Almanak Hins íslenska þjóðvinafélags - 01.01.1970, Page 154

ið er ekki bein lína (4 og5). Frá Kambríum fellur línan fyrst
frá 31,5 dögum niður í 30 daga á 200 milljón árum. Eftir það
er hún lárétt í 250 milljón ár, allar götur til miðs Tertíertíma
(7) fyrir um 30 milljón árum, en fellur þá hratt niður í núver-
andi gildi, 29,17 samkvæmt talningunum. Eftir þessu að dæma
hefði þá fyrst verið sterk flóðhemlun í 200 milljón ár, síðan
alls engin hemlun í 250 milljón ár, og loks mjög sterk hemlun
á síðustu 30 milljón árum. Áður var á það bent, að hemlunar-
skilyrðin hlytu að hafa verið breytileg, en óneitanlega hljómar
það ekki sem bezt, að allan Miðlífstímann, og vel það, hafí
alls engin hemlun átt sér stað. Hitt er annað mál, sem vert er
að gera sér ljóst, að ef talningarnar komast einhvern tíma á
slíkt nákvæmnistig, að með öryggi sé hægt að gera línurit yfir
ójafna breytingu dagatölunnar í mánuði eða ári, þá myndi
viss samsvörun við meginatburði jarðsögunnar ef til vill koma
fram. Gætu talningarnar þá varpað nokkru ljósi á þá sögu.
Reyndar má segja að talningarnar hafi þegar útkljáð viss
mál, afgreitt vissar vafasamar kenningar. Hefði jörðin til
dæmis skroppið saman síðan á Kambríumtíma, eins og einu
sinni var trúað, myndi snúningshraðinn hafa aukizt af þeim
sökum, en ekki minnkað. Þessa kenningu getum við því af-
skrifað — hún hefur raunar lengi hvílt í gröf sinni. En eins fer
fyrir andstæðu hennar, kenningu þess efnis, að á síðustu 200
milljón árum eða svo hafi jörðin þanizt stórlega út og af-
leiðingin orðið landrek og botnskrið út frá neðansjávar-
hryggjum. Slík útþensla hefði dregið stórlega úr snúnings-
hraða jarðar, án þess að hafa tilsvarandi áhrif á tunglbrautina,
og er það í algeru ósamræmi við skeljatalningarnar. Reyndar
átti kenningin formælendur fáa, og nú væntanlega engan, því
að slíkur maður yrði að lýsa skeljatalningarnar og samræmi
þeirra við stjarnfræðileg grundvallarlögmál markleysu eina.
Enn mætti nefna eitt, sem hefði getað hent jörðina, en það
er meiriháttar loftsteinsfall. Ef smástirni á borð við Ceres,
sem hefur um 1 /8000 af efnismagni jarðar, hefði fallið þannig