Bændablaðið - 08.02.2005, Blaðsíða 5

Þriðjudagur 8. febrúar 2005 5
Starfsmenn Neytendasamtak-
anna fóru í nokkrar verslanir á
höfuðborgarsvæðinu og mældu
hitastig í kjarna kældrar mat-
vöru úr kjötborðum, kælum og
frystum. Mismargar mælingar
voru framkvæmdar í hverri
verslun, t.d. var sums staðar að-
eins einn kælir til staðar, annars
staðar var mælt í fleirum kælum
og/eða frystum.
Í öllum tilvikum voru mæling-
ar framkvæmdar í samstarfi við
starfsmenn verslana. Einnig var
hitastig í matvælum mælt á nokkr-
um bensínstöðvum, en það hefur
færst í vöxt að þar séu ýmis mat-
væli á boðstólum.
Tilgangur könnunarinnar var
að kanna hvort ákvæðum matvæla-
reglugerðar um kælihitastig væri
framfylgt en geymsluþol matvæla
ræðst af því að svo sé. Minnt er á
að kæling er einn mikilvægasti ör-
yggisþátturinn í sambandi við
framleiðslu og dreifingu matvæla.
Því er mikilvægt að kælikeðjan sé
óslitin frá framleiðanda til neyt-
anda.
Hvaða verslanir komu best út?
Niðurstaða mælinga Neytenda-
samtakanna er í stuttu máli sú að
Bónus í Hafnarfirði, Kjöthöllin í
Skipholti og Krónan á Bíldshöfða
fá engar athugsemdir. Hitastig í
hakkinu í kjötborðinu í Kjöthöll-
inni mældist meira að segja -
1,2°C, án þess að vera frosið.
Þannig standast aðeins 3 af 17
verslunum, eða 18%, reglugerð
með tilliti til kælistigs matvöru.
Með öðrum orðum, þá eru gerðar
athugasemdir við hitastig í 82%
þeirra verslana sem athugaðar
voru. Þetta verður að teljast allt of
hátt hlutfall.
Þetta þarf að laga
Verulega slæmar niðurstöður voru
þó fáar en helst ber að nefna
12.9°C hita í SS sviðasultu hjá Ol-
ís við Álfheima og frystana í
Nóatúni Austurveri. Þar mældist
minnsta frostið -7,7°C og einnig
það næstminnsta eða -13,2°C.
Annað sem kom á óvart var að
mjólkin skuli ekki vera kaldari en
mældist hjá Esso í Borgartúni.
Væri forvitnilegt að vita hvaða
hitastig væri í mjólkinni þegar hún
er afhent.
Annars er aðeins þrisvar mælt
7°C eða meir í kælivöru, sem gerir
þá vöru áhættusamari en aðrar.
Frystistig -15°C eða heitara mæld-
ist of oft eða í um þriðjungi til-
vika. Þetta verður að laga. Fréttin
kemur fram á vef Neytendasam-
takanna.
Fer batnandi
Konráð Konráðsson, dýralæknir
og fyrrum heilbrigðisfulltrúi, segir
að enda þótt gerðar séu athuga-
semdir í 82% tilfella við hitastig
séu frávikin oft lítil. Hitastig í
kælivörum hafi ábygglega batnað
á undanförnum árum enda hafi nú
til dags margar verslanir eftirlits-
kerfi og gæðastjóra sem fylgist
með þessum þáttum. Hann segir
að erfitt sé að komast hjá því að
gerlar séu í landbúnaðarfram-
leiðslu alveg frá bónda til borðs.
Þess vegna er það mjög mikilvægt
á öllum stigum framleiðslunnar að
enginn liður varðandi kælinguna
bresti og allir geri sitt besta til að
tryggja öryggi neytandans. Kæ-
lingin í verslununum er lokaliður
áður en varan fer til neytandans og
því verður hún að vera í lagi. Kæ-
lingin á að vera 0 til 4 gráður í
kæli. Ef hún er 4,1 gráða þá telst
hún ekki vera í lagi og gerð er at-
hugasemd við það í könnuninni.
Þetta segir Konráð að séu í raun
lítil frávik sem verði þó að taka
tillit til. Sömuleiðis sé frystingin
frekar spurning um gæði matvæla
en heilbrigði, hvort frostið er
einni gráðunni hærra eða lægra, en
reglugerðin segir -18°C og henni
verður að fylgja.
,,Að mínu mati eru framfarirn-
ar miklar á þessu sviði enda þótt
alltaf sé eitthvað hægt að finna
að,“ sagði Konráð Konráðsson.
Neytendasamtökin könnuðu hitastig matvara í verslunum
Gerðu athuga-
semdir í næstum
öllum búðunum!
www.bondi.is