blaðið - 21.10.2006, Side 34

3 4 LAUGARDAGUR 21. OKTÓBER 2006
blaöiö
L
Marga hefnr eflaust einhvern ttma dreymt um aa sttja t stoli borg
arstjóra, horfa dreymandi yfir tjörnina og hafa örlög Reykjavíkttr í
hendi sér. í það hlutverk eru margir kallaðir en fáir útvaldir líkt og
títt er með eftirsótt störf. Blaðið leitaði tilfimm valinkunnra
einstaklinga ogfékk þá til að setjast í stól borgarstjóra.
A
Myndi leggja tröppur út í tjörn
„Ég myndi byrja hvern borgarráðsfund á
morgunsöng, svona til að létta aðeins skap-
ið hjá mönnum" segir Bergþór Pálsson
söngvari þegar hann er spurður um hvað
hann myndi gera væri hann borgarstjóri.
Lögin á dagskránni væru létt og skemmti-
leg eins og Fúsalögin, Við Vatnsmýrina,
Austurstræti og önnur skemmtileg lög
„0g síðan þegar fólk væri orðið þreytt og
allt komið í hnút þá myndi ég stjórna slök-
unar- og teygjuæfingum." Bergþór heldur
þó ekki að á þessum vinnustað sé meira
stress en á hverjum öðrum en þessi aðferð
sé góð á vinnustöðum yfirleitt til að efla
samkennd og fólk er jú að vinna að sama
markmiði þó það sé ekki alltaf sammála.
Bergþór sér einnig möguleika á því að
gera tröppur frá borgarráðssalnum ofan
í tjörnina við Vonarstrætið, „fólk gæti
hlaupið út í vatnið ef það lægi þungt á því
og komið hresst og endurnært til baka“.
Bergþór myndi einnig vilja stuðla að
betri umferðarmenningu í borginni. „Ég
myndi vilja beita mér fvrir því að hækka
sektir við hraðakstri. Ég veit ekki hvort
það er á könnu borgarstjóra. Ég myndi
líka vilja að inni í ökuprófinu væri skylda
að fara á námskeið í umferðarkurteisi.
Umferðin hér er mjög stressuð og það er
eins og fólk haldi að það sé eitt í heimin-
um og hugsi ekki að það eru manneskjur í
hinum bílunum. Ég myndi vilja að stuðla
að meiri tillitssemi ef væri ég borgarstjóri“
segir Bergþór
/
Bergþór Pálsson, söngvari
Herför
gegn sóðaskap
Ég myndi byrja á því að þrífa borgina,
koma á sektum við sóðaskap og láta þá
sem fleygja rusli á götum úti greiða fyrir
það dýru verði. Þar með væri ég búin að
bjarga peningakassa borgarinnar fyrir lífs-
tíð og landið gæti verið skattlaust með öllu.
Kannski myndi fólk læra með tímanum að
sóða ekki út en þar til sá dagur rynni upp
yrðum við ægilega rík. í Sviss er fólk látið
fara út á götu og þrífa og mér finnst það
bara mjög gott mál. íslendingar eru síþríf-
andi heima hjá sér gargangi og æpandi svo
ég skil ekki hvers vegna þeir ættu ekki að
geta þrifið fyrir utan hjá sér líka. Ég bý í
101 og hér er allt löðrandi í skít og glerbrot-
um. Mér finnst það ekki gefa spennandi
mynd af Reykjavík að okkar sé getið í er-
lendum ferðahandbókum fyrir sóðaskap
eins og staðreynd er. Fyrir tveimur öldum
komumst við í ferðahandbækur þess tíma
vegna þess að það var svo mikil skítalykt af
okkur og lýsnar skriðu um allt. Við ætlum
greinilega að halda þeim orðstír til streitu
því okkur finnst þetta svolítið fínt. Svo
er auðvitað ýmislegt fleira sem ég myndi
vilja breyta og bæta en ég þyrfti líklega að
komast á þing til þess.
