Bændablaðið - 12.10.2004, Blaðsíða 7

Þriðjudagur 12. október 2004 7
Nú yrkja menn á Leir um
kennaraverkfallið og Hreiðar
Karlsson segir:
Kennaradeilan er enn í hörðum
hnút. Nú hafa báðir
samningsaðilar lofað því að koma
á næsta fund, án þess að hafa
nokkuð til mála að leggja. Þetta
getur orðið sérkennilegur fundur,
til dæmis á þessa leið:
Kennaraverkfallið treinist í
talsverða stund
og tímana langa nemendur mega
þreyja.
Deiluaðilar ætla að koma á fund
án þess að hafa nokkuð frekar að
segja.
Fundurinn verður allur á eina
lund;
Ásmundur hlustar á
samningamennina þegja.
Hverjum að kenna?
Árni Reynisson bætir við og segir:
Og nú þegar önnur vikan verður
frá
virðist um það snúast þessi
senna:
ekki hvernig, hvenær eða hvort
það á -
heldur hverjum þetta er
alltsaman- að kenna
Ber lítið á hæfileikunum
Að sjálfsögðu yrkja menn líka um
Jón Steinar og baráttu hans og
annarra um að koma honum í
hæstarétt. Hreiðar Karlsson segir:
Enn er þrasað um hæstarétt og
tilnefningu dómara. Hópur
valinkunnra lögmanna hefur
gengið fram fyrir skjöldu til að
benda á vanmetna og að því er
okkur skilst - lítið þekkta
hæfileika Jóns Steinars.
Vandséð er hvernig hægt var að
gera Jóni ljótari grikk en þetta,
eða þannig:
Jón er eflaust engum manni líkur,
enda nógir til að greina frá því.
Þó að hann sé hæfileikaríkur,
hefur sjaldan borið mikið á því.
Inni er bjart við yl og söng
Séra Hjálmar Jónsson sendi
þessa vísu Þórðar Kárasonar frá
Litla-Fljóti á Leirinn og telur hana
orta á Hveravöllum:
Nóttin vart mun verða löng
vex mér hjartastyrkur.
Inni er bjart við yl og söng,
úti svartamyrkur.
Ólafur Stefánsson sagði vísurnar
vera tvær og þá síðari svona:
Þessi bolli lífsins laun
ljúf og holl mun bera,
en elta rollur út um hraun
einn má skollinn gera.
Kveðja
Þegar einn af kunningjum
Hákonar Aðalsteinssonar, skálds
og skógarbónda á Húsum, varð
fimmtugur fékk hann þessa
kveðju frá vini sínum:
Kveðjur skulu vinum valdar,
verðugt er að minnast dagsins.
Nú skal hylltur hálfrar aldar
höfuðverkur samfélagsins.
Mælt af
munni fram
Hvert er markmiðið/tilgangurinn með
ráðstefnunni?
Markmiðið er að kalla eftir norrænum
áherslum og alþjóðlegum um öryggi og heilnæmi
matvæla. Ráðstefnan mun gefa okkur miklivæga
yfirsýn með því að kalla eftir sjónarmiðum
neytenda, matvælaiðnaðar og stofnana sem hafa
eftirlit með leikreglum matvælaiðnaðarins.
Við viljum fara yfir stöðu Norður-
landaþjóðanna á þessu sviði. Hvar
stöndum við sem matvælafram-
leiðendur í alþjóðlegu sam-
hengi og hvernig tryggjum við
að Norðurlöndin verði áfram
í framvarðasveit þeirra sem
keppa að sem mestu mat-
vælaöryggi.
Hvað einkennir ráðstefnuna -
þ.e. þau erindi sem þar verða
flutt?
Dagskráin ber það með sér
að reynt er að ná til fæðukeðjunnar í heild sinni,
frá haga til maga. Fyrirlestrar á ráðstefnunni eru
ólíkir um margt en í því felst einmitt sú yfirsýn
sem ég nefndi áðan. Tökum dæmi:
Fulltrúi Alþjóða viðskiptastofnunarinnar
(WTO) mun ræða um reglur um fóður og
matvæli.
Fulltrúi Efnahags- og framfarastofnunar
Evrópu (OECD) fjallar um rekjanleika í
fiskiðnaði.
Fulltrúi Matvælastofnunar Sameinuðu
þjóðanna (FAO) fjallar um dýraheilbrigði og
fóðurgæði.
Fulltrúi Matvælastofnunar Bandaríkjanna
(FDA) fjallar um þau matvæli sem á ensku eru
kölluð Functional Foods og þær reglur sem þau
verða að lúta í matvælaframleiðslu.
