Foreldrablaðið - 01.02.1943, Blaðsíða 21

FORELDRABLAÐIÐ
21
snertir skólana i landinu. Síðan þyrfti
að hafa námskeið með öjlum þeim
mönnum, sem falið yrði að stjórna þessu
mikla viðreisnarstarfi og kenna þeim
gróðursetningu skógarplantna og sán-
ingu trjáfræs.
Það finnst nú ef til vill einhverjum
einkennilegt, að ég skuli skrifa um
skógrækt í blað, sem eingöngu fjallar
um uppeldisvandamál, en þegar vel er
að gáð, er það ekkert einkennilegt.
Margir af okkkar mætustu skóla-
mönnum hafa bent á það, að nauðsyn-
legt væri að gera námið í skólunum
meira verklegt, en tíðkazt hefur hér á
landi til þessa og hafa réttilega bent
á uppeldisgildi vinnunnar.
Skógræktin gæti áreiðanlega orðið
merkur þáttur í starfi skólanna, ef skyn-
samlega væri á málinu haldið.
Það hefur ýmislegt verið fundið að
æsku þessa lands, en ég hygg, að engin
kynslóð íslendinga hafi verið djarfhug-
aðri og tápmeiri en sú, sem nú er í upp-
vexti í landinu.
Getum við gefið henni nokkurt betra
veganesti út í lífið en stórt og göfugt
verkefni, þar sem hún gæti lært að
beita orku huga síns og handa. Við
verðum að kenna ungu kynslóðinni að
elska landið sitt. Við verðum að skilja,
að íslenzka þjóðarsálin er bundin sterk-
um böndum við landið. Það starf, sem
unnið er til að fegra og prýða landið,
mun einnig stuðla að menntun og þroska
þjóðarinnar, sem byggir það.
Þorv. Sigurðsson.
Símar: 3616, 3428, 1952
Símnefni: Lýsissamlag
Reykjavík
Lýsissamlag
íslenzkra
botnvörpunga
Stœrsta og fullkomnasta kald-
hreinsunarstöð á íslandi.
Lýsissamlagið selur lyfsölum,
kaupmönnum og kaupfélögum
fyrsta fl. kaldhreinsað meðalalýsi,
sem er framleitt við hin allra beztu
skilyrði. —