Freyr - 15.03.1957, Page 27

FREYR
107
íslendingar á vélanámskeiði
í Bretlandi.
Hinn 18. marz s.l. fór hópur Islendinga út 11 Englands
að sækja námsskeið í viðhaldi og meðferð Ferguson-
dráttarvéla og Iandbúnaðarvéla. í hópnum eru 25 bænd-
ur. Iausamenn og vélamenn, sem vinna með Ferguson-
vélum og þurfa að sjá um viðhald þeirra. Námskeiðið
er haldið að tilhlutan Dráttarvéla h.f. Fararstjóri er
Hjörtur Þórarinsson, bóndi að Tjöm í Svarfaðardal.
Búnaðarþing
kom saman 22. febr. s.l. og stóðu fundir þess til 18.
marz. 21 fundur var haldinn og af 47 málum, er fyrir
þinginu lágu hlutu 44 afgreiðslu. Húsnæðisvandræði háðu
þinginu mjög störfin og varð það af þeim sökum lengra
en ella. Nánari frásögn af störfum Búnaðarþings kemur
í maí-blaði Freys.
Hvert mannsbarn át átján kg.
af sykri.
Sykurneyzla jarðarbúa hefur vaxið jafnt og þétt síð-
ustu 6 árm og mun halda því áfram jafnhliða því sem
raunverulegar tekjur manna aukast, segir í skýrslu frá
FAO. Heildarneyzlan í heiminum var s.l. ár 39.8 millj.
lestir, en það svarar til 18,4 kg meðalneyzlu af sykri á
mann.
Nýtt Baconsvín í Kanada.
Eftir margra ára starf hefur kanadískum tilrauna-
mönnum tekizt að rækta upp nýjan stofn Baconsvína.
Nýi stofninn, er hlotið hefur nafnið Lacombe er kominn
til við víxlfrjóvgun gamals kanadísks stofns. chester
white og berkshire.. Að sögn eru svín af þessum nýja
stofni létt á fóðrum.
Þvegnar kartöflur.
A Hollandi eru þeir byrjaðir á að selja í verzlunum
þvegnar kartöflur, í mismunandi stærðarflokkum. Þessar
kartöflur hafa verið seldar í 5 kg pökkum, annaðhvort
skænispokum (sellófan) eða prppírspokum með gagn-
sæum glugga á.
Það hefur komið í ljós, að hollenzku húsmæðurnar
borga fúslega verðauka þann, er af þvottmum li'ýzt.
Enn sem komið er hefur þó lítið magn af kartcflum A erið
sent á markaðinn í þessum umbúðum.
Orrustan við flugurnar.
Síðastliðið ár voru tiofosfór-ræmur — nýi flugnaban-
inn — settar upp í um 150.000 sænskum fjósum. Að sögn
varð árangurinn nær undantekningarlaust góður.
Sœnsk tilraun með kynákvörðun
nautgripa.
Prófessorinn í búfjárlífeðlisfræði við búnaðarháskól-
ann x Ultuna í Svíþjóð hefur hafið sæðingartilraunir
með 300 kýr, til þess að fá úr því skorið, hvort unnt sé
að ákveða fyrirfram kyn kálfa. Helmingur kúnna er
sæddur með karlkynskynfrumum og helmingur með
kvenkynskynfrumum, en kynfrumurnar eru aðskildar
þannig, að sæðið er skilið í sérstakri skilvindu. Nú er
beðið eftir því að kýrnar beri. Þess er vænzt, að helm-
ingur kúnna beri bolakálfum og vafalaust bregður
ekki mikið út af því, en menn bíða þess með eftir-
væntingu, hvort það verða kýrnar, sem sæddar voru
með karlkvnsfi'umunum, sem bera bolakálfunum.
Danir flytja út kasein og ostefni.
Árið 1956 fi-amleiddu dönsk mjólkurbxx um 5000 lest-
ir af kaseini og ostefni með 35% þurrefni. Er það
helmingi meira en ársframleiðsla undanfarinna tveggja
ára. Því nær öll framleiðslan var flutt út og gaf hún
Dönum sem svaraði 20 millj. ísl. króna í gjaldeyri.
Freyr-
BÚNAÐARBLAÐ
Útgefendur: Búnaðarfélag íslands og Stéttarsamband bænda. - Útgáfunefnd: Einar
Ólafsson, Pdlmi Einarsson, Steingr. Steinþórsson. - Ritstjóri: Gisli Kristjánsson. -
Ritstjórn, afgreiðsla og innh.: Lækjarg. 14 B, Reykjavík. Pósth. 390. Sími 8-22-01.
Áskriftarverð FREYS er krónur 60.00 árgangurinn. — Prentsmiðjan Edda h.f.