Orðlaus - 01.12.2005, Blaðsíða 31

-Hlustið þið á Nælon?
ætlaði líka að láta sjá sig og þiggja léttar
veitingar, en stúlkukindin var barasta veik.
DNA var sérstaklega óhress með það, enda
kom hann víst til veislu vopnaður tilbúnum
umræðupunktum fyrir væntanlegt samtal
þeirra á milli. Fjarvera Ragnheiðar og
Steinunnar veldur því einnig að kynjahlutföll
eru ójöfn við borðið, nokkuð sem vanir
veislustjórar vita að er ávísun á vandræði.
Ekki að það hafi verið nein svoleiðis. En
þeirra var samt sárt saknað.
Boðið hefst á rólegu nótunum, þó allt þetta
fólk kannist hvort við annað (mis-mikið,
reyndar)þurfasamræðurnarsmátímatil þess
að komast í gang og „smella". Andrúmsloftið
varð hinsvegar aldrei vandræðalegt, meira
huggulegt, ef eitthvað er. Dóri segir Þóri
frá NBC plötunni og útskýrir aðgerðarleysi
sveitarinnar í kynningarmálum með því að
flestir meðlima hennar séu í prófum um
þessar mundir. Einarog Kira ræða lítiðeitt um
hljómsveitirnar Buff (Kira: „Fáir vita að það
hafa verið tvær Buff-hljómsveitir starfandi
hér á landi. Svavar Pétur Skakkamanage og
Sighvatur úr Apparat voru í einni þeirra"),
Emmett og Á túr.
„( hvaða hljómsveit ert þú, Dóri?"
Kira: „í hvaða hljómsveit ert þú, Dóri?"
DNA: „Ég kenni mig ekki við neina sérstaka
hljómsveit, kalla mig Dóra DNA og hef verið
í ýmsu, Bæjarins Bestu, til dæmis..."
Einar: „Ha, er hún hætt?"
DNA: „Nei, en um þessar mundir er mest
áhersla á NBC, út af plötunni sem við vorum
að gefa út og svona. Það sem gerðist með
íslenska rappið var að ein jólin voru gefnar út
eitthvað um 800 rappplötur og markaðurinn
og almenningur sameinaðist eiginlega í
mótmælagöngu gegn þessu öllu."
Einar: „Já, það var skrýtið, rosa mikið að
gerast og svo allt í einu hætti allt bara."
DNA: „Fer það ekki að gerast með
indírokkið fljótlega? Það er ekki þverfótað
fyrir því núna."
Einar: „Samt ekki, það hefur aldrei farið
svo hátt, heldur sig aðeins undir sjónmáli
alltaf."
Þórir: „Það sem er ólíkt með indí og rappi
er að það er mjög erfitt að gera vel sándandi
rokkplötu heima í stofu, á meðan rapparar
geta klárað heilu bálkana í svefnherberginu
sínu. Þegar fordæmið hafði verið sett og allir
föttuðu „hey, við getum gert þetta!" komu
út milljón rappplötur, eins og þú sagðir."
DNA: „Já, það vildu allir verða ríkir á þessu.
Svo bara svona... datt það uppfyrir."
Jólarapplög eru alltaf hallærisleg en það er
Sigríður Nielsdóttir aldrei
Af þeim veisluréttum sem í boði eru í dag
virðast mandarínurnar heilla tónlistarfólkið
okkar mest, meira en smákökur og
jólakökur; þau eru hreint og beint sólgin í
þær. Þórir gengur skrefinu lengra og leikur
sér með hýðið að átinu loknu, þegar boðinu
lýkur er það komið í þúsund flygsur. Hann
er fiktari, Þórir. Andrúmsloftið er orðið
náttúrulegra og spurningu er varpað fram:
Myndi eitthvert þeirra gefa út jólaplötu?
Þórir: „Ég er búinn að gefa út jólaplötu.
Gaf út jólaplötu í fyrra með honum Þráni úr
Hudson Wayne."
Kira: „Ég gaf einmitt út jólaplötu með
honum í hitteðfyrra. Það verður spennandi
að sjá með hverjum hann gefur út jólaplötu
í þetta skiptið."
Einar: „Ég gerði einusinni jólalag með
Curver og Stilluppsteypu, sem við sendum
inn í jólalagakeppni Rásar 2. Það var fínt. Við
unnum samt ekki."
