Freyr - 15.07.1987, Qupperneq 8

Séð heim að Hríshóli í Saurbœjarhreppi. F. v. fjárhús, fjós og hlaða, íbúðarhús Hreins og Ernu og íbúðarhús Sigurgeirs og Bylgju.
Hjá Fíu á Hríshóli og
húsbændum hennar
Eitt afurðamesta bú landsins er rekið að Hríshóli í Saurbœjarhreppi í Eyjafirði.
Meðalnyt þar var á sl. ári rúmlega 5400 kg á árskú og 32 kg kjöts voru að meðaltali eftir
ána.
Á Hríshóli búa tvenn hjón félags-
búi, þau Hreinn Kristjánsson og
kona hans Erna Sigurgeirsdóttir,
og sonur þeirra Sigurgeir og kona
hans Bylgja Sveinbjörnsdóttir.
Fjölskyldurnar búa í nýtískulegum
íbúðarhúsum, Hríshóli I og II.
Hríshóll er næsta jörð sunnan
við Möðruvelli í Eyjafirði og er
fremur landlítil. Nær allt ræktan-
legt land á jöröinni hefur verið
tekið til ræktunar.
Erna og Hreinn fóru að búa á
Hríshóii árið 1961 og keyptu þá
jörðina, sem áður hét Fjósakot.
Þau breyttu nafni hennar og
nefndu Hríshól, eftir örnefni í
landi jarðarinnar. Áður höfðu þau
búið nokkur ár í Fellshlíð, sem
fyrr hét Öxnafellskot, í félagsbúi
við Jón, bróður Hreins.
Helga Tryggvadóttir frá Víði-
keri, móðir þeirra bræðra flutti
með fjölskyldu sína austan úr
Bárðardal í Öxnafellskot, sem þá
var rýrðarjörð. Helga var þá orðin
ekkja. Þingeyingarnir tóku til við
að rækta og byggja og breyttu
Öxnafellskoti í vildarjörð. Þeir
skýrðu hana upp og nefndu Fells-
hlíð. Sú saga væri efni í aðra grein.
Erna í húnvetnsk í móðurætt en
þingeysk í föðurætt. Hún er fædd
og uppalin á Arnarstapa í Ljósa-
vatnsskarði og hefur ætt hennar
búið þar lengi.
536 Freyr