blaðið - 26.05.2007, Blaðsíða 35

blaðið
LAUGARDAGUR 26. MAÍ 2007 35
Islendingar hafa fengið nýja
ríkisstjórn, Þingvallastjórnina.
Ingibjörg Sólrún Gísladóttir,
formaður Samfylkingarinnar,
verður utanríkisráðherra í
þeirri stjórn. Oft hefur verið haft
á orði að ekki sé heppilegt fyrir for-
mann stjórnmálaflokks að taka að
sér embætti utanríkisráðherra þar
sem hætta sé á að hann missi tengsl
við eigin flokk. Ingibjörg Sólrún seg-
ist alls ekki óttast að svo fari.
„Ég hugsaði reyndar um þessi orð
en staðreyndin er sú að allir ráð-
herrar eru mikið á faraldsfæti þar
sem alþjóðleg samskipti eru orðin
ríkur þáttur í starfi þeirra," segir Ingi-
björg Sólrún. „Þar að auki eru skilin
milli alþjóðamála og innanlands-
mála minni en nokkru sinni. Ég hef
mikinn áhuga á málaflokknum og
hef alltaf haft. Mig langar að sinna
þessum málum og tel mig geta gert
það vel. Þess vegna varð þetta ráðu-
neyti fyrir valinu."
Hvaða mál viltu leggja megin-
áherslu á sem utanríkisráðherra?
„Nú eru nýir tímar í alþjóðamálum
íslendinga, enginn getur neitað
því, og þá skiptir öllu máli að skil-
greina stöðu og rödd íslands rétt og
skynsamlega. Það skiptir okkur gríð-
arlega miklu máli að fylgjast með
þróun mála í Evrópu og við verðum
alltaf að vera á vaktinni varðandi
stöðu okkar og möguleika. fsland
er smáríki og ef við fylgjumst ekki
vel með þróun mála á alþjóðavísu þá
getum við farið að dragast aftur úr
innanlands.
ísland getur látið mjög til sín taka.
í loftslagsmálum eigum við til dæmis
að vera í forystu og verndun hafsins
er mál sem við eigum að sinna mjög
vel. Sjálf er ég virk í samstarfi for-
manna norrænu jafnaðarflokkanna
um loftslagsmál og mun nýta það
vel. Ég held líka að í ljósi þess að við
erum herlaus þjóð þá getum við látið
meira að okkur kveða á alþjóðavett-
vangi í friðarmálum og mannrétt-
indamálum. Ég hef mikinn áhuga
á framþróun mannverndarhugtaks-
ins í alþjóðalögum og -samskiptum
og mannhelginni sem slíkri. Það
er mikilvægt að þjóðir heims móti
stefnu um það hvernig þær láta sig
mannhelgi fólks varða og beiti ekki
ríksvaldi gegn eigin þegnum.“
Get tekið fast á móti
Morgunblaðið hefur efast um
heilindi Samfylkingar í þessu rík-
isstjórnarsamstarfi ogsegir að það
sé hcetta á að þú sprengir stjórnina
á miðju kjörtímabili og myndir
vinstri stjórn til að verða forsœtis-
ráðherra. Hverju svararðu þessu?
„Þegar fólk gengur til ríkisstjórn-
arsamstarfs verður það að byggja á
fullum heilindum. Ég gæti alveg eins
átt á hættu að Geir Haarde nái saman
við Vinstri græna eða Framsókn en
það er ekki hægt að vera með það í
bakhöfðinu að hinn aðilinn ætli að
svíkjast aftan að manni. Það væri
eins og að ganga í hjónaband og vera
sífellt að velta því fyrir sér hvort mak-
inn muni halda framhjá manni við
fyrsta hentugleika. Maður stofnar
ekki til sambands á slíkum grund-
velli. Ég held að ég geti fullyrt að ég
sé mjög trygglynd og trú fólki sem
á annað borð setur traust sitt á mig.
Ég held að Morgunblaðið hafi enga
ástæðu til að tala með þessum hætti
og skil ekki af hverju menn á þeim
bæ leggja málin svona upp.“
Hefurðu einhverja skýringu á
því afhverju Morgunblaðið skrifar
á þennan hátt?
„Ég hef enga skýringu á því og
nenni ekki að velta því fyrir mér
lengur.“
Afhverju heldurðu að þúfarir í
taugarnar á sumum? Erþað afþví
að þú ert kona sem hefur metnað í
pólitík og virkar oft sem töffari?
„Ég er þeirrar gerðar að ég geld
alltaf gott með góðu. En ef farið er
illa að mér get ég tekið fast á móti.
Það getur vel verið að einhverjum
þyki ég ekki nógu auðsveip kona
en þannig er bara ekki mitt geðslag.
Ég verð bara að búa við það og hinir
líka.“
„Það var mjög mikilvægt í mínum huga að Samfylkingin
ætti þess kost að ég yrði forsætisráðherra. Mjög margar
konur hefðu viljað sjá það gerast því þá væri verið að
rjúfa ákveðinn múr sem skiptir málifyrir þróun jafn-
réttis og jafnræðis í samfélaginu."
Að rjúfa múrinn
Hversu mikilvægt er það í
þínum huga að verða forsætisráð-
herra og þar með fyrsta konan á
íslandi sem gegnir því embætti?
