Bændablaðið - 12.10.2004, Blaðsíða 13
Þriðjudagur 12. október 2004 13
Bændablaðið kemur
næst út 26. október.
Tökum að ljúka á
sjónvarpsmynd
um Austurdal í
Skagafirði
Tökur á mynd um Austurdal í
Skagafirði eru á lokastigi. Kvik-
myndatökulið fylgdi Stefáni
Hrólfssyni, gangnaforingja frá
Keldulandi og mönnum hans í
smölun í 39. viku en áður hafði
verið myndaður upprekstur
hrossa 17. júní og messa í
Ábæjarkirkju í Austurdal um
verslunarmannahelgi.
Það eru Árni Gunnarsson á
Sauðárkróki og Ingimar Ingimars-
son, bóndi á Ytra Skörðugili
ásamt Þorvarði Björgúlfssyni,
kvikmyndagerðarmanni, sem
standa að gerð myndarinnar.
Teknar hafa verið upp um 12
klukkustundir af efni úr dalnum
og verður afraksturinn 30-40
mínútna langur þáttur ætlaður til
sýningar í sjónvarpi. Aðstand-
endur myndarinnar stefna þó að
frumsýningu í Skagafirði í
nóvember þegar myndin verður
tilbúin.
Austurdalur er einstök
náttúruperla og státar meðal
annars af skógi vaxinni fjallshlíð í
400 metra hæð yfir sjó. Merkigil
milli samnefnds bæjar og eyði-
býlisins Gilsbakka og hrikaleg
gljúfur Jökusár Eystri gera það að
verkum að þetta landssvæði hefur
verið einangrað og erfitt yfir-
ferðar.
OG JERMIN
STEINEFNI
Steinefnaskortur er dýr, steinefni eru ódýr.
Fóðrun á steinefnum með beit verður
öruggari með Jermin
steinefnablöndunni og
Microfeeder stein-
efnaboxinu.
Leitið upplýsinga.
www.fodur.is Sími 570-9800 Hentar fyrir nautgripi og hross.
Er tryggt að dýrin þín fá nóga tilfærslu
steinefna?
Félagsmálaráð-
herra gestur í
Garðyrkju-
skólanum
Árni Magnússon félagsmála-
ráðherra var gestur á miðviku-
dagsfundi starfsmanna og nem-
enda Garðyrkjuskólans á
Reykjum í Ölfusi á miðviku-
daginn. Árni þekkir starf skól-
ans mjög vel enda var hann for-
maður nefndar sem vann að
skýrslunni "Háborg græna
geirans", sem fjallaði um stöðu
og framtíðarsýn skólans. Hann
fagnaði mikilli aðsókn að
skólanum og sagði að það hefði
komið skýrt fram á
ríkisstjórnarfundi nýverið að
byggt yrði upp á Reykjum líkt
og landbúnaðarráðherra hefur
beitt sér fyrir og er að vinna að.
Árni talaði einnig um
húsbréfamarkaðinn, atvinnumál,
jafnréttismál og annað sem hann
er að vinna að í ráðuneytinu með
sínu fólki. Fjölmargar spurningar
voru lagðar fyrir ráðherrann, sem
hann svarði mjög skýrt, m.a. um
málefni öryrkja, sameiningu sveit-
arfélaga, vistun fanga á Sól-
heimum í Grímsnesi, nýja áfengis-
verslun hjá Esso í Hveragerði og
margt fleira. Í lokin færðu starfs-
menn og nemendur honum fullan
poka af íslensku grænmeti og
blómaskreytingu, sem nemendur á
blómaskreytingabraut skólans
unnu. Næsti gestur á miðviku-
dagsfundi skólans verður Sigurður
Helgason hjá Umferðarstofu,
miðvikudaginn 13. október.
Árni Magnússon félagsmálaráð-
herra, sem var leystur út með
fullum poka af íslensku grænmeti
og blómaskreytingu eftir heim-
sóknina í Garðyrkjuskólann. /MHH