Freyr - 01.11.1994, Blaðsíða 29
4.2.8. Tekjutenging: Elli-, örorku-, endurhæf-
ingar- og ekkjulífeyrir er tekjutengdur.
4.3. Greiðslur í fœðingarorlofi.
Greiðslur Tryggingastofnunar ríkisins í
fæðingarorloÉi eru annars vegar fæðingar-
styrkur og hins vegar fæðingardagpeningar.
4.3.1. Fæðingarstyrkur.
Móðir sem á lögheimili á íslandi á rétt á
fæðingarstyrk í sex mánuði við hverja
fæðingu. Fæðingarstyrkur greiðist ekki föð-
ur. Konur sem njóta óskertra launa í fæð-
ingarorlofi eiga ekki rétt á fæðingarstyrk
þann tíma sem óskert laun eru greidd. Fæð-
ingarstyrkur greiðist án tillits til atvinnu-
þátttöku móður.
4.3.2. Fæðingardagpeningar.
Móðir sem á lögheimili á Islandi á rétt á
fæðingardagpeningum í sex mánuði. Þeir
sem njóta óskertra launa í fæðingarorlofi
eiga ekki rétt á fæðingardagpeningum þann
tíma sem óskert laun eru greidd.
Ef móðir samþykkir á faðir rétt á greiðslu
fæðingardagpeninga í stað hennar eftir að
hún hefur fengið greidda dagpeninga í einn
mánuð eftir fæðingu enda leggi hann niður
launaða vinnu á meðan. Fæðingardag-
peningar geta verið fullir eða hálfir. Það fer
eftir hve margar dagvinnustundir umsækj-
andi hefur unnið á vinnumarkaðnum síð-
astliðna tólf mánuði fyrir töku fæðingar-
orlofs. Fullir dagpeningar greiðast þeim sem
hafa unnið 1032 - 2064 dagvinnustundir
síðustu 12 mánuði fyrir töku fæðingarorlofs.
Hálfir dagpeningar greiðast þeim sem hafa
unnið 516 - 1031 dagvinnustund síðustu 12
mánuði fyrir töku fæðingarorlofs. Foreldri
sem hefur verið í fullu námi á a.m.k. sex
mánuði á síðast liðnum tólf mánuðum fyrir
töku fæðingarorlofs á rétt á fullum fæðing-
ardagpeningum.
Arsverk á verðlagsgrundvallarbúi (400 fjár)
telst vera 1600 stundir á ári en 1704 á
verðlagsgrundvallarbúi í mjólkurframleiðslu
(22 kýr með geldneytum). Vinnuframlag á
blönduðum búum er metið af lífeyrisdeild
Tryggingastofnunar ríkisins oft í samráði
við Stéttarsamband bænda.
Heimilisstörf veita ekki rétt til fæðingardag-
peninga. Atvinnuleysisbótatímabil telst til
atvinnuþátttöku.
Sótt er um greiðslur í fæðingarorlofi til
Tryggingastofnunar ríkisins í Reykjavík eða
hjá sýslumönnum og bæjarfógetum utan
Reykjavíkur á sérstökum eyðublöðum sem
þar fást.
4.4. Slysatryggingar
4.4.1. Þessir eru slysatryggðir samkvæmt al-
mannatryggingalögum
Þeir launþegar sem verða fyrir slysi við
vinnu eða á beinni leið í eða úr vinnu eru
slysatryggðir samkvæmt almannatrygginga-
lögum. Það gildir um alla launþega sem
starfa hér á landi að undanskildum erlend-
um ríkisborgurum sem starfa fyrir erlend
ríki.
Einnig eru eftirfarandi aðilar slysatryggðir:
* Iðnnemar sem slasast við iðnnám.
* Utgerðarmenn sem eru sjálfir skipverjar og
slasast við vinnu.
* Björgunarmenn sem slasast við björgun eða
að vömum gegn tjóni.
* íþróttamenn sem eru orðnir 16 ára og slas-
ast við æfingar, sýningar eða keppni
* Sjúklingar á opinberum sjúkrastofnunum
sem hljóta heilsutjón vegna læknisaðgerða
eða mistaka starfsfólks.
* Svo fremi að annars sé ekki óskað á skatt-
framtali eru atvinnurekendur í landbúnaði
sem vinna landbúnaðarstörf, makar þeirra
og böm 12 - 16 ára slysatryggð.
* Hægt er að óska eftir slysatryggingu við
heimilisstörf á skattframtali.
Bætur slysatrygginga skv. almannatrygg-
ingalögum eru:
4.4.2. Slysadagpeningar sem greiðast frá og með
21 '94 - FREYR 789