blaðið - 24.03.2007, Page 46

46 LAUGARDAGUR 24. MARS 2007
blaöiö
Á mér alltaf
bandamann
Margir muna
eftir Stein-
unni Völu
Sigfúsdóttir
þegar kenn-
arar í fram-
haldsskólum
fóru í verkfall árið 2000. Þá mæddi
töluvert á henni þar sem hún var for-
maður félags framhaldsskólanema.
Þessa dagana má sjá hana í Gettu
betur þar sem hún er stigavörður
og stendur sig með miklum sóma.
Enda segist hún ekki hafa þurft að
hugsa sig lengi um þegar henni var
boðið starfið. „Þetta er í fjórða sinn
sem ég er stigavörður og það er mjög
skemmtilegt að taka þátt í þessu. Ég
fékk þetta tækifæri því ég hafði verið
i stýrihóp Gettu betur árið 2001
en í stýrihóp eru nokkrir fulltrúar
nemenda frá framhaldsskólunum
og fulltrúar frá Ríkissjónvarpinu.
í hópnum er formið á keppninni
ákveðið auk þess sem einn fulltrúi
mætir á allar viðureignir og fylgist
með hvort allt gangi að óskum. Ef
einhver vafaatriði koma upp þá er
fulltrúinn kallaður til ásamt stiga-
verði, dómara og spyrli til að taka
ákvörðun um hvað á að gera.“
Mikill metnaður
Aðspurð segir Steinunn Vala að
hún hafi verið mjög stressuð fyrir
fyrstu sjónvarpútsendinguna. „Mér
fannst þetta svolítil pressa og frekar
óþægilegt. Ég var náttúrlega yngri
þá og hugsaði mikið um að öll þjóðin
væri að horfa á mig. Ég var til dæmis
voðalega upptekin af því í hvaða
fötum ég ætti að vera og það mátti
alls ekki vera eitthvað gagnrýnivert.
Ég pæli ekkert í þessu núna. Ætli
ég hafi ekki bara þroskast og er því
ekki eins upptekin af því hvað aðrir
hugsa," segir Steinunn Vala og hlær.
,Ég, Davíð Þór Jónsson dómari og Sig-
mar Guðmundsson spyrill hittumst
einu sinni fyrir hvern þátt þar sem
við förum yfir handritin, spurning-
arnar og öll vafaatriði. Það mæðir
vitanlega mest á Davíð fyrir þáttinn
þar sem hann semur allar spurning-
arnar. Það er rosalega gott að vinna
með Sigmari og Davíð, þeir eru ynd-
islegir menn, mikil ljúfmenni og
húmoristar. Þeir hafa líka mikinn
metnað fyrir keppnina sem mér
finnst mjög skemmtilegt að sjá, þeir
eru báðir alltaf mjög vel undirbúnir
og hafa velt þessu mikið fyrir sér.“
Jákvætt ungt fólk
Steinunn Vala segist vera mjög
hrifin af Gettu betur því þar má
sjá ungt fólk sem er virkilega að
leggja sig fram og gera góða hluti.
„Stundum finnst mér vanta að lögð
sé áhersla á hvað ungt fólk er að
gera margt jákvætt. Ég var inspector
scholae í Menntaskólanum á Akur-
eyri og var mjög stolt af skólanum
okkar enda stóðu allir sig vel og það
var aldrei neinn til vandræða. Við
vorum alltaf með áfengislaust félags-
líf sem allir tóku þátt í. Flest ungt
fólk er að gera frábæra hluti en það
er oft erfitt að koma því að. Ég sendi
oft fréttatilkynningar um félagslífið
í MA til fjölmiðla en lítið var fjallað
um það. Svo kom kannski stór grein
um árshátíð annarra skóla þar sem
allt hafði farið úr böndunum,“ segir
Steinunn Vala sem finnst magnað
að sjá metnaðinn sem keppendur
Gettu betur hafa. „Það eru 29 skólar
sem skrá sig í keppnina og allir vilja
vera með. Reyndar er mjög breyti-
legt hve mikið er lagt á sig og sumir
skólar hafa þjálfara sem fær laun.
Mér finnst samt sem fleiri skólar
taki þessu alvarlega i ár og mér
finnst gaman að sjá það. Mennta-
skólinn í Reykjavík vann náttúrlega
mörg ár í röð og margir töldu að
það væri ógjörningur að sigra þá.
