blaðið - 23.03.2006, Blaðsíða 26

26 I FERÐALÖG
FIMMTUDAGUR 23. MARS 2006 blaðið
Öðruvísi upplifun í œ\nntýraferð
Svokallaðar cevintýraferðir verða sífellt vinsœlli enda fá ferðalangar öðruvtsi sýn á viðkomandi land aukþess sem slíkarferðir skilja heilmikið eftir sig.
„Hluti af ferðinni er undirbúningurinn, að kynnast landinu, lesa sér til um það og vita
hverju þú átt von á. Maður verður að fá tíma til að hlakka til og njóta þess tíma."
Hugurinn þráir að skoða ókunn lönd og kynnast framandi menningu enda hafa allir
gott af örlitlu menningarsjokki.
f flestum blundar einhver
ævintýraþrá enda hafa margir
takmarkaðan áhuga á enda-
lausum verslunar- eða sólar-
ferðum. Hugurinn þráir að skoða
ókunn lönd og kynnast framandi
menningu enda hafa allir gott af
örlitlu menningarsjokki. Exit.is
býður upp á spennandi ævintýra-
ferðir þar sem hægt er að velja
þann ferðamáta sem hver og einn
vill. Hægt er að ferðast eins og
innfæddir eða fá nasaþef af við-
komandi landi en eyða flestum
nóttum á hóteli.
Hrund Þorgeirsdóttir, sölustjóri,
segir að Exit.is bjóði upp á ferðir til
allra heimsálfanna og hægt sé að
velja þann ferðamáta sem hver og
einn vill. „Sumir vilja lúxusferðir á
meðan aðrir vilja erfiðari ferðir. Til
að mynda er ferðast í trukkum og
gist í tjaldi í sumum ferðanna og það
eru reyndar vinsælustu ferðirnar
okkar en það er helst unga fólkið
sem sækir í þær. Við erum líka með
» ferðir þar sem sá ferðamáti er nýttur
sem viðhefst í hverju landi fyrir sig.
Þá er stundum ferðast í almennings-
rútum, stundum í leigubílum, aftan
í þríhjóli, á fílum eða hvað sem er,“
segir Hrund og bætir við að það sé
gífurleg fjölbreytni í ferðum hjá
Exit.is. „Venjulega tekst okkur að
finna ferðir við allra hæfi. Aldurs-
dreifingin er mjög breið hjá okkur
þar sem yngsti farþeginn okkar er
sennilega um 9 ára en sá elsti um
sextugt. Við skipuleggjum nefnilega
líka fjölskylduferðir."
Ferðalangurinn gerir allt
Hrund segir að það hafi breyst
hverjir sæki helst í ævintýraferðir.
,Einu sinni var það aðallega ungt
fólk sem fór í ferðirnar og þá oft
eftir skólagönguna. Núna er þetta
enginn ákveðinn hópur sem sækir
í þessar ferðir. Vitanlega er unga
fólkið stór hópur en núna leitar til
okkar fólk á öllum aldri og þessar
ferðir eru því orðnar miklu almenn-
ari. Hingað kemur enginn til að leita
sérstaklega að lúxusferðum enda
erum við með minnst af þeim. En
við erum með nóg af ferðum fyrir þá
sem vilja sjá viðkomandi land eins
og það er í raun og veru en ekki eins
og túristarnir sjá það. Upplifunin
verður því önnur, ég get tekið sem
dæmi Dragoman ferðir um Afríku
þar sem ferðalangurinn þarf að gera
allt. Hann slær upp tjaldinu, verslar
í matinn og eldar hann. Það er vit-
anlega leiðsögn með í ferðinni en
hópurinn skiptist á að sinna svona
hlutverkum. Með þessu fær ferða-
langurinn óneitanlega öðruvísi sýn
á landið enda fæst þessi sýn ekki í
lúxusferð þar sem gist er á hóteli. En
vitanlega er hægt að segja að svona
ferð sé erfiðari, það er meira krafist
af ferðalangnum. En þetta skilur vit-
anlega heilmikið eftir sig því þetta
er meira návígi við landið.“
Tímitil að hlakka til
Samkvæmt Hrund er Afríka vinsæl-
ust þessa dagana en Suður-Ameríka
hafði verið vinsælasti áfangastaður-
inn í nokkur ár. „Reyndar er það
þannig að þeir sem fara einu sinni
í svona ævintýraferð fá bakteríuna.
Ég man til dæmis eftir konu sem var
ung þegar hún fór í fyrstu ferðina
sína með Dragoman í trukkum með
tjaldið og öllu sem því fylgdi. Ell-
efu árum síðar kom hún aftur með
manninum sínum og móður en þau
voru orðin svo þreytt á að hlusta á
hana segja hvað ferðin hefði verið
æðisleg að þau fóru bara með henni.
Það skiptið völdu þau þó aðeins auð-
veldari ferð þar sem oftar var gist á
hótelum."
Hrund segir að betra sé að ákveða
ævintýraferðir með einhverjum fyr-
irvara því það sé heilmikil vinna
að velja réttu ferðina. „Það þarf að
skipuleggja svona ferðir hálft ár, ef
ekki ár fram í tímann. Það er vit-
anlega misjafnt eftir því hvaða ferð
er farið í og á hvaða tíma. Hluti af
ferðinni er undirbúningurinn, að
kynnast landinu, lesa sér til um það
og vita hverju þú átt von á. Maður
verður að fá tíma til að hlakka til og
njóta þess tíma.“
svanhvit@bladid. net