Freyr - 15.07.1973, Qupperneq 30

Af°lAR
Norskur bóndi
fær að meðaltali 7—8 blöð og tímarit um land-
búnað. Þetta þykir ýmsum of mikið og þessvegna
hefur verið kjörin nefnd hjá útgáfustofnun land-
búnaðarins til þess að gera tillögur um betri skipu-
lagningu þessara efna.
Ýmsir telja, að betri kerfun á útgáfustarfsemi
geti orðið öllum til gagns. Tillögur eru uppi um
að gefa út tímarit búnaðarfélagsskaparins fyrir
allt landið, en ekki sitt blað fyrir hvert fylki eða
landshluta eins og nú gerist. í öðru lagi mætti svo
gefa út tímarit vegna búvöruframleiðendanna, er
einnig næði til alls landsins og flytti efni frá þeim
vettvangi og til hans fyrst og fremst.
Verði gerð alvara af þessum tillögum yrði gengin
svipuð gata og gerðist í Danmörku fyrir nokkrum
árum þegar búnaðarblöð landshlutanna voru lögð
niður og LANDSBLADET stofnað.
Bondebladet
málgagn norskra bænda, í dagblaðssniði, segir frá
því um miðjan marz, að það séu aðeins írar og
Finnar, sem drekki meiri mjólk en Norðmenn.
íslendingar hafa þá ekki verið á þeim lista, sem
blaðið hefur haft, en íslendingar eru næstir Finn-
um með neyzlu mjólkur, írar þá nr. 3. Bonde-
bladet segir, að ársneyzla hvers Norðmanns sé 157
lítrar nýmjólk, 11 lítrar undanrenna, 8 lítrar áfir
eða sýrð mjólk og svo yoghurt partur úr lítra,
allt miðað við árið sem leið. Þess er getið einnig,
að neyzla yoghurtmjólkur fari ört vaxandi. Sam-
anlögð mjólkurneyzla á mann var 180 lítrar, eða
aðeins hálfur lítri daglega á mann. Segir blaðið
það allt of lítið því að næringarsérfræðingar mæli
með einum lítra á dag að meðaltali á mann. Rjómi,
ostar og smjör og aðrar vinnsluvörur mjólkur eru
ekki taldar í ofangreindri neyzlu.
Hraðþurrkunarstöðvar
er nota gras og grænar jurtir sem hráefni í Dan-
mörk, voru rúmlega 60 starfandi á síðasta sumri
(1972) og þurrkuðu uppskeru af um 30.00 hektur-
um lands, en af því reyndust 350.000 tonn þurrkuð
vara. Á heimamarkaði seldust 90.000 tonn, en
260.000 tonn voru seld úr landi. Talsvert magn var
fyrst selt á 400 danskar krónur tonnið en eftir að
verð á próteini hækkaði seint á árinu fékkst
hækkandi verð fyrir þurrkaða grænfóðrið og komst
upp í 700 krónur um tíma. Búið er nú að selja
fyrirfram um 200.000 tonn af framleiðslu sumars-
ins 1973 fyrir um 500 krónur tonnið. Miðað við
þetta verð er reiknað með að bóndinn fái um 2/5
þessa andvirðis, en það segir þá um leið, að 3/5
verðsins nemi uppskeruvinnu, vinnslunni og sölu-
meðferð vörunnar, ásamt vöxtum og afskriftum á
stofnfé.
Finnskir sauðfjárbændur
kvarta mjög yfir því, að síðustu árin hafi verðlag
á afurðum sauðfjár verið svo lágt, að stórtap hafi
verið á þeim búskap. Landsráðunautur þeirra, Nils
Inkovaara segir í grein í Landsbygdens folk, í
febrúar sl., að þeir skuli ekki láta hugfallazt, því
að betri tímar séu framundan. Ullarmarkaður
heimsins hefur verið í lágmarki, en ull og gærur
hafa jafnan verið finnskum sauðfjárbændum góðar
tekjulindir og tiltölulega meiri en kjötið. Því er
spáð, að verð á skinnum og ull, og svo ullarvörum
yfirleitt, sé á uppleið. í umræddri grein er rætt
um skipulega starfsemi í meðferð fjárins og m. a.
komið inn á hversu ódýrt megi fóðra. Er þar bent
á votheysgjöf sem ódýrasta leið til fóðrunar, að-
eins þurfi að muna um leið, að nota þurfi fosfór-
ríkt fóður með votheyinu.
CLAAS
heyhleðsluvagnar
Dráttarvélar hf. bjóða upp á tvær stærðir af
hinum þekktu og traustbyggðu CLAAS hey-
hleðsluvögnum autonom LWL og Autonom
LWG, sem er stærri.
Claas heyhleðsluvagnar eru sterkbyggðir og
liprir. Hjólbarðar eru stórir, 11.5X15 (svo-
nefndir flothjólbarðar). Söxunarbúnaður er
fyrir þurrhey og vothey og stillanlegt drátt-
arbeizli. Þurrheysyfirbygging er fellanleg.
Hleðslutíminn er 5 mín. og losunartími allt
niður í 1 mín. Claas heyhleðsluvagninn nær
upp allt að 1.60 m breiðum múga.
Stærðin LWL er 1100 kg að þyngd tómur,
en 3600 kg hlaðinn. Hann rúmar 21 ms af
þurrheyi, en 12’ af votheyi. Pallstærðin er
3.60X1-60 m og heildarlengd 6 m.
LWG er 1200 kg tómur, en 3800 kg með
hlassi. Hann rúmar 24 m af þurrheyi, en 14
m' af votheyi. Pallstærð er 4.30X1-60 m og
lengd alls 6.80 m. Sporvídd beggja stærð-
anna, LWL og LWG, er 1.50 m.
Góð reynsla hefur fengizt af notkun CLAAS
heyhleðsluvagna hérlendis. Þeir eru fyrir-
liggjandi á lager, og geta fengizt afgreiddir
strax. Leitið nánari upplýsinga og fyrir-
greiðslu hjá Dráttarvélum hf., Suðurlands-
braut 32 í Reykjavík. Sími 8-65-00.
SJÁ FORSÍDTJ
360
F R E Y R