Bændablaðið - 26.02.2009, Blaðsíða 28

28 Bændablaðið | fimmtudagur 26. febrúar 2009
Árið 1942 flytur Guðmundur
J. Einarsson, afi Halldóru, úr
Hergilsey, upp á Barðaströnd og
leigir kirkjujörðina Brjánslæk
af ríkinu. Sonur hans og tengda-
dóttir, Ragnar og Rósa, taka við
af honum og búa með blandaðan
búskap, kýr og kindur, en um
1980 var hætt með kýr og kindum
fjölgað. Árið 1984 var fé skorið
niður vegna samræmdra aðgerða
gengn riðu í sveitinni. Fjárlaust
var í tvö ár og fé tekið aftur og
þá af Ströndum. Stundaður var
hrossabúskapur í fjárleysinu
og nokkur ár eftir það og kom
Borgnesingurinn Jóhann Pétur
til að temja hross á þeim árum, en
hann ílentist þannig að 1988 eru
þau Halldóra saman komin inn í
búreksturinn og taka alfarið við
1993. Þá voru engin hross eftir á
bænum! Íbúðarhúsið var stækkað
árið 1995 og því skipt í tvær íbúðir
og búa Ragnar og Rósa í suður-
hluta þess. Þau sjá um afgreiðslu
ferjunnar Baldurs sem siglir frá
Stykkishólmi til Brjánslækjar,
alla daga.
Býli?
Brjánslækur á Barðaströnd.
Staðsett í sveit?
Við þjóðveg 62 í Vatnsfirði – þar
sem ferjan Baldur kemur.
Ábúendur og fjölskyldustærð?
Halldóra Ingibjörg Ragnarsdóttir
og Jóhann Pétur Ágústsson. Fimm
börn, Markús Ingi 18 ára í skóla í
Reykjavík, Ágúst Vilberg 10 ára og
8 ára þríburar Salvar Þór, Jarþrúður
Ragna og Þorkell Mar. Border
Collie hundarnir Skrámur og Fiðla
og kötturinn Björk, sem sér um
músaútrýmingar.
Stærð jarðar?
Brjánslækjartorfan er u.þ.b.23.000
ha að stærð, þar af mikið fjalllendi
og kjarrivaxnar hlíðar og m.a.frið-
land Vatnsfjarðar.
Tegund býlis?
Aðallega er um mjólkurframleiðslu
að ræða, en einnig aðeins sauðfjár-
rækt með. Hrossaræktin vaxandi og
gæti farið úr böndunum.
Fjöldi búfjár og tegundir?
Sauðfjárrækt, auk svolítils æðar-
varps. 750 fjár á vetrarfóðrun í
vetur og einnig 11 landnámshænur,
svo er breytileg tala á æðarfugli, og
líka eru 4 hross í hagagöngu fyrir
kunningja okkar.
Hvernig gengur hefðbundinn
vinnudagur fyrir sig í Dalsmynni?
Allir virkir dagar í skólaárinu byrja
á að koma börnunum í skólabílinn
og enda á að koma þeim í rúmið
og lesa. Dagleg sinning á fé er
auðvitað til staðar, annars árstíð-
arbundin störf eins og sauðburður,
heyskapur, girðingarvinna, jarð-
vinnsla o.þ.h. Og svo fara öll haust
í að smala og ná saman fé.
Skemmtilegustu/leiðinlegustu
bústörfin?
Heyskapur í góðri tíð, og þó að
sauðburður geti verið lýjandi er
hann skemmtilegur og svo fjár-
ragið á haustin, þegar afraksturinn
kemur í ljós. En leiðinlegast er að
taka skít út úr elstu fjárhúsunum,
þar sem kjallararnir taka ekki nema
hálfan veturinn!
Hvernig sjáið þið búskapinn
fyrir ykkur á jörðinni eftir 5 ár?
Á góðu rennsli !
Hvaða skoðun hafið þið á
félagsmálum bænda?
Ef vel tekst til við að ná tökum
á efnahagsmálum þjóðarinnar á
hann bjarta framtíð.
Hvernig mun íslenskum land-
búnaði vegna í framtíðinni?
Að lagðar séu áherslur á sérstöðu
Íslands, gagnvart hreinleika lands
og ómengaðs vatns.
Hver teljið þið að helstu tæki-
færin séu í útflutningi íslenskra
búvara?
Við gætum komist langt á hreinni
náttúru, lömb sem ganga frjáls
á fjöllum og kúm sem leika við
hvurn sinn fingur.
Hvað er alltaf til í ísskápnum?
Mjólk, smjör, ostur, egg, ávextir,
AB-mjólk og Dala-feta ostur.
Hver er vinsælasti maturinn á
heimilinu?
