Orðlaus - 01.12.2005, Blaðsíða 50
NDIR
National Lampoon's
Christmas Vacation
Jólin hjá mörgum byrja ekki
fyrren búiðeraðskella þessari
í tækið. Chevy Chase er hér
upp á sitt besta sem höfuð
Griswold-fjölskyldunnar sem
ætlar svo sannarlega að halda heljarinnar
jólaveislu fyrir alla stórfjölskylduna en
auðvitað fer allt á annan endann. Ein af
bestu jólamyndunum að okkar mati.
How the Grinch
stole Christmas
Jim Carrey er svo sannarlega
ekki í jólaskapi og með
skítaglottið fast á andlítinu
reynir hann að stela jólunum
frá íbúum Whoville sem
elska jólin út af lífinu. Jólaandinn hellist
hreinlega yfir mann yfir þessari klassísku
sögu Dr. Seuss og maður er minntur á að
jólin þurfa alls ekki að snúast eingöngu
um fínar gjaflr.
Miracle at 34th street
Richard Attenborough og hin unga Mara
Wilson í mynd um krísu lítillar stelpu um
hvort jólasveinninn sé til í alvörunni sem
flytur þann fallega boðskap að draumar
manns geta ræst ef maður bara trúir
nógu ofboðslega mikið. Fjölskyldumynd
sem ætti að koma mönnum í jólaskapið.
| Home Alone
Mynd sem allir þekkja og
hafa eflaust séð oftar en
einu sinni og kom Macaulay
Culkín á kortið. Aleinn
heima um jólin og þarf að
passa húsið gegn vitlausum
ræningjum. Sama hvað hver segir þá
elskuðu allir Home Alone þegar þeir voru
krakkar og því um að gera að rifja upp
æskuminningarnar.
The Muppets Christmas Carol
Klassísk Disneymynd um prúðuleikarana
gerð eftir sögu Dickens sem er algjör
skylda um jólin.
Nightmare before
i christmas
í Snilldarmynd eftir Tim
Burton fyrir þá sem fíla
isvartan húmor í öllum
’jólaundirbúníngnum.
Myndin fjallar um
beinagrindina Jack sem viil flytja jólin
í Hrekkjavökuborgina sína.
Eitt besta við myndina er líka
frábærtónlistin.
£1
Scrooged
Bill Murray tekst alltaf
að leika fúla kallinn alveg
óborganlega og hann fer á kostum sem
sjónvarpsmaðurinn sem þolir ekki jólin.
Jóladraugarnir ná að hressa hann aðeins
við og flytja honum boðskap
jólanna, og áhorfendunum í
leiðinní.
Die Hard 1 og 2
Bruce Willis í fantaformi og
myndirnar gerast auðvitað
báðar á jólunum. Sprengjur og
skotbardagar, jólaboð, hryðjuverkamenn
og gíslatökur... gerist ekki betra.
MAKAVAL
Hvernig veljum við okkur maka? Eru það sömu eiginleikar eða ein-
kenni sem kynin laðast að. Er það útlit, persónuleiki eða fjárhags-
staða sem skiptir okkur mestu máli? Flestir eru sammála um að öll
þessi atriði hafa áhrif á það hversu aðlaðandi við teljum einhvern
vera en samt sem áður er kynbundinn munur á því hvað menn og
konur leggja áherslu á.
í einkamáladálkum er ekki óal-
gengt að reka augun í auglýsingar
á borð við þessar hér að ofan. Kon-
ur gera útliti sínu hátt undir höfði
en karlar leggja áherslu á að þeir
séu fjáðir og vel settir. Þannig virð-
ist útlit kvenna alltaf skipta meira
máli heldur en útlit karla þegar
um er að ræða samskipti kynjanna
út frá möguleika á ástarsambandi
eða makavali.
Þegar talað er um makaval þá er
ekki átt við að fólk fari á barinn
og taki meðvitaða ákvörðun um
að daðra við ákveðinn einstakling
sem er líklegur til þess að sinna ör-
ugglega öllum þeim skyldum sem
felast í móður/föðurhlutverki, veiti
vel og sé öllum mannkostum gædd-
ur. En samt sem áður þá er eitthvað
sem hefur áhrif á það að við löð-
umst að ákveðnu fólki.
En hvað skiptir máli í makavali?
Gera menn og konur sömu kröfur
eða leggja kynin mismikla áherslu
á ákveðna eiginleika sem þeim
finnst skipta máli þegar kemur að
því að velja sér kærasta eða kær-
ustu?
Denzel Washington er
dæmi um sérstaklega
samhverfan mann
Að hverju löðumst við?
Vissulega er það svo að fólk er al-
mennt sammála um nokkur atriði
sem þurfa að gæða einstakling svo
að hann komi yfir höfuð til greina
sem hugsanlegur maki. Flest mynd-
um við kjósa greinda, heilbrigða og
góðhjartaða manneskju sem hægt
er að treysta á. Hins vegar kemur
fram töluverður munur þegar kyn-
in eru látin forgangsraða vissum
eiginleikum sem þeim finnst skipta
miklu máli að séu til staðar hjá
væntanlegum maka. Menn setja
líkamlegt aðdráttarafl í fyrsta sæti
yfir þá eiginleika sem þeim finnst
nauðsynlegir í fari kvenna en per-
sónuleiki og gáfur fylgja á eftir.
Hins vegar finnst konum staða karl-
mannsins og karakter skipta meira
máli en útlit hans.
