Freyr - 01.11.1994, Blaðsíða 27

3. Tryggingar ökutœkja
3.1. Ökutœkjatrygging.
3.1.1. Lögboðin ábyrgðartrygging.
Skráningarskyld ökutæki geta verið: Bifreiðar,
dráttarvélar fjórhjól og snjósleðar.
Vátryggingin nær til sérhverrar skaðabótakröfu
sem vátryggingartaka er skylt að vátryggja gegn,
samkvæmt gildandi umferðarlögum sem eigandi
hins vátryggða ökutækis, vegna tjóns sem hlýst
af notkun þess.
Greiðsluskylda tryggingafélags takmarkast við
þá vátryggingarupphæð sem tilgreind er í trygg-
ingarskírteini.
Vátryggingartaki er tryggður svo og hver sá
sem notar ökutækið með hans samþykki.
Tryggingin nær einungis til slysa sem dráttarvél
veldur þegar hún er í notkun sem ökutæki, en
ekki sem aflgjafi samkvæmt skilgreiningu
tryggingarfélaganna sem byggir á umferðar-
lögum.
3.1.2. Slysatrygging ökumanns og eigenda.
Tryggingin greiðir bætur fyrir tjón vegna
umferðarslyss, sem ökumaður verður fyrir við
stjóm hins vátryggða ökutækis eða ef hann er
farþegi í hinu vátryggða ökutæki. Hámarksbætur
eru nú 14 miljónir króna. Bætur úr þessari
slysatryggingu dragast frá skaðabótum sem
tjónþoli kann að eiga rétt á eftir umferðarlögum
eða öðrum skaðabótareglum. Þessi trygging nær
einungis til slysa sem ökumaður dráttarvélar
verður fyrir við akstur hennar samkvæmt skil-
greiningu tryggingarfélaganna sem byggir á um-
ferðarlögum. Hún bætir ekki tjón sem kann að
orsakast af því að dráttarvélin er notuð sem afl-
gjafi við bústörf, svo sem til að knýja blásara eða
heyvinnutæki. I slíkum tilvikum verður til að
koma sérstök slysatrygging.
3.1.3. Framrúðutrygging.
Vátryggingin tryggir framrúðu venjulegrar
bifreiðar. Tryggingin bætir brot á rúðunni.
3.2. Kaskótrygging.
* Tryggingin bætir skemmdir á ökutækinu sjálfu
af eldingu, eldsvoða og sprengingu sem af hon-
um hlýst, árekstri, áakstri, veltu eða hrapi,
grjóthruni, snjóflóði og skriðufalli. Einnig bæt-
ir hún skemmdir sem hljótast vegna tilrauna til
að stela ökutækinu. Til viðbótar bætir kaskó-
trygging bifreiðar tjón vegna foks, flutninga-
slyss, brot á rúðum og skemmdir á palli vöru-
bifreiðar.
* Tryggingin bætir ekki ýmis tjón sem hér eru
ekki talin upp, svo og ef tjón hlýst við ýmiss
konar óeðlilegar kringumstæður.
* Tryggingin skiptist í al-kaskó eða hálf-kaskó.
al-kaskó bætir áfallið tjón að fullu, en í hálf-
kaskó er um að ræða 50% sjálfsábyrgð í hverju
einstöku tjóni. Einnig eru möguleikar á svo-
kallaðri vegakaskó og umferðarkaskótryggingu
þar sem bíleigandi getur tekið mið af því við
hvaða aðstæður bfllinn er notaður og hvers
eðlis áhættan er.
Iðgjald er ákveðið eftir iðgjaldaskrá trygging-
arfélaganna.
3.3. Brunatrygging ökutœkis.
Vátryggingin bætir skemmdir á ökutækinu sem
verða vegna eldsvoða, eldingar eða sprenginga
sem stafa af eldinum. Iðgjald kr. 929 til 1455
eftir aldri.
3.4. Hálf-kaskó.
Tryggir ökutæki gegn bruna, þjófnaði, 50% í
veltu/hrapi, allar rúður. Iðgjald kr. 2.257 - 3.533
eftir aldri.
21*94-FREYR 787