Loks mun fulltrúi Alþjóða heilbrigðismála-
stofnunarinnar (WHO) ræða um gildi neyslu-
vatnsgæða við matvælaframleislu.
Á dagskrá ráðstefnunnar er úrval erlendra og
innlendra fyrirlesara. Erfitt er að velja nafn eða
nöfn úr svo hæfum hópi en þó vil ég nefna
framkvæmdastjóra Matvælaöryggisstofnunar
Evrópu, Geoffrey Podger, sem
mun fjalla um öryggi matvæla
út frá áhættumati. Hann
mun kynna störf og mark-
mið stofnunarinnar. Einnig
vil ég nefna Unni Kjernes
sem mun fjalla um traust
neytenda á Norðurlöndum
og Evrópu til matvæla. Hér
er um að ræða afar
þýðingarmikla niðurstöðu
rannsóknarskýrslu sem nýtist jafnt
neytendendum sem matvælafram-
leiðendum.
Ef hægt er að tala um "hagnað" í sambandi við
svona ráðstefnuhald - hver er þá hann fyrir
Ísland?
Það leikur ekki vafi á því að vilji Íslendingar
vera í forystu sem matvælaframleiðsluþjóð er
okkur nauðsyn á að fylgjast grannt með erlendum
straumum og stefnum á þessu sviði. Hér erum við
að fá fyrirlestra þeirra sem best þekkja til. Það
eykur skilning okkar og segir okkur hvar við
stöndum í erlendum samanburði. Norðurlöndin
hafa með sér afar sterka samvinnu á mat-
vælasviðinu sem mun endurspeglast í umræðunni
og þeirri framtíðarsýn að Norðurlöndin séu í
forystu hvað varðar örugga og heilnæma fæðu.
Allar nánar upplýsingar er að finna á
heimssíðu ráðstefnunnar www.foodsafety.is
Ráðstefna um ÖRUGG OG HEILNÆM MATVÆLI - norrænar áherslur, verður haldin
á hótel Nordica í Reykjavík dagana 14. og 15. október nk.
Eins og kunnugt er þá eru
matvælaráðuneytin á Íslandi eru
þrjú; umhverfisráðuneyti,
landbúnaðarráðuneyti og
sjávarútvegsráðuneyti. Þau hafa
starfað vel saman á sviði matvæla.
Krafan um nákvæmlega þetta
ráðstefnusamstarf kemur fram á
norrænum vettvangi. Ráðstefnan er
framlag Íslands á matvælasviði á
formennskuári
í Norður-
landaráði. Á
norrænum
vettvangi eru
starfandi
embættis-
mannanefndir
um landbúnað
og skógrækt,
fiskveiðar og
matvæli.
Fram til þessa
hafa þær
starfa nokkuð
sjálfstætt en
það er vilji
matvæla-
ráðherra Norðurlanda að nefndir
þessar starfi þétt saman og
framtíðarsýnin er sú að nefndin verði
einungis ein. Sett hefur verið fram
ein sameiginleg verkáætlun
nefndanna enda er þeim ætlað að ná
til fæðukeðjunnar í heild sinni frá
haga til maga. Samstarfið hefur
gengið vel við undirbúning
ráðstefnunnar og stuðlar að því að
gera íslenska kerfið skilvirkara með
sterkari og stærri einingum en nú er.
Bændablaðið fór á fund Sigríðar
Stefánsdóttur, lögfræðings í
umhverfisráðuneytinu til að fræðast
frekar um matvælaráðstefnuna sem
hefst á fimmtudaginn.
Haraldur Benediktsson, formað-
ur Bændasamtaka Íslands, er ný-
kominn heim frá Bandaríkjunum þar
sem hann var viðstaddur kynningu á
íslensku lambakjöti í fjórum Whole
Foods verslunum í Washington,
ásamt Baldvin Jónssyni, fram-
kvæmdastjóra Áforms, og Sigurgeir
Sindra Sigurgeirssyni sauðfjárbónda.
Sigurgeir Sindri og Sigurgeir Þor-
geirsson, framkvæmdastjóri BÍ, voru
ásamt Baldvin líka í Austin í Texas á
ráðstefnu Whole Foods búðanna. Þar
voru yfirmenn verslunarkeðjunnar
að ræða gerð staðla um aðbúnað og
meðferð á dýrum sem er forsenda
þeirra afurða sem þeir selja í sínum
verslunum. Sigurgeir Þorgeirsson
flutti erindi um íslenska sauðfjárrækt
og aðbúnað sauðfjár á Íslandi á ráð-
stefnunni. Að henni lokinni fóru þeir
til Washington þar sem Haraldur
kom til móts við þá. Sigurður Hall
var þá einnig kominn til að standa
fyrir kynningum á kjötinu í búðun-
um. Þá tóku við kynningar á íslenska
lambakjötinu og dreifing á geisla-
diskum og bæklingum um íslenskt
sauðfé og íslenskt lambakjöt.
