Bændablaðið - 12.10.2004, Síða 18

18 Þriðjudagur 12. október 2004
Það hvarflaði ekki að Lárusi
Stefánssyni, þar sem hann
bograði í skólagörðunum fyrir
nokkrum árum, að hann ætti
eftir að gerast garðyrkjubóndi.
Honum fannst ekki einu sinni
gaman í garðræktinni. Síðar
vann hann í mörg ár í Áburðar-
verksmiðjunni í Gufunesi og
svo voru hann og kona hans,
Stefanía Bjarnadóttir,
bústjórar á kjúklingabúi Móa í
Hvalfirði. "Ég hafði bara séð
grillaða kjúklinga fram að því,"
segir Lárus kíminn. Óhrædd
við ný og ókunnug verkefni
réðust þau hjón í kaup á
garðyrkjubýlinu Reykjaflöt í
Hrunamannahreppi og fluttu
þangað í fyrra. "Okkur langaði
mikið upp í sveit," segir Lárus
um ásæðu þessa, "og við erum
svo sannarlega komin í góða
sveit. Hér er gott mannlíf,
fjölbreytt félagslíf, krakkarnir
ánægðir í Flúðaskóla og elsta
dóttirin í ML. Hér er mikil
samvinna og samhjálp meðal
garðyrkjubænda. Það eru allir
kollegarnir boðnir og búnir að
leiðbeina okkur og liðsinna og
svo fáum við líka frábæra
þjónustu ráðunauta."
Á Reykjaflöt eru papríkur og
chillipipar ræktað inni en út eru
ræktaðar gulrætur, púrra,
vorlaukur, icebergsalat, rautt salat
og sætar kartöflur. Jarðhiti er á
staðnum og fyrri eigandi hafði
lagt hitalagnir á 70 cm dýpi undir
stórum garði. Hægt er að plægja
yfir þeim. Vegna þessa var hægt
að setja út gulrætur 1. apríl og
uppskera snemma.
Lárus segir full snemmt að
segja til um afkomu búsins. "Við
seljum bara á því verði sem okkur
er skammtað og höfum nánast
ekkert um að það segja.
Möguleikar okkar liggja í því að
skapa okkur sérstöðu og gera ekki
bara það sama og allir hinir. Við
erum t.d. í ræktun á vorlauk og
einu innlendu framleiðendurnir.
Við köllum þessa tegund
Gunnlauk," segir Lárus og bætir
við:"Við vorum svo heppin að
finna hana Gunn og fá til starfa
hjá okkur, þar fáum við bæði
fagþekkingu og duglegan
liðsauka." Gunn M. H. Apeland
er frá Noregi en búsett á Flúðum.
"Ég er garðyrkjuhagfræðingur,"
segir hún, "og er mjög ánægð
með að vinna hér. Nú er ég
loksins farin að nota menntun
mína en ekki bara að tína
tómata." Gunn segir mikinn feng
hafa verið að komu norsks
sérfræðings, Kari Aarekol, sem
hefur komið hingað til lands
þrisvar í ár og kynnt
garðyrkjubændum bættar
geymsluaðferðir, ræktun nýrra
tegunda og afbrigða og
illgresiseyðingu. /Soffía.
Lárus Stefánsson garðyrkjubóndi með stórar gulrætur úr volgum garðinum. Bændablaðsmyndir: Soffía.
Lárus Stefánsson á Reykjaflöt
“Möguleikar
okkar liggja í því
að skapa okkur
sérstöðu og gera
ekki það sama
og allir hinir”
Andri Þórarinsson, nágranni frá Reykjadal, fékk að máta sæti ökumanns.
Þóra Sædís Bragadóttir, í Reykjadal, og Stefanía Bjarnadóttir garðyrkju-
bóndi pökkuðu púrrulauk.
Sigríður
Bjarnadóttir frá
Hólsgerði í
Eyjafirði
Fékk viður-
kenningu fyrir
viðskipta-
áætlunin á
fyrsta lands-
byggðanám-
skeiðinu
,,Þessi viðskiptaáætlun mín er
eiginlega viðskiptaleyndar-
mál ennþá og því get ég ekki
sagt þér enn sem komið er út
á hvað hún gengur," sagði
Sigríður Bjarnadóttir frá
Hólsgerði í Eyjafirði. Hún
fékk viðurkenningu fyrir
góða viðskiptaáætlun á fyrsta
landsbyggðarnámskeiði
Brautargengis sem haldið var
í fyrra.
,,Málið er að ég hef gengið
með ýmsar hugmyndir í koll-
inum og þar á meðal þessa við-
skiptaáætlun og hafði verið
með hana í huga í nokkur ár.
Síðan dreif ég mig á þetta nám-
skeið þar sem ég fékk aðstoð
við uppsetningu áætlunarinnar
og ýmislegt í tengslum við hana
sem var afar gagnlegt. Það var
IMPRA Iðntæknistofnun sem
hélt þetta Brautargengisnám-
skeið sem var fyrsta lands-
byggðanámskeiðið. Við vorum
með fjarfundabúnað og það
voru líka hópar á Egilsstöðum
og Ísafirði á námskeiðinu. Við
hittumst eina helgi í upphafi en
síðan vorum við á sitt hvorum
staðnum," sagði Sigríður.
Námskeiðið gekk út á að
gera viðskiptaáætlanir fyrir
hvað sem er, það var ekkert sér-
stakt þema þar í gangi. Það var
mjög ólíkt margt af því sem
konurnar tóku fyrir. Sumar voru
þá þegar komnar með fyrir-
tækjarekstur og unnu út frá því
en aðrar voru með hugmyndir
sem þær útfærðu.
Sem fyrr segir vill Sigríður
ekki skýra frá því að svo komnu
út á hvað verðlaunaáætlun
hennar gengur en sagðist geta
skýrt frá henni að ári. Það litla
sem upp hjá henni fékkst var að
hún fjallaði um ræktun og
verslun. Hún segist ætla að
fylgja áætluninni eftir og það
tengist því fyrst og fremst að
skapa sér tekjur og halda áfram
búsetu í Hólsgerði.
,,Námskeiðið var mjög
gagnlegt og áhugavert og mjög
hnitmiðað sett upp. Ég mæli
með þessu námskeiði við allar
konur enda er menntun orðin
mikill áhersluþáttur í þjóðfélagi
nútímans og sem betur fer býðst
okkur landsbyggðafólki þessi
kostur líka,” sagði Sigríður.