Bændablaðið - 17.12.2009, Qupperneq 15

15 Bændablaðið | fimmtudagur 17. desember 2009
Sauðfjárbændum og fleiri góð-
um gestum var boðið að kynna
sér starfsemi Glófa á Akureyri á
dögunum, en skömmu áður fór
starfsfólk fyrirtækis ins í heim-
sókn að Gullbrekku í Eyja fjarð-
ar sveit og fylgdist þar með rún-
ingi og fræddist um ull, flokkun
hennar og pökkun. Sú heimsókn
var endurgoldin á dögunum og
bændum boðið að kynna sér hvað
verður úr ullinni sem fyrirtækið
notar í framleiðslu sinni. Glófi er
nú stærsti framleiðandinn á ullar-
vörum úr vélprjónabandi, sem
framleitt er af Ístex og er mark-
mið fyrirtækisins að sérhæfa sig
enn frekar á því sviði.
Fyrirtækið Glófi var stofnað á
Akureyri árið 1982 af systkinunum
Eðvarði og Margréti Jónsbörnum
og fjölskyldum þeirra. Í upphafi
framleiddi fyrirtækið eingöngu
prjón aða vettlinga, en fljótlega var
fram leiðslan aukin og farið út í
fram leiðslu á allskyns sokkum og
smá vörum. Í yfir tuttugu ár hefur
fyrir tækið verið leiðandi í þróun og
framleiðslu á prjónaðri smávöru á
Íslandi. Árið 2005 keyptu þeir Logi
A. Guðjónsson og Páll Kr. Pálsson
fyrirtækið og eiga þeir það til helm-
inga, er Logi framkvæmdastjóri og
Páll stjórnarformaður.
Nú starfa hjá félaginu 42 starfs-
menn en starfsstöðvar eru á þremur
stöðum á landinu. Á Akureyri eru
15 starfsmenn, en þar fer fram fram-
leiðsla á smávörum og mokkavör-
ur eru einnig framleiddar þar. Á
Hvolsvelli er öll framleiðsla á flík-
um en þar eru 15 starfsmenn og í
Kópavogi eru 12 starfsmenn. Þar
er þróunar-, markaðs- og sölusvið
félagsins ásamt fjármálastjórn.
Á meðal þess sem fyrirtækið
framleiðir má nefna sokka af ýmsum
gerðum, prjónaða smávöru eins og
vettlinga, trefla, sjöl og húfur, ullar-
flíkur eins og peysur, jakka og vesti,
húfur, lúffur og skó úr mokka, ullar-
teppi og minjagripi. Allar vörur fyr-
irtækisins eru í dag markaðssettar
undir vörumerkinu Varma.
Ætla að snúa vörn í sókn og telja
ýmis tækifæri fyrir ullariðnaðinn
Nú nýverið var tískuvörulínan Blik,
sem þróuð var fyrir Varma Design
af Laufeyju Jónsdóttur hönnuði, sett
á markað. Stefnt er að því að línan
fari í sölu erlendis upp úr miðju
næsta ári. Hún samanstendur af 16
mismunandi flíkum úr vél prjónaðri
ullarvoð. Hún á einkum að höfða til
kvenna á aldrinum 20 til 60 ára, en
að auki eru tvær karlmannapeysur í
línunni.
Forsvarsmenn Glófa eru stað-
ráðnir í því að snúa vörn í sókn hjá
ullariðnaðinum og telja ýmis tæki-
færi fyrir hendi nú um stundir, enda
sé samkeppnisumhverfið gjörbreytt
eftir fall krónunnar. Ljóst þykir að
miklir möguleikar eru nú fyrir hendi
á útflutningi á vörum úr íslenskri ull.
Fyrirtækið fær fjölda fyrirspurna og
þá hefur áhugi erlendra ferðamanna
á síðustu misserum ekki farið fram
hjá neinum. Glófi hefur náð góðum
árangri í sölu á Norðurlöndunum
og í Þýskalandi, ákveðnir markaðir
í Bretlandi, Hollandi, Banda ríkj-
unum, Kanada og jafnvel Rúss-
landi eru einnig að opnast um þess-
ar mundir. MÞÞ
Ólafur Ívarsson tæknistjóri kynnir starfsemi fyrirtækisins fyrir áhugasömum gestum.
Sauðfjárbændur og fleiri
góðir gestir hjá Glófa
Páll Kr. Pálsson sýnir þeim Birgi Arasyni, formanni Félags sauðfjárbænda
í Eyjafirði, Inga Björnssyni útibússtjóra Íslandsbanka og Elínu Margréti
Hallgrímsdóttur hjá Símenntun Háskólans á Akureyri hversu sterkir sokk-
arnir sem Glófi framleiðir eru.
Helga Þórðardóttir með flík úr nýju
Blik-línunni.
Logi A. Guðjónsson, Eðvarð Jónsson og Páll Kr. Pálsson. Eðvarð stofn-
aði fyrirtækið árið 1982 ásamt Margréti systur sinni, en þeir Logi og Páll
keyptu það árið 2005.
Gleðileg jól.
Óskum bændum og búaliði
hagsældar á komandi ári
Dúnhreinsunin
Digranesvegi 70
Gleðileg jól, óskum
bændum og búaliði
hagsældar á
komandi ári
Gleðileg jól
Samband garðyrkjubænda
_____________
Landssamband kartöflubænda
Félag garðplöntuframleiðenda
Félag grænmetisframleiðenda
Félag blómaframleiðenda
Kartöfluverksmiðja Þykkvabæjar hf.
Óskum viðskiptavinum okkar gleðilegra jóla
og farsæls komandi árs
Gleðileg jól,
gott og farsælt komandi ár!
Þökkum viðskiptin á árinu
Himinn sf.
Æðardúnshreinsunin Skarði
Gleðileg jól, gott og
farsælt komandi ár.
Hagþjónusta landbúnaðarins
Gleðileg jól,
óskum bændum og búaliði
hag sældar á komandi ári.
Vélaval, Varmahlíð
Gleðileg jól,
óskum bændum og búaliði
hag sældar á komandi ári.
Framleiðnisjóður
landbúnaðarins
Gleðileg jól,
gott og farsælt komandi ár!
Samband íslenskra loðdýrabænda
Bjargey Pétursdóttir, verkstjóri í
framleiðslusal, að þræða sokka-
saumavélina.