blaðið - 11.03.2006, Blaðsíða 30

30 I TII.VERAN
LAUGARDAGUR 11. MARS 2006 blaðiö
Vinna að heimildarmynd
um stóriðjustefnu á íslandi
Kvikmyndagerðarmennirnir He-
lena Stefánsdóttir og Arnar Steinn
Friðbjarnarson vinna um þessar
mundir að heimildarmynd um stór-
iðju og uppbyggingu áliðnaðar á Is-
landi. Sjálf hafa þau látið til sín taka
í baráttu gegn virkjunum á hálend-
inu en Helena segir að þau reyni
engu að síður að fjalla um allar
hliðar stóriðjustefnunnar í mynd-
inni. Ekki er laust við að nokkurrar
tortryggni hafi gætt i garð kvik-
myndagerðarmannanna af þessum
sökum og reyndist þeim framan af
erfitt að fá stjórnmálamenn og full-
trúa Landsvirkjunar til að tjá sig
um málið.
Almenningur illa upplýstur
Helena segir að tengsl hennar við
virkjunarsinna kunni að standa
henni fyrir þrifum en hún leitist þó
við að fjalla um málið á hlutlægan
hátt og að öll sjónarmið fái að
koma fram. „Mér finnst áberandi
að almenningur á íslandi er ekki
nógu upplýstur um þetta mál. Ég er
sjálf búin að rannsaka þetta og hef
verið á kafi í þessu en þegar ég ræði
þessi mál við fólk kemur það oft af
fjöllum,“ segir hún.
Helena og Arnar Steinn hófust
handa við gerð myndarinnar fyrir
ári þegar aðgerðir umhverfisvernd-
arsinna stóðu yfir við Kárahnjúka.
,Þá var þetta aðeins lítið verkefni
sem hefur síðan undið upp á sig
og er orðið mun stærra en við ætl-
uðum,“ segir Helena sem tekur
undir að erfitt hafi reynst að standa
straum af kostnaði við gerð myndar-
innar. „Við þurfum að finna okkur
framleiðenda. Við ætluðum að fram-
leiða þetta sjálf en þetta er eiginlega
búið að vaxa okkur yfir höfuð. Þetta
er bara svo spennandi efni og svo
margt í þessu,“ segir Helena sem
bindur vonir við að myndin verði
tilbúin næsta sumar.
Afstaðan ekki breyst
Helena segir að afstaða hennar til
stóriðjustefnu íslenskra stjórnvalda
hafi ekki breyst við gerð iiiyndar-
innar. „Ég er ennþá mjög mikill and-
stæðingur svona mikillar stóriðju á
íslandi. Mér finnst við vera að fórna
alltof miklu fyrir mjög lítinn og nán-
ast engan hagnað. Ég er alveg viss
um að við séum að stórtapa á þessu
til langs tíma, alveg sama hvernig
á málið er litið,“ segir Helena en
bætir við að hún skilji betur af-
stöðu þeirra sem séu á öndverðum
meiði. „Ég sé ekki lengur Alcoa og
þessi stóru fyrirtæki fyrir mér eins
og einhver skrímsli eins og ég gerði
áður heldur skil ég betur forsendur
þeirra. Fyrirtæki eru í viðskiptum
til að græða peninga og þá nota þau
auðvitað allar aðferðir sem þær geta
til að græða meiri peninga á sinni
framleiðslu,“ segir hún.
Helena segir jafnframt að það
sem hafi komið sér mest á óvart við
vinnslu myndarinnar sé að hún hafi
ekki fundið fleiri rök með stóriðju-
stefnunni en raun bar vitni. „Þegar
við byrjuðum á þessu þá héldum
við fyrst og fremst rómantískum
umhverfissjónarmiðum á lofti, að
ekki mætti eyðileggja náttúruna og
þar fram eftir götunum. Þegar við
kynntum okkur þetta betur kom-
umst við að því að efnahagslega er
þetta ekki heldur gott fyrir landið,“
segir Helena og bendir í því sam-
bandi á að sérfræðingar sem þau
hafi rætt við hafi flestir talið að um
óarðbærar framkvæmdir væri að
ræða.