Kira: Sigriður Níelsdóttir hringdi einmitt í
mig um daginn og spurði hvort Stórsveitin
gæti útsettfyrirhana lag í jólalagakeppnina.
Við Hildur Guðnadóttir og Rúna Esra tókum
það að okkur - lagið heitir Fjölskyldujól.
Sigríður Níelsdóttir, hún er æðisleg."
DNA: „Ég myndi aldrei gefa út jólaplötu, það
er bara allt of hallærislegt. Ekki að jólalög
séu endilega hallærisleg, en það er bara
svona í rappinu, það er svo þunn lína milli
þess að vera töff og að vera hallærislegur,
því miður."
I þessu hringir Daníel Ágúst og segist vera á
leiðinni. Veislugestir nýta tækifærið og fá sér
meira af súkkulaði og mandarínum. Þegar
Daníel hefur lokið máli sínu spyr gestgjafinn
hvort eitthvert þeirra gæti hugsað sér að
skrifa jólabók. Á því eru skiptar skoðanir, Kira
og DNA segja undantekningalaust já, Einar
hummar fram af sér spurninguna en Þórir
svarar neitandi. „Ég bara get ekki skáldað,
á mjög erfitt með að búa til eitthvað svona.
Þegar ég sem lög eða texta þá er það allt út
frá sjálfum mér, aðstæður sem ég hef lent í
eða hugrenningar sem ég hef átt. Ég held
ég gæti ekki diktað svona sögu bara upp úr
sjálfum mér."
Þórir étur mandarínusteina og skáldar
ekki, Dóri er ógeðslega reiður við
Nælonstelpuna
DNA [Horfir á Þóri borða mandarínuj:
„Éturðu steinana?"
Þórir: „Já, ég geri það."
DNA: „Og skáldar ekki? Jahérna. Ég er
annars ógeðslega reiður við Nælonstelpuna
að koma ekki, mig langaði að brydda upp á
því þær eru allar með eldri körlum. Er þetta
eitthvað sem Einar Bárðar elur í þeim?"
Kira: „Ha? Ég þekki þetta svo illa. Þetta eru
rosalegar fréttir sem ég er að heyra hérna."
Allir, nema Dóri: „Ekki markvisst... maður
heyrir þetta í sjónvarpinu og svona..."
DNA: „Jájá. Og hef gaman af. Núna verður
maður náttúrulega að hlusta á þær, því
þær eru á leiðinni til London í heilu lagi,
að meika það. Það kemur í Hér & Nú á
morgun. Þær ættu nú að brydda upp á
raunveruleikaþættinum sínum aftur ef
þær eru allar að flytja til London, hann
yrði geðveikur. Sérstaklega ef þeim yrði
rænt af brjálæðingum... neinei. Mér koma
annars þessi meik-áform furðulega fyrir
sjónir, ég held að tónlistin sem Nælon
syngur, undarlegar popp-ballöður með
skítsæmilegum textum... þetta er hvergi til
annarsstaðar í heiminum en á íslandi."
Þórir: „Nei, það er rétt. Þetta er bara sér-
íslenska poppið."
DNA: „Það er ekkert eins og írafár, t.d., sem
er sérstaklega vinsælt úti í heimi. Ég held
að Einar Bárðar þurfi að gera eitthvað mjög
sérstakt ef hann ætlar að láta þær meika
það úti."
Einar: „Þarf hann ekki bara að kaupa
almennileg lög fyrir þær, af einhverjum
góðum lagahöfundum?"
DNA: „...svertingjum?"
Einar: „Nei, Svíum. Allir þessir
popplagahöfundar eru Sviar. Þeir eru
einhvern veginn búnir að ná þessu."
Þórir: „Ég hef einmitt velt þessu fyrir mér,
hvað Svíar eru góðir í að því er virðist hvaða
tónlistartegund sem er. Þeir gera allt vel
í músík, sama hvort við erum að tala um
popp, pönk eða dauðarokk."
DNA: „Já, þetta er rétt. Þeir komast meira að
segja upp með að vera með hvíta rastafara
sem eru bara svalir, eins og gæjarnir í
Hjálmum. Og svo eru þeir góðir í handbolta.
Helvítis Svíarnir. Svíagrýlan. Við verðum að
stöðva þetta, senda Nælon á þá. Annars vil
ég ekki að neinn misskilji mig, Nælon eru
fínar stelpur og eru örugglega bara með
eldri mönnum því þær eru þroskaðri."
