blaðið - 04.08.2006, Blaðsíða 16

16
FÖSTUDAGUR 4. ÁGÚST blaöiö
veiði
veidi@bladid.net
„Það hefur alltaf verið sannfæring mín
að hver maður sem teflir greind sinni
fram gegn fiski og tapar, á það skilið.“
John Steinbeck
fyrir aðeins 5000 krónur!
Handbók meö ítarlegum upplýsingum, kortum o.fl. fylgir!
Fæst á ESSO, í veiðivöruverslunum og á www.veidikortid.is
Reynisvatn er mjög vinsælt hjá veiðimönnum enda nóg af fiski
í vatninu og sjaldgæft að fólk fari tómhent heim. í vatninu er
aðallega regnbogasilungur en einnig bleikja. Hægt er að leigja
stangir og báta og er aðstaðan tilvalin fyrir starfsmannahópa
sem og veislur af ýmsu tagi. Á staðnum er veitingasala, fjöldi
grilla, innisalur og útipallar. 561 o752 og 693 7101
| Veiðinámskeiðin hejjast 12. júní, fyrir börn á aldrinum 8-14 ára
FISHER'S Motion, Gore-Tex
6 laga Gore-Tex vöðlur
og vöðlujakkar.
9 ára reynsla á íslandi.
Hafa reynst frábærlega
að sögn kröfuharðra
neytanda.
Toppgæði
og gott verð!
''WsHEr^
Dreifing: Vciðihúsið • Hóhnaslóð 4*101 Rcykjavík • Sími: 562 0095 - 898 4047
Víðförull veiðimaður sem hefur veitt gasellur og villisvín
Villisvín í hvert mál
Björn Leví Birgisson er
vanur skotveiðimaður
og hefur ferðast um allan
heim til að veiða gasellur,
villisvín og fleira. Hann
viðurkennir fúslega að skotveiðar séu
ávanabindandi en segir að minnsti
hlutinn af veiðiferð sé að skjóta dýrið,
upplifunin af ferðinni sé aðalmálið.
„Ég hef verið í skotveiðibransanum
í rúmlega tuttugu ár og ég var fyrsti
íslendingurinn sem bauð upp á ferðir
erlendis til að veiða framandi dýr. Við
byrjuðum á því að fara til Rússlands
að veiða villisvín árið 1991, áður en
Sovétríkin liðu undir lok. Það má
segja að ég hafi ekki valið rétt svæði
í það skiptið. Við vorum 30 kílómetr-
um frá Grosni í Tsjetsjeniu og heyrð-
um fallbyssuskothríðina þegar Tsjetsj-
enar gerðu sína fyrstu uppreisn. Eftir
það var eiginlega of hættulegt að vera
á því svæði.“
Ósnortin Moskva
Björn segir að það sé erfitt að velja
hvaða land sé skemmtilegast að veiða
í. „Ætli ég leggi ekki að jöfnu úlfaveiði
í Mongólíu og villisvín í Rússlandi.
En það er líka vegna þess að við vor-
um með fyrstu útlendingunum sem
fengu að koma til Kákasusfjalla í
Rússlandi. Það höfðu ekki margir út-
lendingar farið þarna á undan okkur
og þetta var því aldeilis lífsreynsla.
Fólkið í Moskvu átti til dæmis hvorki
mjólk né sykur út i kaffið sitt. Það má
segja að Moskva hafi verið ósnortin
þegar við vorum þarna og það eina
sem benti til annars var einmanalegt
ljósaskilti. Reyndar var nýbúið að
opna fyrsta McDonalds-staðinn um
þetta leyti. Við keyrðum fram hjá hon-
um og þar stóðu á milli 2-300 manns
í biðröð að komast inn á staðinn. Fólk
var mjög þyrst í vestræn áhrif á þeim
tima,“ segir Björn og bætir við að það
sé tvennt ólíkt að veiða hreindýr hér
heima eða villisvín í Rússlandi.
350 kg viilisvín
Björn hefur ferðast til ótal landa
til að veiða dýr, til að mynda til Skot-
lands, Bandaríkjanna, Noregs og
Danmerkur. „í haust mun ég halda
áfram að selja skotveiðiferðir erlend-
is og i þetta skiptið er stefnan sett á
Tyrkland á villisvínaveiðar. Á næsta
ári verður farið til Afríku þar sem er
mikið úrval veiðidýra. í Tyrklandi
eru múslimar í miklum meirihluta en
þeir veiða hvorki né éta villisvín. Það
er því til mikið af villisvínum í Tyrk-
landi og þar eru sennilega stærstu dýr-
in sem veiðimenn komast í tæri við i
Evrópu í dag. Stór villisvín geta orðið
um 350 kíló,“ segir Björn sem þarf svo
vitanlega að skilja kjötið eftir í Tyrk-
landi. „Við lifum á kjötinu í veiðiferð-
inni sjálfri að miklu leyti en restina
skiljum við eftir þar. Þegar ég var í
Rússlandi var villisvín í morgunmat,
hádegismat og kvöldmat flesta daga.
Svo láta flestir stoppa höfuðið upp er-
lendis og súta skinnið. Tennurnar eru
líka hirtar en það er hefð fyrir því að
setja tennurnar úr villisvínunum á
platta upp á vegg.“
Gasella / Mongólíu veiddi Björn Leví
meðal annars gasellu.
Rádýr Björn Levímeð rádýr.
Komast í snertingu við innfædda
„Ég á slæðing,“ segir Björn og hlær
þegar hann er inntur eftir því hvort
hann eigi mikið af höfðum og öðru á
vegg. „Þetta er bara í stofunni hjá mér.
Sumir verða hálfhræddir þegar þeir
koma hér inn en öðrum finnst gaman
að koma inn í svona einkanáttúrusafn.
Hér er úlfur frá Mongólíu, gasella frá
Mongóliu, kyrkislanga frá Suður-Afr-
íku ásamt fleiru. Ég skaut að visu kyrk-
islönguna óvart en hún er friðuð. Hún
heitir Royal Game og það má enginn
nema kóngafólk skjóta hana.“ Þrátt fyr-
ir safnið segir Björn að minnsti hluti
Þung svín Rússnesku villisvínin geta
náð allt að 350 kg þyngd.
ferðarinnar sé að skjóta dýrið heldur
sé upplifunin sjálf það sem gerir þetta
svona skemmtilegt. „Það er ferðalagið
til nýrra landa og veran í náttúrunni
sem er gjörólík öllu sem við erum vön.
Við erum alltaf með innfædda leiðsögu-
menn með okkur og kynnumst því
menningunni mun betur heldur en
einhver venjulegur túristi sem kemst
aldrei í snertingu við innfædda."
svanhvit@bladid.net