Soðið heimagert kjötfars hjá börn-
unum en fátt er betra en ærfram-
hryggjavöðvar, kryddaðir og grill-
aðir af húsbóndanum!
Eftirminnilegast atvikið við
bústörfin?
Þegar 1000 lamba markinu var
náð! Og þegar flatgryfjan var
orðin að fjárhúsum með gjafa-
grindum.
5 6
9 2 6 4
9 3 7
1 3
6 8
2 7
8 1 9
7 8 4 5
2 3
6
4 9
5 7 2
3 7 2
4 5 8 7
2 9 4
5 1 8
6 2
3
9 7
1
8 3 7 5
8 4 2
1 9
6 2 8
2 1 4 5
9
7 3
Sudoku
Galdurinn við Sudoku-þrautirnar er
að setja réttar tölur frá 1-9 í eyðurn-
ar. Sama talan má ekki koma fyrir
tvisvar í línu lárétt og lóð rétt og
heldur ekki innan hvers reits sem
afmarkaður er af sverari lín um.
Þrautirnar eru miserfiðar, sú
sem er lengst til vinstri er léttust og
sú til hægri þyngst en sú í miðjunni
þar á milli.
Hægt er að fræðast nánar um
Sudoku-þrautirnar á vefsíðunni
www.sudoku.com og þar er einn-
ig að finna fleiri þrautir ef þessi
skammtur nægir ekki.
Líf og lyst
Matarmiklar brauðbollur með maískjúklingasúpu
Súpur eru himneskar í lögun því í
flestum tilfellum eru þær ótrúlega
einfaldar og ef maður er með gott
hráefni og réttu kryddin þá getur
góð súpumáltíð vart klikkað. Það
sem toppar þó hverja slíka mál-
tíð er nýbakað brauð með og það
sem er einnig svo skemmtilegt við
brauðgerðina er að hægt er að
blanda ýmsu bragðaukandi við
deigið til að hver og einn fái sína
bestu útkomu.
Súpubrauð með ab-mjólk
12-18 stk.
25 g ferskt pressuger eða 1 tsk.
þurrger
5 dl volgt vatn
3 dl ab-mjólk
1-2 tsk. sjávarsalt
250 g durumhveiti
500-600 g hveiti
Aðferð:
Velgið vatnið og hrærið gerið út
í. Bætið ab-mjólkinni og saltinu
saman við. Hrærið hveitið smátt og
smátt saman við (deigið er frekar
þunnt). Leggið plastfilmu yfir skál-
ina og látið hana standa í kæli í 6-8
tíma (eða við stofuhita í klukku-
tíma.) Setjið deigið í múffuform og
látið standa við stofuhita í klukku-
stund. (Ef notaðir eru múffubakk-
ar með hólfum þarf að smyrja þau
vel fyrst.) Bakið við 230°C í 15-20
mínútur. Berið fram með góðri
súpu og ef til vill pestói.
Kjúklingasúpa með maís
1 kjúklingur, hlutaður niður í 4 parta
1 l vatn
1 laukur stór, saxaður
8-10 stk. piparkorn
2 tsk. salt
8-10 stk. saffran þræðir
6 maískólfar eða 7-8 dl. frosnar
maísbaunir
3 sellerístönglar, saxaðir
125 g eggjanúðlur
1 dl steinselja
2-3 egg harðsoðin
Aðferð:
Sjóðið kjúklinginn í vatni ásamt
lauk, svörtum pipar, salti og saffran
í eina klukkustund. Takið kjúkling-
inn upp úr og takið kjötið af bein-
unum. Takið baunirnar af tveim-
ur maískólfum og setjið þær út í
súpuna. Takið baunirnar af hinum
fjórum kólfunum og maukið í mat-
vinnsluvél og bætið í súpuna. Það
er gott að hafa smjörpappír undir
svo ekkert fari til spillis þegar þið
náið baununum utan af. Ef þið
notið frystar maísbaunir þá setjið
þið þrjá desilítra af heilum baunum
út í súpuna og maukið afganginn.
Bætið nú selleríi útí ásamt núðl-
um og kjúklingi og sjóðið í 10 til
15 mínútur. Ausið á diska og setjið
hálft egg og steinselju á hvern disk.

Af www.gestgjafinn.is ehg
MATUR
Brjánslækur á Barðaströnd
Bærinn okkar
Ágúst Vilberg situr á lambinu sem
náðist í eftirleitum.
Þríburarnir frá vinstri: Jarþrúður
Ragna, Þorkell Mar og Salvar Þór
til hægri.
Auðvelt er að bæta við grunnuppskriftina að súpubrauðinu til dæmis kryddjurtum, fetaosti eða söxuðum ólífum.