Bændablaðið - 08.02.2005, Blaðsíða 18

18 Þriðjudagur 8. febrúar 2005
Staðardagskrá
samþykkt í
Húnaþingi vestra
Sveitarstjórn Húnaþings vestra
samþykkti 1. útgáfuna af Stað-
ardagskrá 21 fyrir sveitarfélagið
á 100. fundi sínum, sem haldinn
var á Gauksmýri þann 29. des-
ember sl. Þar með hafa 22 ís-
lensk sveitarfélög náð þessum
áfanga.
Vinna við gerð Staðardagskrár
21 fyrir Húnaþing vestra hófst árið
1999. Síðustu mánuði hefur sex
manna vinnuhópur unnið mjög
markvisst að því að ljúka verkinu.
Umhverfis- og garðyrkjustjóri
sveitarfélagsins, Arnar Birgir Ól-
afsson, hefur leitt þetta starf, og
hefur sú vinna nú skilað sér í
formlegri samþykkt sveitarstjórn-
ar á langtímaáætlun um sjálfbæra
þróun í Húnaþingi vestra.
Fyrsta útgáfa Staðardagskrár
21 fyrir Húnaþing vestra nær til 7
málaflokka. Í hverjum málaflokki
um sig hafa verið skilgreind nokk-
ur markmið í anda sjálfbærrar þró-
unar og í meðfylgjandi fram-
kvæmdaáætlun eru tiltekin þau
verk sem á að ljúka fyrir árslok
2007. Endurskoðuð Staðardagskrá
verður lögð fyrir sveitarstjórn í
síðasta lagi 1. febrúar 2007. Nán-
ari upplýsingar um Staðardagskrá
21 fyrir Húnaþing vestra er að
finna á vefsíðu sveitarfélagsins
www.hunathing.is/.
Nýi mjaltaþjónninn frá DeLaval, VMS 2005, er talsvert endurbættur frá
eldri gerð. Til nýjunga telst t.d. að nú er armi mjaltaþjónsins stjórnað
með vökvatjakki í stað þrýstilofts áður. Þetta þýðir nákvæmari og hrað-
ari hreyfingar og þar með fljótari mjaltir og meiri afköst. Önnur nýjung
er að gölluð mjólk er sjálfvirkt skilin frá á grundvelli blóð- og leiðnimæl-
inga. Viðmiðunarmörkin getur bóndinn sjálfur ákveðið og stillt í tölvu
mjaltaþjónsins. Hugbúnaður mjaltaþjónsins er nýr og fullkomnari og
gefur viðkomandi bónda betri möguleika á að fylgjast með kúnum.
Sjálfvirkur heilfóðurblandari
og gjafavagn frá Mullerup.
Vagninn gengur á sporbraut
yfir fóðurganginum. Í hann er
hægt að setja saxað gróffóður
og kjarnfóður, nokkrar teg-
undir af hvoru, sem hræribún-
aður vagnsins blandar síðan
saman. Áfyllingin getur verið
algjörlega sjálfvirk frá „áfyll-
ingarstöðvum“ sem komið er
fyrir meðfram vagnbrautinni
inni í fóðuraðstöðuhúsinu.
Þegar allar fóðurtegundirnar
eru komnar í vagninn færist
hann að rafmótor sem þá fer í
gang og tengist sjálfvirkt við
hræribúnað vagnsins og snýr
honum í ákveðinn tíma. Síðan
ekur vagninn inn í fjósið og
gefur á fóðurganginn. Svona
vagn hefur verið settur upp í
nokkrum fjósum hér á landi.
Margar tegundir af flórsköfum mátti sjá á Agromek 2005. Til hægri á
myndinni er léttbyggð, gúmmíklædd skafa til að hreinsa skít ofan af rimla-
gólfi, í miðjunni skafa með gúmmítönn til að hreinsa flóra sem gerðir eru
úr sérstökum, forsteyptum einingum með rásum fyrir hlandið. Vinstra
megin er skafa fyrir staðsteypta, slétta flóra.
Hliðgrindur eru hluti af innrétt-
ingu legubásafjósa. Hér skoðar
Sigurður Björnsson, tæknifræð-
ingur hjá byggingaþjónustu
Bændasamtaka Íslands, eina
slíka sem er afar létt og auðveld
í umgengni vegna stuðnings-
hjólanna.