Mér fannst verða breyting á þeim
hugsunarhætti þegar Borgarholts-
skóli var með rosalega sterkt lið og
það virðist hafa hvatt hina skólana
áfram.“
Hef aldrei þurft að vera ein
Þrátt fyrir að hafa alist upp í
Mosfellsbæ ákvað Steinunn Vala
að sækja menntaskóla alla leið
norður á Akureyri. „Þetta var ein-
hver ævintýramennska. Ég hafði
fengið inngöngu í Menntaskólann
í Hamrahlíð en snerist hugur sum-
arið áður en skólinn átti að hefjast.
Ég fékk mér helgarvinnu á Akur-
eyri og sendi skólameistara MA
handskrifað bréf þar sem ég óskaði
eftir inngöngu. Ég veit satt að segja
ekki af hverju ég vildi fara þangað
en ég er dálítið gamaldags í mér og
get sennilega flokkast sem gömul
sál. Ég vildi fara í góðan skóla með
bekkjarkerfi og ekki spillti fyrir
að langalangafi minn var skóla-
meistari MA í mörg ár. Mér leið að
minnsta kosti ofboðslega vel fyrir
norðan og það getur vel verið að
ég eigi eftir að búa þar seinna meir.
Samt sem áður var það stórt skref
að flytja þangað og ég kveið því að
þekkja engan í skólanum. Ég á tví-
burabróður sem hefur alltaf verið
mér stoð og stytta. Ég hef því aldrei
þurft að vera neins staðar ein því ég
hafði hann alltaf.“
Var þess virði
Steinunn Vala tók við embætti in-
spector scholae um haust árið 2000
og við tóku annasamir tímar. Kenn-
araverkfallið stóð fram í janúar
2001 og Steinunn Vala birtist því
mikið í fjölmiðlum. „Það var allt í
óreiðu þegar ég tók við félaginu og
margt ógert. Ég vissi ekki að þetta
yrði svona mikið verkefni en hóf að
koma þessu í gott horf. Síðan varð
brjálað að gera þegar verkfallið skall
á. Það sem var líka dapurlegt var
að ég missti sambandið við fram-
haldsskólanema því þau fóru í aðrar
vinnu eða heim til sín. Ég var með
nokkra í stjórninni innan handar
en mér fannst ég vera svolítið ein í
þessu. Þetta varð því svolítið mikið
fyrir rúmlega tvítuga stúlku, það
hringdu margir í mig út af um-
mælum mínum í fjölmiðlum og eitt
skiptið þegar við mótmæltum við
Alþingishúsið var ráðist á mig og
hrækt á mig,“ segir Steinunn sem
viðurkennir að þetta hafi verið ein-
staklega erfitt. „Samt sem áður var
þetta lærdómsríkt og ég sé ekki eftir
þessum tíma því ég fékk mörg tæki-
færi í kjölfarið. Þetta var þess virði
og hefur kennt mér mikið en þegar
ég lít til baka þá var þetta erfitt."
Shake
l/i
u
*Batterígrip er aukahlutur og kostar kr. 15.183
Pentax K10D er einstök DSLR myndavél. Hún
er með 10.2 milljón díla flögu (23,5x15,7mm)
og getur tekiö rúmlega 3 jpg myndir á sekúndu,
í fullri upplausn, eins lengi og pláss er á minnis-
kortinu. Hún er meö 22 bita A/D breytingu sem
gefur einstaklega raunverulegar myndir og 11
punkta sjálfvirkum fókus. K10D er meö Penta-
prisma leitara meö 0,95x stækkun og 2,5" TFT
víðvinkilsskjá (210.000 dila). Ljósnæmið er 100
til 1600 og hámarks lokarahraöi 1/4000 úr sek.
Grind vélarinnar er úr málmi og öll samskeyti ytra
byröis vélarinnar eru þétt meö gúmmíþéttingum
(72 talsins). Þetta gerir vélina afar sterkbyggða
og algerlega veöur og rykhelda
En það er meira. Vélin er líka meö innbyggöri
hristivörn á CCD flögu, þannig aö allar linsur
eru hristivaröar. Svo er hún líka meö rykhreinsi-
búnaöi, og sérstakri húö á „Low Pass" filternum
til aö draga úr líkum á ryki eins og frekast er unnt.
Hvort sem þú tekur myndir af landslagi, fólki,
tísku eöa tækjum þá er K10D frábær kostur.
Og veröiö aöeins kr. 99.990 meö 18-55mm.
K10D með 18-55 & 50-200 mm linsum kr. 122.590
Hvergi meira fyrir minna!