Er ekki bara mjög eðlilegt að það
sé eitt af markmiðum þtnum sem
stjórnmálamanns?
„Það var mjög mikilvægt í mínum
huga að Samfylkingin ætti þess
kost að ég yrði forsætisráðherra.
Mjög margar konur hefðu viljað sjá
það gerast því þá væri verið að rjúfa
ákveðinn múr sem skiptir máli
fyrir þróun jafnréttis og jafnræðis
í samfélaginu. Það er líka eðlilegt
að ég sem formaður í stjórnmála-
flokki, sem er kominn með þessa
stærð, stefni að því að hann geti
verið í forystu í ríkisstjórn. Þess
vegna hlaut ég að leggja áherslu á
það, eins og ég gerði, bæði fyrir og
eftir kosningar að flokkurinn næði
slíkri stöðu. Ég hef hins vegar enga
löngun til þess að vera í forystu í
ríkisstjórn bara til að vera í forystu
og vera kannski með illa starfandi
ríkisstjórn sem ég hefði ekki trú á
að næði fram mikilvægum málum
vegna innbyrðis sundurlyndis. Þá
finnst mér betur heima setið en af
stað farið."
Er þá alveg Ijóst í þinum huga
að þrátt fyrir það sem Vinstri
grænir og Framsókn segja núna
um að þeir hafi vel getað hugsað
sér vinstri stjórn þá hafi það aldrei
verið raunhæfur möguleiki vegna
innri átaka milli flokkanna?
„Því miður varð sífellt augljósara
að þessir flokkar, VG og Framsókn,
gætu ekki náð að starfa saman í
sæmilegri sátt. Þetta kom bæði
fram í aðdraganda kosninga og eftir
kosningar. Eg hefði kosið að svo
hefði orðið. Samfylkingin var með
tengsl til sjálfstæðismanna, fram-
sóknarmanna og vinstri grænna því
auðvitað verður alltaf að leggja mat
á möguleikana sem eru í stöðunni.
Dagana eftir kosningar fannst mér
blasa við að ekki væri vilji til staðar
hjá þessum tveimur flokkum og sér-
staklega ekki hjá Vinstri grænum.
Framsóknarmenn eru vanir að vera
í stjórn og þeir vita hvað því fylgir
en vinstri grænir eru það ekki og
mér fannst ekki vera neinn vilji hjá
þeim til að starfa með Framsókn. Ég
er ekki með nein brigslyrði í garð
vinstri grænna vegna þess. Það er
allt í lagi að þeir hafi þetta sjónarmið
en þá mega menn ekki ásaka aðra
um óheilindi eða sviksemi. Vinstri
grænir verða að axla þá ábyrgð að
þetta vildu þeir.“
Ef ríkisstjórnin heldur velli eftir
fjögur ár viltu þá fara i vinstri
stjórn?
„Það er útilokað að segja til um
það á þessum tímapunkti. Það fer
eftir þvi hvernig þetta ríkisstjórnar-
samstarf þróast og hversu miklum
árangri við náum.“
Jafnræði milli flokkanna
Reynslan virðist sú að tninni
flokkar líðafyrir samstarf við Sjálf
stæðisflokkinn. Þarf Samfylkingin
ekki að vera vakandi fyrir þeirri
hœttu?
„Samfylkingin þarf að vera vakandi
fyrir þessu og Sjálfstæðisflokkurinn
sömuleiðis. Það er ekki gott fyrir Sjálf-
stæðisflokkinn að það verði hið við-
tekna viðhorf að hann nagi alla sam-
starfsflokka inn að beini. Þá verður
samstarf við Sjálfstæðisflokk víti til
að varast. Það er mikilvægt að það
sé jafnræði og jafnvægi milli þessara
flokka og að annar flokkurinn gjaldi
ekki samstarfsins við hinn. Á þetta
reynir núna.“
Óttastu ekki að þetta muni
gerast?
„Nei, við erum vel undir þetta sam-
starf búin. Við höfum unnið gríðar-
lega mikla stefnumótunarvinnu og
erum búin að rótfesta okkur í jafnað-
arstefnunni. Það tók tíma fyrir Sam-
fylkinguna að þróa nútímalega jafn-
aðarstefnu. Nú hefur okkur tekist
það. Við höfum sjálfstraust og erum
bjartsýn og ég trúi því að þetta sam-
starf muni ganga vel.“
Framhald á næstu síðu »
Láttu drauminn rcetast
frábcer sumartilboð á rúmum & svefnsófum
Karolin
tungusvefnsófi
Karolin 3ja sæta svefnsófi
•i«**
Q
R
Q
O
co
O
£
£
Electai20x200 60.570 áöur 67.300,-
Suprima
90x200crn 33.280,- áöur 41.600,-
1 20x200cm 42.400,- áður 53.000,-
1 40x200cm 49.360,- áður 61.700 -
Opiö virka daga 10 til 18
laugadaga 11 til 16
HÚSGAGN.AVERSLUN
TOSCANA
SMIÐJUVEGI 2, KOP S : 5 8 7 6090
HÚSGÖGNIN FÁST EINNIG IHÚSGAGNAVAL, HÓFN S: 478 2535