Freyr - 01.07.1949, Síða 37

Í'RE YR
243
Sigurður Jónsson
bóndi og skáld á Arnarvatni.
SigurSur Jónsson, bóndi á Arnarvatni í
Mývatnssveit, lézt í sjúkrahúsi á Akureyri
24. febrúar s. 1. vetur eftir langa og stranga
sjúkdómslegu. Hinar jarðnesku leifar Sig-
urðar voru fluttar heim í sveitina hans —
Mývatnssveit — sem hann fyrir hálfri öld
hafði kveðið svo yndislega um, að aldrei
gleymist. Á Skútustöðum var Sigurður jarð-
settur að viðstöddu miklu fjölmenni og
með augljósri samúð og hluttekningu allra
héraðsbúa og miklu fleiri, sem þekktu hinn
þjóökunna mann.
Sigurður á Arnarvatni var rúmlega sjöt-
ugur þegar hann lézt, fæddur 28. ágúst
1878. Hann var sonur Jóns skálds Hinriks-
sonar á Helluvaði og þriðju konu hans,
Sigríðar Jónsdóttur, en móðir hennar var
Guðrún, er nefnd var Ólafsdóttir, en séra
Jón Þorsteinsson í Reykjahlið, ættfaðir
Reykjahlíðarættarinnar, viðurkenndi Guð-
rúnu síðar sem sína dóttur.
Sigurður Jónsson var bráðgjör í æsku.
Þess varð fljótt vart, þegar á unga aldri,
að hann var gæddur prýðilegum gáfum.
Um tvítugsaldur stundaði Sigurður, tvo
vetur, nám í Möðruvallaskóla og brott-
skráðist þaðan með hæztu einkunn, er þá
hafði verið gefin við þann skóla. Undir
eins, að námi loknu, hvarf Sigurður heim
til átthaganna aftur — fjallasveitarinnar
fögru — þar dvaldi hann alla ævi síðan,
enda tengdur órjúfandi böndum við sveit
sína og hérað og fólkiö sem þar bjó. ,
Sem ungur maður, nýkominn frá námi,
hóf Sigurður forustu fyrir ungum mönn-
um í ýmsum menningarmálum Mývatns-
sveitar. Hann hélt unglingaskóla nokkur
ár, enda var Sigurður afburðasnjall kenn-
ari. Sigurður átti mikinn þátt í útgáfu
sveitablaðs um alllangt skeið. Þá studdi
hann mjög að eflingu bókasafns sveitar-
innar og fleira mætti telja, er sýnir störf
hins vökula, gjörvilega unga manns.
Það eru þrír þættir í ævistarfi Sigurðar
Jónssonar á Arnarvatni, sem sérstaklega
5 .>
Slcáldid við skrifborðið.
ber að minnast, og hver þáttur um sig er
svo merkur, að hann einn myndi halda
nafni hans lengi á loft og heiðra minningu
hans.
Hið fyrsta er starf hans sem bóndi.
Sigurður giftist ungur Málfríði Sigurðar-
dóttur, á Arnarvatni, og hóf hann bú-
skap á hálflendu þeirrar jarðar. Þau hjón
eignuðust 7 börn og eru 6 þeirra á lífi.
Árið 1916 missti Sigurður hina ágætu eig-
inkonu sína, frá þeim stóra barnahóp.
Tveimur árum síðar kvæntist Sigurður
öðru sinni, Hólmfríði Pétursdóttur, frá
Gautlöndum, hinni mestu ágætiskonu í
hvívetna, eins og hún á kyn til. Tók Hólm-
fríður að sér uppeldi stjúpbarna sinna
með þeim ágætum, að seint mun gleymast.
Þau Sigurður og Hólmfríður eignuðust 5
börn, sem eru uppkomin. Öll börn Sigurð-
ar, frá báðum hjónaböndum, eru hin mynd-
arlegustu og ágætis ríkisborgarar. Sigurð-
ur hóf búskap mjög eignalítill, á þröngu
jarðnæði. Mega því allir sjá hvílíku starfi
sá maður hefir afkastað í þágu þjóðfélags-
ins, sem komið hefir 11 börnum til fulls
þroska og manndóms. Fjárhagur Sigurðar