blaðið - 07.09.2006, Qupperneq 12
SnUéLjuueqi 46 S * 'Zjífuxwuti
^ERUM MEÐ1150 NÝJAR OG NÝLEGA UPPFÆRÐA BÍLA Á SKRÁ!!!!
VWG0LFC0MF0RTLINE 1,6 08/98
Ek.lOöþ. 5.gíraV.580,-
HYUNDAISANTA FE11/02
ISUZU TROOPER 3,0 TDIABS35"
7 MANNA 09/99 Ek.125 þ.km
V.1,550,- GÓÐUR BÍLL
TOYOTA LAND CRUISER 90 VX TDI
Árg. 97 Ek.167þ.km V.1690,- Lán 890,
Ek-28 þ.Sjálfsk. V.2,250,
GUL GATA
m^S^SaSSm
>;*■» jfel
Skólobrú
VEITINGAHÚS/RESTAURANT
Borðapantanir í síma: 562 4455
Skolabrú@skolabru.is
Veitingahúsið Skólabrú
óskar eftir Matreiðslumeistara
til starfa. Þarf að geta hafið
störf sem allra fyrst.
Áhugasamir hafið samband
við Ólaf Helga í síma 8993266.
Skolabru@skolabru.is
12
FIMMTUDAGUR 7. SEPTEMBER 2006
UTAN ÚR HEIMI
Segir tímann nauman
Mahmoud al-Mashhadani, forseti íraska
þingsins, telur landið við það að leysast
upp í frumeindir. Forsetinn sagði að ef
ekki næðist fram eining á þinginu myndi
landið falla í fen trúar- og borgarastríðs.
Ummæli hneyksla
Helstu þungavigtarmenn heims í eyðnirannsóknum hafa
krafist þess að heilbrigðisráðherra Suður-Afríku segi af sér.
Ráðherrann ráðlagði eyðnismituðum að borða mikið af hvítlauk
og rauðrófum. Fimm milljónir eru smitaðar af eyðni í landinu og
hafa stjórnvöld verið gagnrýnd fyrir aðgerðaleysi.
■ Davíð Oddsson spurpi í
Kastljósþætti hvers vegna
Baugsmenn, sem segðust sak-
lausir af ákærum, verðu allt að
tveimur milljörðum króna til að
komast hjá að sakirnar kæmu
fyrir dóm og fengju efnislega
meðferð.
B—
■ Hreinn Loftsson stjórnarfor-
maður Baugs Group er ekki
sáttur við orð Daviðs og svarar
fullum hálsi í fréttaviðtali. Hann
vill meðal annars vita hvað
málatilbúnaðurinn hefur kostað
hið opinbera. Hann finnur margt
að orðum Davíðs.
Davíð hefur tungur
tvær og notar þær
Eftir Trausta Hafsteinsson
trausti@bladid.net
„Glögglega kemur fram í allri orð-
ræðu Davíðs að hann hefur tungur
tvær og talar sitt með hvorri. Hann
segir eitt og framkvæmir annað,”
segir Hreinn Loftsson, lögmaður
og stjórnarformaður Baugs Group.
Hreinn furðar sig jafnframt á að
Davíð skuli í öðru orðinu taka fram
að hann muni ekki skipta sér af
störfum eftirmanns síns en í hinu
orðinu vegur hann að honum með
gagnrýni á varnarmálin.
Davíð Oddsson seðlabankastjóri
hefur verið mikið í opinberri um-
ræðu eftir viðtal við hann sem
birtist í Kastljósi síðasta sunnudag.
Þar lét hann ýmis ummæli falla
um íslenskt dómskerfi og græðgi ís-
lenskra auðmanna.
„Davíð leggur sífellt áherslu á
að ekki megi verða til sérstök með-
ferð eða lög um ríka einstaklinga.
Sjálfur hefur Davíð hins vegar sett
lög um eftirlaun stjórnmálamanna
og með því fært sér og öðrum stjórn-
málamönnum réttindi umfram
aðra í þjóðfélaginu. Með þessu er
Davíð að búa til sérréttindastétt,”
segir Hreinn. „Þar að auki hefur
Davíð reglulega komið fyrir vinum
sínum, ættingjum og pólitískum
varðhundum í hinu opinbera kerfi.
Hinir ákærðu hafa þurft að þola
sérlega harkalega og tillitslausa
meðferð þeirra aðila sem fara með
rannsóknarvaldið. Stöðugir lekar
af rannsókn málsins hafa átt sér
stað og komið sér verulega illa fyrir
ákærðu. Hann getur því ekki leyft
sér að tala með þessum hætti.”
Taumlaus græðgi
Hreinn skilur ekki hvers vegna
Davíð tönnlast sífellt á stétt auð-
manna og í sömu setningu noti
hann orðið græðgi.
„Ég vil benda á að græðgi getur
birst í ýmsum myndum, meðal
annars í óhóflegri fíkn í völd og
áhrif. Þar kemur græðgi Davíðs
Oddssonar fram og hann getur til
dæmis ekki stillt sig þrátt fyrir það
að hafa lýst því yfir að vera sestur í
helgan stein í pólitík,” segir Hreinn.
