Freyr - 01.06.1975, Blaðsíða 21

anlegra aðferða, frá súgþurrkun til hrað-
þurrkunar í verksmiðjum, jafnt í smærri
sem stærri einingum.
Við landbúnaðarháskólann í Uppsölum
eru einnig gerðar umfangsmiklar tilraunir
með þessa hluti.
Súgþurrkun breiðist út.
í Sviss er súgþurrkun í hlöðum nú að
verða algeng, eftir að fundin voru upp
heppileg tæki til að dreifa heyinu jafnt og
jafnþétt um hlöðuna, en það var hlutur,
sem áður olli erfiðleikum. Nú hefur þetta
verið leyst, og nú eru tugir framleiðenda
farnir að auglýsa slíkan búnað.
Það verður stöðugt algengara að nota
upphitað loft við slíka súgþurrkun, einkum
til að fullþurrka heyið.
Samvinnufélög um hraðþurrkunarstöðvar.
Þá er það nú æ algengara í þessum lönd-
um, að komið sé upp hraðþurrkunarstöðv-
um, einkum þar sem svo hagar til, að hægt
er að reka þær sem samvinnufélög þeirra,
sem við þær skipta, og vilji er fyrir hendi.
I Sviss eru nú meira en 200 slíkar stöðvar.
Litið er á þær sem þjóðþrifa fyrirtæki, og
er veittur opinber stuðningur til að koma
þeim upp.
Sömu sögu er að segja frá Bayern í
Þýskalandi. Þar er veitt allt að 50% ríkis-
framlag til byggingar slíkra þurrkstöðva,
sem bændur reisa á samvinnugrundvelli.
í Frakklandi eru veitt há lán til langs tíma
með lágum vöxtum.
í Efnahagsbandalagslöndunum er veittur
styrkur til hraðþurrkunar.
Á sl. ári var tekið að veita sérstakt fram-
lag í Efnahagsbandalagslöndunum til að
örva hraðþurrkun á grasi. Framlag þetta
var 1,20—2,80 kr. á hvert kg, sem framleitt
var, og á árinu 1975 verður það hækkað
um 27%. Sú góða reynsla, sem bændur
telja sig hafa af hraðþurrkuðu grasi og
grænfóðri sem fóðri, er nú staðfest af fleiri
og fleiri niðurstöðum búfjártilrauna víða
um lönd. Þetta kom meðal annars fram á
fundi í Englandi á sl. hausti, þar sem höf-
undur þessarar greinar var. Þar komu fram
bæði bændur og forstöðumenn rannsókn-
arstöðva og gáfu skýrslur um árangur sinn.
Rannsóknir gefa til kynna að
hraðþurrkað gras sé enn betra
fóður en ætlað var.
Frá hinni miklu grasræktartilraunastöð í
Hurley í Englandi var gefin bráðabirgða-
skýrsla um tilraunaflokk, sem þar er verið
að gera. Ályktanir, sem af þessu mátti
draga, voru þær, að þurrkun með heitu
lofti, mölun og kögglun væri besta aðferðin
til að nýta gras og grænfóður. Þegar fóðrað
var með blönduðu fóðri eða með því að
láta gripina hafa frjálsan aðgang að vot-
heyi, kom fram, að graskögglar væru jafn-
gildir sem fóður og sama magn af byggi —
eða A-fóðurblanda.
Breskur dýralæknir, sem veitir forstöðu
tilraunabúgarði, sem rekinn er á vegum
dýralæknaþjónustunnar, skýrði frá því, að
í vissum tilfellum hefði hraðþurrkað gras
reynst vera verðmætara fóður en sama
magn af byggi (og taldi hann það muna
allt að 3—4 kr. á kg).
í Englandi var framleiðslugeta hey-
kögglaverksmiðja tvöfölduð á síðasta ári.
Síðustu tvö árin hefur eftirspurn eftir
framleiðslu þeirra líka verið langtum meiri
en þær hafa getað annað.
Bóndi einn í Þrændalögum, með stórt
kúabú, hefur undanfarin ár fóðrað á hey-
kökum og nokkru af kraftfóðri. Hann
greindi frá því, að frjósemi kúnna hefði
verið í fullkomnu lagi, síðan hann tók upp
þessa fóðrun í stað votheysgjafar, fjósið
væri verulega þurrara og þokkalegra, og
frá mjólkurbúinu var það vottað, að mjólk-
in frá þessu búi væri alveg laus við smjör-
sýru.
F R E Y R
253