Almanak Hins íslenska þjóðvinafélags - 01.01.1970, Page 172
á upplið utanverðum o.s.frv. þar til kemur að 31. desember,
sem er á upplið utanverðum og því fimmtudagur.
Nú er ekki því að neita, að við höfum orðið að telja æði
marga hringi á fingrinum til að komast upp í töluna 31. Þessa
fyrirhöfn hefðum við getað sparað okkur með því að notfæra
okkur þá staðreynd, að 7. hver mánaðardagur lendir alltaf á
sama vikudegi. Með öðrum orðum, 1., 8., 15., 22. og 29.
dagur hvers mánaðar lendir alltaf á sama vikudegi. Þegar 1.
desember var fundinn, á miðlið innanverðum, gátum við því
talið þarásama stað 1., 8., 15., 22. og29. desember(sjámynd).
Síðan kemur svo 30. desember á upplið innanverðum og 31.
desember á upplið utanverðum, þ.e. á fimmtudegi. Ef við
hefðum ætlað að finna 20. desember, hefðum við fyrst stað-
næmzt við 15. desember, eftir að hafa talið 1., 8. og 15. á sama
stað, en talið svo áfram þaðan til þess 20. Eftir skamma æf-
ingu mun lesandinn hafa fest sér í minni talnaröðina 1,8, 15,
22, 29, og verður að því mikill flýtisauki.
Hvernig aðferðin breytist frá ári til árs.
Hingað til höfum við einskorðað okkur við árið 1970.
Hvernig myndum við nú fara að því að finna vikudagana í
öðrum árum ? Svarið er, að aðferðin er alltaf sú sama, nema
hvað aðfarardagar áranna eru mismunandi. Aðfarardagur
ársins 1970 er miðvikudagur eins og fyrr er sagt. Aðfarar-
dagur ársins 1971 er fimmtudagur, en aðfarardagur 1969 var
hins vegar þriðjudagur. Á fingrinum verður 1969 (þ.e. að-
farardagurinn) þá á miðlið innanverðum, 1970 á upplið innan-
verðum og 1971 á upplið utanverðum (sjá mynd). Við flytjum
okkur sem sé fram um einn fingurstað fyrir hvert ár. Eftir því
mætti ætla að árið 1972 myndi lenda á miðlið utanverðum
(föstudegi), og það myndi það vissulega gera ef árið væri al-
mennt ár. En árið 1972 er hlaupár. Þegar kemur fram í febrúar-
lok það ár, og hlaupársdeginum er skotið inn í (29. febrúar),
verður afleiðingin sú, að allir mánaðardagar sem á eftir fara
(170)