Almanak Hins íslenska þjóðvinafélags - 01.01.1970, Side 167
okkur áfram frá einum fmgurstað til hins næsta, hring eftir
hring. Við byrjum á þeim stað sem svarar til aðfarardags
ársins. Aðfarardagur 1970 (þ.e. síðasti dagur ársins 1969)
var miðvikudagur, og í bili skulum við gera ráð fyrir að við
höfum haft vitneskju um það. Aðfarardagurinn á þá sæti á
upplið innanverðum (sjá mynd). Þar af leiðir, að 1. janúar á
sæti á næsta stað, upplið utanverðum (fimmtudegi), 2. jan-
úar á miðlið utanverðum (föstudegi), 3. janúar á framlið
utanverðum (laugardegi), 4. janúar á fmgurtoppinum (sunnu-
degi), 5. janúar á framlið innanverðum (mánudegi), 6. jan-
úar á miðlið innanverðum (þriðjudegi), 7. janúar á upplið
innanverðum (miðvikudegi), 8. janúar á upplið utanverðum
(fimmtudegi), 9. janúar á miðlið utanverðum (föstudegi) og
10. janúar á framlið utanverðum (laugardegi). 10. janúar er
því laugardagur.
Hugsum okkur nú að mánaðardagurinn hefði verið seinna
í árinu, t.d. 10. nóvember. Hvernig hefðum við þá fundið
vikudaginn? Auðvitað mætti rekja sig áfram á sama hátt út
allan janúarmánuð og síðan mánuðina hvern af öðrum fram í
nóvember, en slíkt yrði býsna seinlegt. Þess í stað notum við
þá reglu, sem auðvelt er að sannprófa, að aðfarardagur nóv-
ember er fjórði vikudagur frá aðfarardegi ársins (að báðum
meðtöldum). Við byrjum því að telja og teljum 1 á upplið
innanverðum (aðfarardegi ársins, sjá mynd), 2 á upplið utan-
verðum, 3 á miðlið utanverðum og 4 á framlið utanverðum.
Þar stendur laugardagur, sem þá er aðfarardagur nóvember-
mánaðar þetta ár. Við höldum síðan áfram talningunni og
teljum 1. nóvember á fmgurtoppi (sunnudegi), 2. nóvember á
framlið innanverðum, 3. nóvember á miðlið innanverðum, 4.
nóvember á upplið innanverðum, 5. nóvember á upplið utan-
verðum, 6. nóvember á miðlið utanverðum, 7. nóvember á
framlið utanverðum, 8. nóvember á toppinum, 9. nóvember
á framlið innanverðum og 10. nóvember á miðlið innan-
verðum, og er sá dagur þá þriðjudagur.
(165)