LELY Discovery hreinsar rimlagólf
í fjósum. Þessi litli gólfhreinsari
frá LELY er rafhlöðuknúinn og ek-
ur sjálfvirkt um fjósið eftir
ákveðnu leiðakerfi sem forritað er
í „heila“ hans. Neðan á honum er
skafa sem skefur mykjuna niður
um rifur í rimlagólfinu. Hægt er að
láta hann fara um alla króka og
kima á rimlagólfinu og að yfirferð
lokinni fer hann aftur að hleðslu-
stöðinni sem staðsett er á vegg
einhvers staðar í fjósinu. Þar er
rafhlaðan endurhlaðin eftir þörf-
um.
Víða erlendis er algengt að byggja legubásafjós þannig að gólfin eru
gerð úr forsteyptum einingum sem raðað er saman. Hér má sjá for-
steypta báshellu „með öllu“.
Á Agromek eru ekki bara sýndar landbúnaðarvélar heldur einnig ýmsar
vélar og tæki fyrir garða og golfvelli.
Svipmyndir frá
AGROMEK
Myndir og texti Magnús Sigsteinsson
Strætisvagnaferðir
milli Akraness og
Reykjavíkur?
Akurnesingar hafa mikinn
áhuga á að tengjast inn á kerfi
Strætó bs og koma á strætis-
vagnaferðum milli Akraness og
Reykjavíkur. Jón Pálmi
Pálsson, bæjarritari á Akranesi,
sagði í samtali við Bændablaðið
að menn væru með bættari
samgöngur við höfuðborgina í
huga þar sem mjög stór hópur
fólks fer þarna á milli bæði
vegna atvinnu sinnar og náms.
Því teldu Skagamenn skynsam-
legt að komast inn í þetta kerfi
og gefa fólki þannig kost á að
ferðast ódýrara en með
einkabílum og komast inn á
tengikerfi strætisvagnanna í
Reykjavík. Þannig yrði þetta
ekki eins og venjuleg rútubifreið
sem fer á milli tveggja staða.
Annar möguleiki væri sá, að
sögn Jóns Pálma, að gera samning
við verktaka sem semdi síðan við
Strætó bs um að farþegarnir
fengju aðgang að tengikerfinu í
Reykjavík og gætu farið þaðan í
allar áttir. Forráðamenn Strætó bs
hafa sýnt því áhuga að vagnarnir
sem ganga í Mosfellsbæ og
Kjalarnes fari líka upp á Akranes.
Jón Pálmi sagði að nú væri þetta
fyrst og fremst orðið spurning um
fjármagn. Fyrir lægju grófar
útlínur á kostnaði og ætluðu menn
að leita til samgönguráðuneytisins
um hvort ekki væri hægt að fá það
fé sem nú er verið að greiða inn í
sérleyfið sem mun hætta næsta
sumar. Þar er um 12 til 13
milljónir króna að ræða. Hann
sagði fólk óánægt með sérleyfið
eins og það er.
Skagamenn hafa verið með
hugmyndir um allt að 10 ferðir á
daga á milli Akraness og Reykja-
víkur. Jón Pálmi sagði það ef til
vill of mikið en 6 til 7 ferðir væri
raunhæfur kostur.
Atvinnumálanefnd samþykkti
þessa hugmynd á fundi sínum
fyrir skömmu og sendi skýrslu um
málið til bæjarráðs.
Ýmsar smávélar eða fjósvélar voru mjög áberandi og úrval fylgitækja á
þær eykst stöðugt. Þessi var ein af þeim minnstu, hér sýnd með bursta
til að sópa t.d. rimlagólf og bása.
Ib Göttler í Ísmörk ehf. stendur hér við kjarnfóðurgjafakerfi fyrir bása-
fjós. Fóðrið er flutt með keðju í röri að skammtara við hvern bás.
Þetta skemmtilega par mætti okkur á einum sýningarbásnum. Karlinn
mokar flórinn og kerlingin rekur hann áfram með heykvísl. Eru sjálfvirk-
ar flórsköfur ef til vill óþarfar?