Litli Bergþór - 01.03.2007, Blaðsíða 5

Hvað segirðu til?
Helstu tíðindi úr Biskupstungum frá desember 2006 til febrúar 2007
Tíðarfar hefur verið gott það sem af er vetri, nokkuð
umhleypingasamt, frost allhart öðru hvoru, stuttar en
allsnarpar rokhrinur, úrkoma dálítil en oftast í formi
regns og hamlaði því lítið umferð. Mikil úrkoma og
hlýindi í rigningarskvetti skömmu fyrir jól olli flóðum
í ám. Ekki munu þau hafa valdið teljandi skaða hér í
sveit, þó þetta væri eitt mesta flóð í Hvítá frá því
mælingar hófust. Jólaveður var gott og færð greið.
Þorrinn var mildur, hiti oft nærri frostmarki og
úrkoma ekki til baga. Svipað veður hélst fram á góu,
og voru þá margir dagar bjartir og komst hiti allt að
10°C á daginn en fór niður fyrir frostmark um nætur.
Aðventutónleikar voru haldnir þrisvar sama daginn
um miðjan desember í Skálholtskirkju. Þar var ein-
söngur, kórar sungu, kammersveit og organistar léku.
Helgihald í Skálholtsprestakalli var með hefðbundn-
um hætti; guðsþjónusta í Skálholtskirkju á
aðfangadagskvöld kl. 18, miðnæturmessa á jólanótt og
hátíðaguðsþjónusta á jóladag. Á annan í jólum var
messað bæði í Haukadals- og Bræðratungukirkju, í
Uthlíðarkirkju daginn eftir og Torfastaðakirkju á
nýársdag.
Kvenfélagið hélt jólaball milli jóla og nýárs með
heimsókn jólasveina, söng og veitingum.
Áramótabrennur voru í Reykholti og Laugarási á
gamlárskvöld.
Flugeldasala var á vegum íþróttadeildar
Ungmennafélagsins og Björgunarsveitarinnar í húsi
hennar í Reykholti síðustu daga ársins og daginn fyrir
þrettándann.
Tungna-réttir nefnist uppskriftabók, sem Kvenfélag
Biskupstungna gaf út í desember. Þar kenna nær 30
félagskonur hvemig á að búa til tertur, kökur, pasta-,
kjöt-, og fiskrétti, létta rétti, grauta, eftirrétti, sultur,
marmelaði, brauð, heita rétti, drykki, súpur o.fl.
Bjarni Harðarson frá Lyngási hér í sveit boðaði til
framboðsfundar vegna þátttöku sinnar í prófkjöri
framsóknarmanna vegna framboðs til kosninga til
Alþingis í vor í Aratungu milli jóla og nýárs. Þar gerði
hann grein fyrir hugsjónum Framsóknarflokksins og
Druslukórinn söng „nokkrar framsóknarlegar
druslur“, eins og það var kynnt í fundarboði. Síðla í
janúar boðuðu síðan allir frambjóðendur í þessu
prófkjöri til fundar í Aratungu. Bjami hlaut í krafti
árangurs í prófkjörinu 2. sæti á framboðslistanum.
Þorrablót var í umsjá Skálholtssóknar í Aratungu
þegar vika var liðin af þorra. Fór það fram með
hefðbundnu sniði; fólk kom með mat í trogum úr eigin
eldhúsi, yfir 20 manns fluttu dagskrá með gaman-
málum og söng og hljómsveitin Sagaklass lék fyrir
dansi til kl. 3 um nóttina.
Félag aldraðra í Biskupstungum hélt þorrablót á
sama stað viku síðar. Matur var þar tilreiddur og
framborinn af starfsfólki Aratungu og skemmt var
með upplestri, vísum og söng.
Malarborinn reiðstígur hefur í vetur verið lagður
meðfram Biskupstungnabraut frá Sviðalautinni austan
við Brúarárbrú við Spóastaði og áleiðis upp að
Torfastöðum og göngustígur við hlið Skálholtsvegar í
gegnum Laugarás.
Anna Maria Burstedt á Syðri-Reykjum 1 og Eva
Maria Hillströms á Litlu-Tjörn sýndu myndlist sína í
Listagjánni í Bæjar- og héraðsbókasafni Árnesinga í
janúar.
Gréta Gísladóttir í Miðholti 15, Reykholti, hefur
undanfama mánuði sýnt nokkur málverk í Bjarnabúð.
Egill Árni Pálsson, tenórsöngvari, frá Kvistholti hér í
sveit, efndi til tónleika í Aratungu snemma í febrúar í
tilefni af þrítugsafmæli sínu. Auk hans sungu þar
Þorvaldur, bróðir hans, Laugaráskvartettinn, sem
skipaður er, auk þeirra bræðra, stjúpbræðrum frá
Launrétt 2, Hreiðari Inga Þorsteinssyni og Þresti
Gylfasyni. Einnig sungu Sigrún Hjálmtýsdóttir og
Ásgeir Páll Ásgeirsson. Meðleikari á píanó var
Kristinn Öm Kristinsson. Skálholtskórinn söng undir
stjóm Hilmars Arnar Agnarssonar. Ekki var krafist
aðgangseyris að tónleikunum, en gestum gefið
tækifæri til að láta fé af hendi.
Jónína Sigríður Jónsdóttir á Lindarbrekku varð
áttræð í byrjun febrúar. Af því tilefni héldu nágrannar
hennar í Skálholtssókn henni samsæti í Skálholtsskóla
á afmælisdaginn og nokkrum dögum seinna var opið
hús á heimili hennar.
Guðmundur og Jóna á Lindarbrekku. Að baki þeirra eru
nágrannar; Jóhann Bjöm Óskarsson, Ásmýri, Magnús Skúlason,
Hveratúni, og Páll Magnús Skúlason, Kvistholti.
Búnaðarfélag Biskupstungna stóð fyrir kvöldvöku
fyrsta kvöld marsmánaðar. Þar talaði Valdimar
Bjamason, ráðunautur hjá Búnaðarsambandi
Suðurlands um matarverð og fleira, Hilmar Einarsson,
byggingafulltrúi á Laugarvatni, sagði frá starfi sínu og
afrekshom Búnaðarfélagsins var afhent Ásborgu
Arnþórsdóttur, ferðamálafulltrúa uppsveita Árnessýslu.
íbúðarhús eru aðallega reist í Reykholti, og hafa tvö
slík risið við austanverða Bjarkarbraut á síðustu vikum
og einnig er verið að byggja við Miðholt í hverfinu
sunnanverðu.
Frístundahús rísa nú einkum á sunnanverðri
Torfastaðaheiði, í landi Reykjavalla og Fells.
A.K.
5 Litli Bergþór