Bændablaðið - 12.10.2004, Blaðsíða 4

4 Þriðjudagur 12. október 2004
Sveitarfélögin Borgarbyggð,
Borgarfjarðarsveit, Skorradals-
hreppur og Hvítársíðuhreppur í
Borgarfirði hafa gert sam-
komulag við eMax, þráðlausu
breiðbandsþjónustuna, um að
koma upp slíku kerfi í þessum
sveitarfélögum. Þar með geta
íbúar þessara sveitarfélaga
fengið hágæða nettengingu við
tölvur sínar.
Stefán Jóhannesson, fram-
kvæmdastjóri eMax, sagði í
samtali við Bændablaðið að
ástæða þess að sveitarfélög í dreif-
býlinu gerðu samninga við eMax
og önnur fyrirtæki sem bjóða
þráðlausa breiðbandstengingu sé
sú að Síminn býður bara upp á
ISDN í dreifbýlinu en ekki ADSL.
Emax hefur verið að setja upp
sitt kerfi víða um land, m.a. í
Hrútafirði og í skólasetrinu í
Bifröst í Borgarfirði og nær það
líka til sveitabæja í næsta ná-
grenni.
Stefán segir að það sé mjög
mikið að gera hjá þeim við upp-
setningu á þráðlausu breiðbandi.
Hann segir fyrirtækið vera í við-
ræðum við fimm til tíu sveitarfélög
í þessu sambandi. eMax hefur
unnið töluvert á Suðurlandi og er
nú að vinna í Eyjafirði.
Kostnaður er að sjálfsögðu
alltaf afstætt hugtak. Stefán segir
að algengasta stofngjaldið sé
16.900 krónur síðan sé annar
stofngjaldsflokkur sem er 24.900
krónur. Þetta fer eftir því hvað
menn þurfa öflugan búnað vegna
vegalengda o.fl. Algengasta
mánaðargjaldið er síðan 4.900
krónur og inn í því eru falin 500
mb af erlendu niðurhali.
Fjögur sveitarfélög í Borgarfirði
Gera samninga við eMax
um þráðlaust breiðband
Ferðaþjónusta
bænda
Gott sumar að
baki og rífandi
gangur í
utanlands-
ferðunum
,,Sumarið hefur gengið mjög vel
og allt verið með mestu
ágætum," sagði Sævar Skapta-
son, framkvæmdastjóri Ferða-
þjónustu bænda, í samtali við
Bændablaðið, en nú nálgast
töðugjöld hjá ferða-
þjónustubændum.
Sævar segir að hvað bændur
varði hafi fjöldi ferðamanna sem
notfærði sér bændagistinguna
verið svipaður og í fyrra en það
var mjög gott ár. Sumir ferða-
þjónustubændur eru komnir með
um 90% nýtingu yfir háanna-
tímann þannig að erfitt sé að bæta
við. Á þessu ári fjölgaði ferða-
þjónustubændum um 13.
Oft hefur verið kvartað yfir
því að ferðamannatímabilið á
Íslandi væri stutt og til skamms
tíma var sagt að það væru aðeins
sumarmánuðirnir þrír. Þetta hefur
verið að breytast og vetrargestum
hefur fjölgað. Sævar var spurður
hvort eitthvað hefði teygst á
ferðamannatímabilinu vor og
haust. Hann segir svo vera.
,,Flugfargjöld hafa lækkað og
þar með hefur ferðamanna-
tímabilið lengst. Fólk kemur fyrr
á vorin og lengra fram á haustið.
Þar er fyrst og fremst um að ræða
fólk á eigin vegum en ekki í
skipulögðum hópum," segir
Sævar.
Ferðaþjónusta bænda hefur í
auknum mæli boðið upp á hóp-
ferðir til útlanda og segir Sævar
þær hafa náð vinsældum og
gengið mjög vel. Í sumar var
boðið upp á ferð til Kína og var
uppselt í hana og gekk hún í alla
staði vel. Einnig var hjólaferð við
rætur Alpanna, heimsókn til
skoskra bænda og gönguferð í
faðmi Alpanna, þessar ferðir
tókust líka allar mjög vel.
Framundan er ferð á jóla-
markaðinn í Frankfurt í Þýska-
landi og síðan verður farin skíða-
ferð eftir áramótin. Þar verður um
að ræða ferð fyrir gönguskíðafólk.
Benda má fólki á að fara inn á
www.sveit.is til að skoða
upplýsingar um bæina í
Ferðaþjónustu bænda og
www.baendaferdir.is til að sjá
upplýsingar um
utanlandsferðirnar.
