Freyr - 15.04.1960, Page 5

FÉLAGSTÍÐINDI
STÉTTARSAMBANDS BÆNDA
SVERRIR GÍSLASON:
Verðlagsmál
Tuttugasta og fimmta febrúar s.l. varð sam-
komulag í sexmannanefndinni um verðlags-
grundvöll og verð á landbúnaðarvörum fyrir
verðlagsárið frá 1. sept. s.l. til 31. ágúst n.k.
Höfðu þá fundir og umræður um verðlags-
málin, innan sexmannanefndarinnar, staðið yf-
ir frá því snemma í janúar s.l.
Áður en ég ræði nánar um þennan nýja
verðlagsgrundvöll fyrir verð á landbúnaðar-
vörum, ætla ég að víkja nokkuð að því, sem
var undanfari þess, að verðlagsgrundvöllur-
inn varð svona síðbúinn.
Umræður um nýjan verðlagsgrundvöll hóf-
ust að venju síðari hluta ágústmánaðar. Lagði
þá hagstofustjóri fram gildandi verðlags-
grundvöll, reiknaðan með þeim verðbreyting-
um, sem höfðu átt sér stað á hinum einstöku
gjaldaliðum verðlagsgrundvallarins á verð-
lagsárinu. Reyndust þær valda 3.18% hækk-
un á gjaldahlið verðlagsgrundvallarins. Síð-
ar upplýsti hagstofustjóri, að hækkunin væri
ekki nema tæp 3%.
Strax í byrjun virtist vera frekar lítill áhugi
sumra nefndarmanna fyrir samkomulagi um
nýjan verðlagsgrundvöll og frekar langt á
milli nefndarhlutanna. Annar nefndarhlutinn
vildi enga hækkun afurðaverðs, eða jafnvel
lækkun, hinn nefndarhlutinn, það er fulltrúar
frainleiðenda, töldu hækkun á afurðaverði
nauðsynlega vegna hækkaðs reksturskostnað-
ar og vegna þeirrar launahækkunar, sem
bændur fóru á mis við haustið 1958.