Blaöií/Frikki
Kvikmyndagerðarmennirnir Arnar Steinn Friðbjarnarson og Helena Stefánsdóttir. He-
lena segir að afstaða hennar til stóriðjustefnu hafi í meginatriðum ekki breyst við gerð
myndarinnar en hún skilji þó betur viðhorf virkjanasinna.
Lappað upp á skó i hálfa öld
Skósvinnslustofa Sigurbjörns
fagnar hálfrar aldar afmæli sínu
um þessar mundir. Starfsfólk
skóvinnslustofunnar hefur haft í
nógu að snúast í afmælisvikunni
sem lýkur í dag enda ýmis freistandi
tilboð á vörum og þjónustu. „Það
hefur verið gífurlega mikið að gera
í afmælisvikunni og á köflum hefur
biðröðin náð fram á gang,“ segir
Jónína Sigurbjörnsdóttir skósmiður.
Sigurbjörn Þorgeirsson, faðir
Jónínu, stofnaði fyrirtækið á
Vesturgötu árið 1956 og var það á
nokkrum stöðum í borginni þangað
tilþaðfékkinniíverslanamiðstöðinni
Austurveri árið 1976 þar sem það
hefur verið allar götur síðan. Jónína
segir gaman að því að fjölmargir
viðskiptavinir hafi haldið tryggð við
fyrirtækið í gegnum árin og sumir
Starfsmenn Skóvinnslustofu Sigurbjörns áriö 2006. Frá vinstri: Jónfna Sigurbjörnsdóttir,
Gunnar Rúnar Magnússon, Birna Magnúsdóttir og Andri Gunnarsson.
hafi jafnvel átt viðskipti við það
áratugum saman.
Þriðji ættliðurinn í læri
Fjölskylda Sigurbjörns hefur alla
tíð tekið þátt í daglegum störfum
og rekstri fyrirtækisins. „Núna er
það ég, maðurinn minn, mágkona
og sonur sem vinnum hérna.
Þannig að þetta er alveg ekta
fjölskyldufyrirtæki. Við erum þrjú
lærðir skósmiðir og svo er sonur
minn á samningi,“ segir Jónína og
bætir við að tíminn verði að leiða
í ljós hvort að hann taki við. Hann
er svo ungur ennþá og það verður
að koma í ljós hvernig honum likar
þetta. Ef hann hefur áhuga á því þá
stendur honum þetta til boða,“ segir
hún.
Meiri fjölbreytni
Jónína hefur sjálf starfað við fagið
í tæp 30 ár og segir ýmislegt hafa
breyst á þeim tíma og meðal annars
séu efni og lím orðin betri. „Það er
líka meira úrval af gúmmítegundum
til dæmis hvað varðar sóla og
hælplötur. Fólk hefur úr meiru að
velja núna. 1 gamla daga gastu ekki
valið neitt. Það var bara notað það
sem var til,“ segir hún.
Hún segir jafnframt aðbúnað
skósmiða hafa batnað til muna
frá þeim tíma sem hún hóf störf.
„1 gamla daga voru skósmiðir
nær undantekningarlaust í
kjallaraholum en nú erum við í stóru
plássi þar sem er rúmt um okkur
og allur aðbúnaður mjög góður,"
segir hún og bætir við að jafnframt
sé meira hugað að heilbrigði og
starfsaðstæðum skósmiða.
Jónínu finnst segir gæði
skófatnaðar vera svipuð nú á dögum
og áður. „Almennt er skófatnaður
mjög vandaður en þú getur Uka
farið út í búð og keypt þér eitthvað
ódýrt drasl sem ekki borgar sig að
gera við. Ef þú kaupir ódýrari skóna
er endingin mun minni þannig að
það borgar sig að kaupa dýra skó og
láta sóla þá nokkrum sinnum í stað
þess að kaupa alltaf nýja og nýja. Við
viljum því meina að það sé jafnvel
hagstæðara að kaupa dýrari skóna,“
segir Jónína.

á stigaganginn
Falleg aökoma aö heimilinu skiptir máli.
Teppi er slitsterkt gólfefni sem auðvelt
er aö þrífa, hljóöeinangrandi og hlýlegt.
Við seljum vönduö og endingargóö teppi
sem eru ofnæmisprófuö og á góöu verði.
o
Óíip/JcÁ/.
a 32 Sími 533 5060
www.stepp.is