Freyr - 01.11.1994, Page 22

1. Inngangur.
Að frumkvæði stjómar Stéttarsambands bænda
hefur verið tekin saman eftirfarandi greinargerð
um tryggingar í landbúnaði. Markmiðið með því
er að fá samandregið yfirlit um þær tryggingar
sem bændum er boðið upp á, gera grein fyrir
hvort þeir séu á einhvem hátt að tvítryggja sig
gegnum það flókna framboð trygginga sem þeim
er boðið upp á og draga fram valkosti við ein-
staka tryggingarmöguleika.
Upplýsingar voru fengnar hjá Vátrygginga-
félagi Islands hf., Sjóvá-Almennum tryggingum
hf., Tryggingastofnun ríkisins, Bjargráðasjóði og
Lífeyrissjóði bænda. Leitast er við að gefa hlut-
lausa lýsingu á tryggingum í landbúnaði án þess
að gera greinarmun á því frá hvaða tryggingar-
félagi tryggingin er enda er eðli þeirra í flestum
tilvikum mjög áþekkt.
í eftirfarandi greinargerð er tekið saman yfirlit
yfir helstu tryggingarflokka sem snerta bændur,
helstu staðreyndir varðandi hvem trygg-
ingarflokk og því lýst hvað sé tryggt og hvað
ekki, ef skil milli þess eru óljós.
Einnig er tekið saman yfirlit yfir ýmis önnur
atriði sem snerta réttindamál bænda og þá trygg-
ingarvernd sem þeir njóta á ýmsum öðrum
sviðum svo sem í gegnum Lífeyrissjóð bænda,
Bjargráðasjóð og Tryggingastofnun ríkisins.
Að síðustu eru sett upp dæmi um kostnað
vegna vátryggingarvemdar á ímynduðu búi
þannig að auðveldara sé að átta sig á hvemig
tryggingarpakki fyrir eitt bú er samsettur og
hvað hann kostar.
782 FREYR-21'94