„Þess í stað stígur hann fram með
dylgjum, hreinum ósannindum og
pólitískum yfirlýsingum. Til dæmis
um varnar- og virkjunarmál. Það
stendur því ekki steinn yfir steini í
þessari gagnrýni hans.”
Falleg lygasaga
Hreinn bendir á að Davíð treysti
á skammtímaminni almennings
og nú síðast hafi Davíð sagt ósatt
varðandi mögulegt framboð sitt til
forseta.
„Davíð skáldaði upp einhverja
fallega sögu um að hann hafi fjög-
urra ára gamall ákveðið að verða
ekki forseti. Ég man ekki betur en
að snemma árs 1996 hafi reglulega
birst af því fréttir í Morgunblaðinu
að hann væri að íhuga forsetafram-
boð,” segir Hreinn. „Um miðjan
apríl, einum og hálfum mánuði
fyrir kosningarnar, lýsti Davíð því
loksins yfir að hann væri hættur
að hugleiða framboð til forseta og
aðrir gætu farið að hugleiða fram-
boð gegn Ólafi Ragnari.”
Of tengdur ákæru valdinu
Þegar Davíð gagnrýndi dóms-
kerfið veltu menn því fyrir sér
í kjölfarið hvort hann ætti við
kerfið í heild sinni eða eingöngu
dómstólana.
„Annars vegar segist Davíð
ekki vita neitt um málið og
hins vegar segir hann dóm-
stólana hafa brugðist í Baugs-
málinu. Ljóst er að hann er
að vísa til dómstólanna en
ekki ákæruvaldsins. Davíð
sem lögfræðingur verður að
tala með skýrum hætti og orð
hans verða ekki túlkuð öðruvísi
en sem ádeila á dómstól-
ana fyrir að hafa
ekki tekið málið
til efnismeð-
ferðar,” segir
Hreinn.
A ð
spurður
s e g i r
Hreinn að dómstólarnir hafi staðið
sig vel í þessu máli því að ákæru-
valdið hafi ekki búið málið í þann
búning að dómstólarnir teldu það
hæft til meðferðar.
„Miðað við það ætti gagnrýni Dav-
íðs að beinast að ákæruvaldinu og
hvers vegna gerir hann það ekki?
Vill hann ekki fá þá á móti sér?
Getur verið að það sé vegna þess að
hann er of tengdur því?”
Ríkir mega ekki verja sig
Nýverið óskaði Davíð eftir út-
skýringum á varnarkostnaði hinna
ákærðu og sagðist ekki skilja hvers
vegna þeir hafi ekki látið málið
fara venjulega lögfræðilega leið í
dómskerfinu.
„Nær væri að spyrja hvað rann-
sókn rikislögreglustjóra hafi kostað
í þessu máli.Tölvupóstar Styrmis
Gunnarssonar hafa vakið upp grun-
semdir um aðdraganda málsins og
allt frá upphafi hefur farið gríðar-
legur kostnaður í rannsókn máls-
ins sem lendir á skattgreiðendum.
Ekki hefur verið gerð grein fyrir
þeim kostnaði á opinberum vett-
vangi,” segir Hreinn. „Davíð virð-
ist vera þeirrar skoðunar að menn
megi ekki verja sig og alls ekki
ríkir menn. Ivlálið hefur gengið
sína lögfræðilegu leið
og dómstólarnir
hafa einfaldlega
sagt að stærstu
þættir málsins
séu ekki tækir
til efnislegrar
meðferðar.”
BÆTIFLÁKAR TALSMAÐUR LANDSNETS SVARAR ÁSÖKUNUM SIGURÐAR ARNARSSONAR
Fullyrðingarnar standast ekki
„Fullyrðingar Sigurðar fá ekki staðist. Því er hafnað
með öllu að hann hafi fengið greiddar smánarbætur
því að okkar mati voru bæturnar rausnarlegar,” segir
Þórður Guðmundsson, forstjóri Landsnets, sem er dótt-
urfyrirtæki Landsvirkjunar og reisti umdeild línustæði
i Skriðdal. í Blaðinu í gær gagnrýnir Sigurður Arnars-
son, fyrrum íbúi í Skriðdal, vinnubrögð Landsvirkjunar
og segist hafa tapað tugum milljóna í viðskiptum við
Landsvirkjun.
„Ég er með skjalfest gögn sem segja húseignina vel
fyrir utan hættumörk. Framkvæmdin uppfyllir öll lög
og reglur um fjarlægð frá íbúðarhúsnæði. Samkvæmt að-
alskýrslu má greinilega sjá að Landsvirkjun hefur ekki
sent rangar upplýsingar til iðnaðarráðuneytisins því
þar kemur rétt fjarlægð fram,” segir Þórður. „Landsnet
fjallaði um allar athugasemdir sem bárust eins og gert
er ráð fyrir í matsferlinu og var tekið tillit til þeirra á
viðunandi hátt.”
„Skiljanlegt er að fólk hræðist háspennulínur og ég
geri alls ekki lítið úr því. Hins vegar er engin hætta af
þessum línum, hvorki hávaða- né rafsegulmengun.”
bætir Þórður við.