,,Það er alveg ljóst að þessi til-
raun okkar til að efla utanlands-
ferðirnar hefur heppnast fullkom-
lega," sagði Sævar Skaptason.
Skýrsla rafmagnsöryggisdeildar Löggilding-
arstofu um ástand raflagna á gisti- og
veitingastöðum hefur að vonum vakið mikla
athygli. Áður hafði Löggildingarstofa gefið
út skýrslur um ástand raflagna í hesthúsum í
landinu og á bændabýlum og vöktu báðar
mikla athygli fyrir það hve margt var að-
finnsluvert. Sú spurning hlýtur að vakna
hvaða opinbert eftirlit sé með raflögum í
húsum yfirleitt hér á landi fyrir utan svona
útrás Löggildingarstofu og skýrslu þar um.
Jóhann Ólafsson, forstöðumaður rafmagns-
öryggisdeildar Löggildingarstofu, sagði að það
væri ekkert reglubundið opinbert eftirlit með
eldri raflögnum. Hann benti á vandamálið í
þessu sambandi að um 140 til 150 þúsund
neysluveitur í landinu (hús með rafmagni) og á
hverju ári léti Löggildingarstofa skoða hátt í
500 veitur.
,,Við höfum engan möguleika á að fylgjast
með öllum neysluveitum í landinu. Það eru
fyrst og fremst eigendur og umráðmenn sem
bera ábyrgð á ástandi raflagna í eigin húsnæði.
Þess vegna höfðum við til eigenda varðandi
þessi mál. Við beitum úrtaksskoðunum, gefum
út skýrslur um ástandið og gerum mönnum
þannig grein fyrir stöðunni. Eins og varðandi
ástandið hjá gisti- og veitingahúsum þá er það
eigendanna að sjá til þess að hlutirnir séu í lagi
rétt eins og hjá fólki almennt sem á að sjá til
þess að málin séu í lagi, hvort sem það eru raf-
lagnir, pípulagnir eða annað," sagði Jóhann.
Ef menn gera miklar breytingar eða
lagfæringar á rafmagnskerfi húsa, til að mynda
gisti- og veitingahúsa eða verksmiðjuhúsa, þá
er vanalega um endurnýjun að ræða. Verkið er
unnið af löggiltum rafverktaka og hann ber þá
ábyrgð á að allur frágangur sé í lagi og oftast er
gerð úttekt á svona breytingum.
,,Síðan líða árin og rafkerfið hrörnar smátt
og smátt en það kemur enginn opinber aðili til
að líta eftir ástandinu. Við að vísu látum
framkvæma úrtaksskoðanir og birtum skýrslur
um ástandið en það er bara ekki nóg. Því er
mjög mikilvægt að eigendur húsa láti löggilta
rafverktaka yfirfara raflagnirnar og stuðli
þannig að bættu öryggi," segir Jóhann Ólafsson.
Ekkert reglubundið
opinbert eftirlit í landinu
með eldri raflögnum
Þessi mynd var tekin í lok ágúst í Spielmannsau í Þýskalandi, alveg við landamæri Þýskalands og Austurríkis. Þessi stóri hópur Íslendinga, ásamt
austurrískum og þýskum leiðsögumönnum, var að leggja upp í sex daga gönguferð eftir svokölluðum E5 vegi í Ölpunum. Hæðarmismunur er mikill og
var tvisvar sinnum farið yfir 3.000 metra hæð og hæst 3.058 metra. Hópurinn labbaði þvert yfir Austurríki og endaði ferðina í Ítalíu. Veðurfar var yfirleitt
mjög gott, en þó var tvisvar sinnum snjókoma. Allir komu heilir heim, dasaðir, en þrátt fyrir það endurnærðir eftir fjalladvölina. Ferðin var á vegum
Ferðaskrifstofu bænda. Fararstjórinn, Sævar Skaptason, framkvæmdastjóri Fb er lengst til hægri á myndinni sem Sigismund Scwarthäfter tók.
Vill byggja
heimarafstöð
Jörðin Torfastaðir II í
Grímsnes- og Grafningshreppi er í
eigu sveitarfélagsins. Nú hefur
ábúandi þar óskað eftir því að fá
að byggja heimarafstöð og vill
hefjast handa nú þegar. Sveit-
arstjórn hefur samþykkt fyrir-
liggjandi beiðni. Að Torfastöðum
II er rekið minkabú.
www.bondi.is