Haraldur sagði að það hefði
verið mjög gaman að fylgjast með
þegar Sigurður Hall og Sigurgeir
Sindri gáfu fólki að smakka íslenskt
lambakjöt og sjá hversu vel fólki
líkaði kjötið.
,,Þegar farið var að ræða við það
kom í ljós að sumir höfðu ekki hug-
mynd um hvað eða hvar Ísland er,
aðrir sögðust hafa heyrt þess getið og
síðan var fólk sem vissi allt um
landið og fagnaði því að geta fengið
íslenskt lambakjöt. Mér þótti gaman
að fylgjast með því fólki sem var að
smakka íslenska kjötið í fyrsta sinn
og sjá sælusvipinn sem færðist yfir
andlit þess þegar það fann bragðið af
kjötinu. Ein af Whole Foods verslun-
um sem við komum í hefur selt
íslensk lambakjöt lengst verslana þar
vestra. Þar upplifði maður alveg nýja
hlið á þessu. Verslunarstjórinn var
afskaplega hrifinn af íslenska kjötinu
og sagði að í ágúst væri fólk farið að
spyrja hann um hvenær sölutímabilið
á íslensku lambakjötinu byrji. Í
þessari verslun hittum við fólk sem
hafði keypt íslenskt lambakjöt árum
saman og sagðist ekki geta án þess
verið eftir að sölutímabilið er hafið.
Sumir báðu verslunarstjórann að láta
sig vita þegar sölutímabilið væri að
enda til þess að það gæti birgt sig upp
og keypt kjöt í frystinn. Einn við-
skiptavinur bað verslunarstjórann að
taka frá fyrir sig 10 lambalæri í lok
sölutímabilsins. Hún sagðist ekki
geta haldið veislu nema hafa íslenskt
lambakjöt og sagðist ekki bara halda
veislur frá ágúst til desember, hún
gerði það á öðrum tímum líka og þá
yrði hún að eiga til íslenskt lamba-
kjöt," sagði Haraldur.
Hann sagðist því hafa upplifað
gríðarlega stemningu fyrir íslenska
kjötinu og mikinn velvilja hjá fólki
og að því þykir kjötið einstök vara.
Haraldur segir kjötborðin og fram-
setning kjötsins hjá Whole Foods
vera með ólíkindum glæsileg og
miklu framar en við þekkjum hér
heima.
Haraldur segist vera mjög bjart-
sýnn á framhald útflutnings á ís-
lensku lambakjöti til Bandaríkjanna.
Hann segist líka sjá möguleika á að
selja fleiri íslenskar búvörur til
Bandaríkjanna, eins og osta, smjör,
skyr og fleira. Baldvin Jónsson hefur
verið að ræða um sölu á þessum
vörum við ráðamenn Whole Food
verslananna. Framhaldið ræðst mjög
af iðnaðinum hér heima, hvort hann
er tilbúinn að fylgja þessu eftir.
Haraldur trúir að það sé farvegur
fyrir sölu á þessum vörum í Banda-
ríkjunum og telur það mikið slys ef
menn láta ekki á það reyna.
,,Ég er mjög bjartsýnn á fram-
haldið eftir þess ferð. Maður sá
glöggt hve mikið starf hefur verið
unnið og líka hversu mikið starf er
eftir og alla þá möguleika sem eru
fyrir hendi til að auka söluna til
Bandaríkjanna. Ég yrði ekki hissa
þótt hægt verði að selja verulegt
magn til Bandaríkjanna eftir svo sem
eins og sex ár," sagði Haraldur
Benediktsson.
Á myndinni t.v. eru þeir Siggi
Hall og Sigurgeir Sindri að ræða við
viðskiptavin um kosti íslenska
lambakjötsins.
Haraldur Benediktsson, formaður BÍ fór til
Bandaríkjanna til að fylgjast með sölu lambakjöts
Gaman að sjá hversu vel fólki
líkaði íslenska lambakjötið
Sigurgeir Sindri og Siggi Hall ræða við bandaríska konu um kosti
lambakjötsins.
Fjöldi merkra fyrirlesara
á ráðstefnu um matvæli