Fyrir það fé,
sem varið er á einni viku til geimrannsókna í Bandaríkjunum,
mætti smíða hvorki meira né minna en fimmtán sjónauka á
borð við Palomarsjónaukann mikla. Þetta dæmi sýnir, hversu
(124)