Þrátt fyrir að kynin telji útlit mis-
mikilvægtþáeruákveðnirlíkamleg-
ir eiginieikar sem höfða til beggja
kynja. Samhverfa líkamans hefur
mikið að segja um það hvort að
einstaklingur sé talinn aðlaðandi
eða ekki. Það sem er átt við er það
að ekki sé mikill munur á hægri og
vinstri helmingum andlitsins eða
líkamans. Dæmi um mann sem hef-
ur nánast fullkomlega symmetrískt
andlit er Denzel Washington enda
hefur hann löngum þótt einn kyn-
þokkafyllsti maður í heimi. Þetta
á líka við um aðrar tegundir í dýra-
ríkinu þar sem þeir einstaklingar
sem hafa samhverfa líkamshluta
eru teknir fram yfir hina. Til dæm-
is taka kvenflugur karlflugur með
symmetríska vængi fram yfir hina
og eins taka býflugur blóm sem
hafa samhverf blöð fram yfir hin
sem eru ójafnari.
Samhverfa gefur til kynna þróun-
arlegan stöðugleika sem er merki
um almenna heilsu og hreysti.
Einstaklingar sem hafa samhverfa
líkamshluta eru líklegri til þess að
hafa góð gen og eru því líklegri
til þess að eignast börn með góð
gen sem þykir eftirsóknarvert í
makavali hjá öllum tegundum og
hefur áhrif á það hversu hentugur
til mökunareinstaklingurinn ertal-
inn vera.
Sjónarhorn konunnar
Konur leggja tvisvar sinnum meiri
áherslu á að tilvonandi maki sé
fjárhagslega sjálfstæður en menn.
Konur kjósa líka frekar menn sem
eru aðeins eldri en þær, eða að
meðaltali þremur og hálfu ári eldri.
Eins verður maðurinn að vera metn-
aðargjarn, ákveðinnn, sjálfstæður
og greindur. Líkamlegir eiginleikar
sem konur telja mönnum til fram-
dráttar eru að hæð og vöðvamassi
séu aðeins yfir meðallagi en einn-
ig þykja menn með breitt enni og
sterklega kjálka aðlaðandi.
Ef kona ætti að velja á milli tveggja
manna er nokkuð öruggt að hún
myndi velja þann sem er sterkur,
vel liðinn og í góðu starfi og hefur
bæði vilja og getu til þess að verja
heimili sitt og sjá fyrir börnum sín-
um frekar en þann sem er máttlaus
og hefur ekki getu eða vilja til þess
að skaffa og koma börnum sínum á
legg. Frá þróunarlegu sjónarhorni
má sjá að það er mun líklegra að
konan komi afkomendum sínum
á legg með fyrrnefnda manninum
en hinum síðarnefnda.
Þær formæður okkar sem tóku sér
frekar eiginmenn sem höfðu burði
til þess að sjá um sína, komu frek-
ar genum sínum áfram (af því að
börnin þeirra áttu börn o.s.frv.)
heldur en þær sem völdu sér mann
sem var veikburða og gat ekki séð
fyrir afkvæmum sínum. Þannig
varð það að velja sér sterkari og
betur skaffandi félaga líklega af-
leiðing náttúruvals sem hefur enn
í dag áhrif á það hvers konar menn
eru taldir ákjósanlegastir. En þetta
skiptir ekki höfuðmáli í nútíma
samfélagi vegna þess að konur eru
fullfærar um að sjá um sig og börn
sín einar.
Sjónarhorn mannsins
Karlmenn leggja meiri áherslu á
líkamlegt aðdráttarafl og fegurð
tilvonandi maka en konur og setja
það sem höfuðkost þegar þeir
eru beðnir um að forgangsraða
þeim eiginleikum sem þeim finnst
nauðsynlegt að prýði hugsanlega
eiginkonu. Eins tíðkast það í flest-
um menningarsamfélögum að karl-
maðurinn kjósi frekar yngri konu
heldur en eldri. I fyrsta hjónabandi
er munurinn að meðaltali tvö og
hálft ár en ef viðkomandi giftir sig
aftur seinna um ævina þá er mak-
inn að meðaltali 5 árum yngri. Því
auðugri og valdameiri sem karlinn
er þvi meiri möguleika á hann á því
að næla sér í yngri konu. Ástæðan
fyrir þessu samkvæmt þróunars-
álfræðinni er sú að yngri konur eru
frjósamari en hinar eldri og hafa
ákveðna líkamlega eiginleika sem
gefa þessa frjósemi til kynna og
þykja mönnum þær því meira að-
laðandi samkvæmt rannsóknum.
Eiginleikar eins og grannt mitti og
stór brjóst tengjast frjósemi kon-
unnar en með aldrinum minnkar
frjósemin og konur verða mittis-
meiri. Menn virðast þannig sækja í
yngri kvenmenn vegna þess að það
eykur líkur þeirra á getnaði sem er
aðalatriðið í mökun mannsins.
Það er nokkuð Ijóst að kynin
leggja mismikla áherslu á þá kosti
sem hugsanlegur maki þarf að
hafa. Þrátt fyrir að fólk forgangsr-
aði á ákveðinn hátt í rannsóknum
þá er ekki þar með sagt að þetta
gangi alltaf upp í raunveruleik-
anum. Þó svo að einhver telji að
líkamlegt aðdráttarafl og fegurð,
eða peningar og gáf ur sé eftirsókn-
arverðast í fari annarra er ekki víst
að sá hinn sami hafi tækifæri til
þess að eignast kærasta/kærustu
sem fellur í þennan hóp en það
stjórnast kannski mest af því sem
viðkomandi hefur sjálfur upp á að
bjóða.
Hilda Cortez
"Menn setja líkamlegt aðdráttarafl í fyrsta
sæti yfir þá eiginleika sem þeim finnst
nauðsynlegir í fari kvenna en persónuleiki
og gá fur fylgja á eftir. Hins vegar finnst
konum staða karlmannsins og karakter
skipta meira máli heldur en útlit hans. "