Meira gegnsæi
í stjórnmalum
Ég myndi efla menningarsviðið og eins
myndi ég nútímavæða samgöngur til að
losna við alla þessa bíla. Ég myndi vilja hafa
lest eða eitthvert farartæki sem nýtir þá
orku sem við höfum hér á landi. Almennt
myndi ég efla velferðarkerfið og stokka það
almennilega upp. Það þarf að setja skóla-
kerfið í nútímaform en þær aðferðir sem
notaðar eru í dag eru gamaldags. Það þarf
að efla tungumálakunnáttu því ísland er
ekki einangrað heldur alþjóðlegt land. Það
eru margir útlendingar á Islandi og það má
heldur ekki gleymast að við erum útlending-
ar líka því við fluttum hingað fyrir löngu síð-
an. Þegar kemur að stjórnmálum þá myndi
ég vilja hafa meiri gegnsæi, sérstaÚega
hvað varðar fjármál því þar leynist spilling-
in og klíkuskapurinn. Álmenningur á að
hafa meiri völd í atkvæðagreiðslum, sérstak-
lega í stórum ákvörðunum sem hafa mikil
áhrif á þjóðarbúið til lengri tíma litið. Það er
ósanngjarnt þegar nokkrir menn taka stór-
ar ákvarðanir. Fræðsla um áfengi og vímu-
efni þarf að vera betri og heiðarlegri. Það
þarf að fræða fólk um tilveruna í stað þess
að vera með hugsjónir sem eru óraunhæfar,
eins og að segja bara nei.
Börn og eldra
fólk í forgang
Ég er fædd og uppalin í Reykjavík og þykir
ákaflega vænt um borgina þó ég búi eins
og er í Kópavogi. Að setjast í stól borgar-
stjóra væri kærkomið tækifæri enda margt
hægt að laga. Fyrst og fremst myndi ég
vilja bæta stöðu eldri borgara. Við eigum
að gera miklu betur við þetta fólk sem hef-
ur komið okkur á þann stað sem við erum
í dag og unnið gott starf áratugum saman.
Ég heimsótti elliheimili í vikunni sem leið
og mér brá að sjá hversu lítið pláss hver
heimilismaður hafði til eigin umráða. Það
þarf að bæta til muna enda segir það sitt
um samfélag hvernig það fer með gamla
fólkið sitt. Svo myndi ég vilja hækka laun
leikskólakennara og bæta stöðu barnafólks
sem erhreint ekki nógu góð í dag. Foreldrar
eiga að geta varið meiri tíma með börnum
sínum en þeir geta í dag. Iþróttirnar eru
mér eðlilega ofarlega í huga og ég myndi
vilja hækka öll fjárframlög til þeirra, ekki
síst styrki til afreksmanna í íþróttum sem
eru alltof lágir. Einnig myndi ég vilja efla
allt íþróttastarf í yngri aldursflokkunum.
Annars hef ég mikla trú á núverandi borg-
arstjóra, Vilhjálmi Þ. Vilhjálmssyni, til
þess að bæta öll þessi atriði sem ég nefndi.
Tæki miö af
óskum borgarbúa
Mér hefur alltaf fundist Reykjavík eins og
unglingur og því er auðvitað eins farið með
mig og flesta að hafa mjög afgerandi skoð-
anir á því hvernig hún eigi að fullorðnast.
Ég fæ alltaf þessar fínu hugmyndir í hvert
einasta skipti sem ég er á ferð um borgina;
hvort sem ég er akandi eða gangandi. En
nú þegar mér gefst þetta einstaka tækifæri
vefst mér tunga um tönn og man ekki eftir
nokkrum hlut!
En þetta dugar nú skammt svo látum
okkur sjá. Já, ef ég vaknaði borgarstjóri í
fyrramálið tæki ég til óspilltra málanna.
Ég færi í gallabuxur, peysu og gönguskó
og legði borg undir fót. Að því búnu hefðu
væntanlega rifjast upp fyrir mér allar þess-
ar fínu hugmyndir sem ég vitnaði til. En
ég ætla að vera lýðræðislegur borgarstjóri
og léti ekki þar við sitja heldur hleypti af
stokkunum könnun meðal borgarbúa þar
sem spurt væri: Hvað mundir þú gera ef
þú værir borgarstjóri? Síðan tæki ég mið
af óskum Reykvíkinga, einkum barna
og eldri borgara enda fátt dýrmætara í
samfélagi en að huga vel að þeim yngstu
og elstu