Freyr - 01.03.1981, Side 24

Heimilsfólkið á Bakka í Viðvíkursveit. Frá vinstri Haraldur Jóhannesson, Haraldur Birgisson, Anna Bergsdóttir, Kjartan
Birgisson, Jóhann Birgisdóttir, Védís Birgisdóttir, Anna Birgisdóttir, Guðrún Sigurbjörnsdóttir, Hrönn Birgisdóttir og Birgir
Haraldsson. (Ijósm. M.E.)
1957, er ekki framfylgt af neinum.
í henni stendur t. d. að sótthreinsa
skuli sláturhús og flutningatæki
þegar grunuðum kindum er
slátrað. Þetta er ekki gert og þetta
er óframkvæmanlegt. Er þá ekki
nauðsynlegt að sótthreinsa allar
réttir, nátthaga og allt fólk, sem
kemur í réttir, þar sem riðuveikt fé
er?
Það er líka bannað að flytja fé
frá bæjum, sem eru lausir við riðu á
bæi þar sem riða er staðfest. Þetta
getur verið rétt á milli nálægra
bæja, en ég tel hæpið að banna það
milli fjarlægra bæja. Ónothæf
reglugerð er verri en engin, en
yfirvöld virðast líka hafa afar
óljósa og handahófskennda stefnu
í þeim málum, sem heita varnir
gegn riðuveiki.
M.E.
Molar
íranir hafa minna að borða
vegna stríðsins.
Fari svo að stríðið milli írana og
íraka dragist á langinn versna
horfur mjög í matvælamálum
Irana og var það þó ekki of gott
fyrir. Hins vegar hefur stríðið að
sögn ekki veruleg áhrif á búvöru-
innflutning til íraks.
Búvörur, sem fluttar eru inn til
fraks, fara að mestu um hafnir í
Tyrklandi og Jórdaníu. í>ó geta
orðið truflanir á hveiti frá Ástralíu,
fóðurkorni frá Thailandi og
jurtaolíum frá Suðaustur Asíú. Þá
verður írak meira en áður háð
hveitiinnflutningi frá Bandaríkj-
unum, EBE, og Kanada. Banda-
ríkjamenn gera sér vonir um að
geta aukið að mun útflutning sinn
af landbúnaðarvörum til íraks.
íranir eiga í vaxandi erfiðleikum
með innflutning á korni, einkum
vegna bardaga í hafnarbæjum og
ekki er hægt að mala korn vegna
rafmagnsskorts. íranir eru háðir
hrísgrjónum frá Thaílandi og Pak-
istan, kjöti frá Ástralíu og Nýja-
Sjálandi og innflutningi á hveiti,
sykri og fóðurkorni.
„íslenskir“ kálfar í
Svíþjóð.
í fréttabréfi sænska nautgripa-
ræktarfélagsins Avelsföreningen
för Svensk Kullig boskap, nr 3,
1980, segir að í kynbótastöðinni í
Röbácksdalen í Norður-Svíþjóð
hafifæðst 16 „íslandskálfar“. For-
eldrar þessara kálfa eru kýr af
gömlum, sænskum stofni,
svonefndu fjallakyni (SKB) og ís-
lensk naut, en sæði úr þeim var
sent til Svíþjóðar í fyrra. í frétta-
bréfinu segir, að kálfarnir hafi
dafnað vel og þyngst meira að
meðaltali en SKB-kálfar.

184 — FREYR