Orðlaus - 01.12.2005, Blaðsíða 30

JOLAVEISLAN MIKLAI
PLÖTUFLÓÐINU, MEÐ
SÚKKULAÐI OG MANDARÍNUM
Þórir, Kira Kira, Dóri DNA, Daníel Ágúst og Einar
Sonic hitta fulltrúa Orðlaus yfir kakóbolla
Dóri DNA: „Þetta er gott súkkulaði,
sjóðandi heitt og gott. Og það gerir rjómann
sérstaklega saetan, þar sem hann kælir líka.
Vitiði hvað ég er að tala um?"
Kira Kira: „Já, einmitt. Þetta er betra en
bollinn sem ég fékk í dag."
Dóri: „Þetta er þinn annar súkkulaðibolli í
dag?"
Kira: „Já, ég var að funda áðan, um
væntanlega hátíðartónleika Kiru Kiru og
Skakkamanage sem við ætlum að halda í
Útskálakirkju, vonandi þann 18. desember,
fékk mér súkkulaði þar."
Myndir: Steinar Hugi

Þórir: „Einar, viltu rétta mér eina
mandarínu?"
EinarSonic: „Sjálfsagt!"
Ofangreint ágætisfólk situr saman við e.k.
aðventuhlaðþorð þar sem finna má ýmsar
kræsilegar kræsingar. Skál af mandarínum,
enska jólaköku sem öllum í heimi finnst
vond, nema kannski Englendingum, breitt
úrval af búðarkeyptum smákökum og heitt
súkkulaði hvers uppskrift kom úr ranni
ömmu greinarhöfundar, en sú hefur um
árabil annast alla heita súkkulaðigerð fyrir
árlegan jólabasar Tónlistarskóla ísafjarðar
og þykir mikill meistari í þeirri list. Tímaritið
orðlausa tekur sig ekki alltaf sérstaklega
hátíðlega, en það kann hinsvegar vel að
meta hátíðirnar og datt þess vegna í hug að
egna þessu ólíka tónlistarfólki - sem allt á
plötur í „Nýtt" rekkum hljómplötuverslana
um þessar mundir - saman, halda litla hátíð
og athuga hvað það hefði að segja hvert við
annað, hvort einhverjar nýjar hugmyndir
kæmu upp og einhverjar gamlar yrðu
grafnar.
Veikar eða óhreinar söngkonur - seinir
stórmeistarar
Stödd í miðlungs-jólaskreyttri borðstofu
í Norðurmýrinni þennan dag snemma í
desember eru semsagt þau Kristín Björk
AKA Kira Kira, sem sendi nýlega frá sér hina
heillandi Skottu, Þórir, sem hefur undanfarið
kýlt fólk í andlitið með þeirri ágætu
plötu Anarchists are hopeless romantics,
rapphundurinn Dóri DNA, en platan Drama
með hljómsveit hans NBC kom loksins út eftir
miklar tafir - unnendum góðrar músíkur til
mikillar gleði - og hin nýlega 30-ára gamla
goðsögn Einar Sonic, hryngítarleikari einnar
bestu rokksveitar íslands - Singapore Sling
- sem sendir frá sér skífuna Taste the blood
of Singapore Sling um miðjan mánuðinn.
Allt gott fólk og hæfileikaríkt sem hefur
mikið fram að færa við bæði samtíma sinn
og FRAMTÍÐINA.
Fleirum var boðið í boðið. Stórmeistarinn
Daníel Ágúst, sem er um þessar mundir að
kynna sinn stórmeistaralega sólófrumburð
Swallowed a star, hringdi um það leyti
sem heita súkkulaðið var að sjóða upp
úr pottinum og sagðist verða seinn fyrir
- hann kom á endanum, veislugestum til
mikillar ánægju. Ekki gekk jafn vel með hina
boðsgestina. Þrálátir misskilningar urðu
milli söngkonunnar Ragnheiðar Gröndal
og veislustjórans, sem urðu á endanum til
þess að veislugestir fengu ekki þægilegrar
nærveru hennar notið þennan daginn.
Og Steinunn úr hljómsveitinni Nælon