„Þetta er allt gert af eðlisávísun og
innsæi"
-Nú varst þú að gefa út skemmtilega Skottu,
Kira, en ekki er víst að hún rati í marga
jólapakka, því hún er ýkt skrýtin. Hana þarf
að nálgast með ákveðnar forsendur og gefa
ákveðin tíma eigi maður að meta hana að
verðleikum. Þegar þú semur lög, ferðu þá
eftir einhverri forskrift? Hefurðu reynt þig
við hefðbundna popplagasmíð?
Þórir: „Ég ætlaði einmitt að spyrja að þessu
, hvernig býrðu til lögin? Mín lög verða
nefnilega til í hausnum á mér áður en ég sest
niður með gítarinn, fyrir mestan part.
Kira: „Þetta er að mestu keyrt á eðlisávísun
og innsæi. Ég grúska og fúska í allskonar
hljóðum og hljóðfærasprettum sem ég spila
og safna í vasaupptökutæki og leyfi svo að
saumast inn í hvert annað I kjölturakkanum
þar til eyrað er sátt. Hvert lag sprettur oftast
uppúr einni kjarntilfinningu - eitt vill vera
hestadaraugagangur, til dæmis, og þá verða
bítin til úr hófadyn og út úr melódlunum
lekur öskrandi hnegg.
Ég reyni að festast ekki í heilabrotum þegar
ég er að semja músík, því mér hefur alltaf
sýnst gæfulegra að hún geri sig svolítið
ósjálfrátt eða hlaupi fram úr mér á einhvern
hátt, þó rétt þannig að ég ráði við þau eins
og almennilega ótemju. Einhver sagði við
mig um daginn að það væri stórhættulegt
að skipuleggja tilfinningar og ég held að
það sama eigi mjög oft við um tónlist.
Ég hugsa heldur aldrei um til hvers lögin
eigi að höfða, nema þau séu beinlínis samin
til einhvers. Stundum er engu líkara en þau
hafi sinn eigin sjálfstæða vilja, næstum
eins og einhver annar hafi komið og samið
þau með mér" [Hér mætti í framhjáhlaupi
geta þess að Keith Richards lýsti eitt sinn
sínum hætti við lagasmíðar á svipaðan hátt,
„Það er eins og þau komi bara til mín, eða
einhver semji þau með mér" - nokkuð sem
sértrúarsöfnuðurinn Krossinn gerði sér
mikinn mat úr í tímariti sem kom út fyrir
rúmum áratug og hafði yfirskriftina „Rokkið
hefuralltaf veriðtónlist djöfulsins". Eðlilega.
Hver er þessi „einhver" sem semur lögin með
Keith og Kiru? Er það ekki bara djöfullinn?]
DNA: „Undarlegt hvernig rappið virkar allt
öðruvísi. Það er nær alltaf samstarf tónsmiðs
og textahöfundar og þá þarf oft að gera
miklar málamiðlanir, því textinn þarf jú að
hæfa undirspilinu. Það þarf meira skipulag
þegar maður gerir svoleiðis."
Einar um Þóri og öfugt svo eða öfugt
-Einar, vilt þú segja okkur aðeins frá nýju
Sling plötunni?
Þórir: „Ég er örugglega búinn að hlusta á
hana oftar en Einar, ég get sagt ykkur frá
henni."
-OK. Um hvað er hún?
Þórir: „Um hvað er hún? Ehrm, bara um
Henrik held ég. Hann gerir alltaf frekar spes
og flotta texta sem maður veit ekki alveg
hvernig á að túlka nákvæmlega.
Einar: Platan er öll gerð með trommuheila
og tekin upp á átta rása tæki, ólíkt okkar
síðustu."
Þórir: „Já, hún er ekki jafn „þykk" og hin
var. Það var rosalega stór plata, mikið í gangi
á öllum stundum og miklar sándpælingar.
Hvert einasta fídbakk er úthugsað og
„layerin" í hljómnum eru þykk og flott.
Þessi nýja er mun hrárri. Segi ég og er ekki
Daniel: „Ég held að þær sveitir sem þú nefndir séu
alveg einlægar í sinni tónsköpun. Ég vil sko vera laus
við alla væmni og segja að við séum í grunninn öll á
höttunum eftir því sama; að selja helling af plötum
og leyfa sem flestum að heyra tónlistina okkar."