Bændablaðið - 26.02.2009, Blaðsíða 11

11 Bændablaðið | fimmtudagur 26. febrúar 2009
hreyfingin hafi orðið virkari upp á
síðkastið. Forsvarsmenn bænda úti
í héruðunum eru mun meiri þátt-
takendur í þjóðfélagsumræðunni.
Þetta segir mér bara að umræðan er
breiðari og öflugri en áður.“
– Finnst þér þetta vera mikil breyt-
ing frá því sem verið hefur? Bændur
voru mjög öflug stétt í þjóðfélags-
umræðunni langt fram eftir síðustu
öld en svo má segja að áhrif þeirra
hafi heldur minnkað eftir því sem
nær aldamótum dró. Sumir hafa
kvartað yfir því að ungt fólk gefi
sig ekki út í starf að félagsmálum
bænda. Er það breytt?
„Já, ég skynja mikla breytingu
á því, ungt fólk lætur sig félags-
mál bænda varða. Mér finnst sú
áhersla sem við höfum lagt á sýni-
leika bænda á undanförnum árum
vera að skila sér. Við erum að
uppskera eins og við höfum sáð.
Það er fleira fólk í því að tala máli
bænda og við erum breiðari sveit
en áður. Langtrúverðugasti tals-
maður bænda er bóndinn sjálfur.
Þess vegna höfum við til dæmis
hvatt bændur til að stíga fram núna
í aðdraganda kosninganna og taka
þátt í starfi flokkanna. Þetta eru allt
vígi sem við verðum að sækja á.“
Sýnilegri Bændasamtök
– Það hafa verið mjög stór mál
á borðinu hjá ykkur á þessu ári.
Matvælafrumvarpið, umræða um
Evrópusambandsaðild og deilan
við Samkeppniseftirlitið standa
kannski upp úr, fyrir utan efnahags-
ástandið auðvitað. Bændur hafa að
mörgu leyti þjappað sér saman í
afstöðu gagnvart þessum málum.
Telurðu að Bændasamtökin hafi
styrkst inn á við á síðasta ári eða
jafnvel út í þjóðfélagsumræðunni?
„Ég ætla kannski ekki að gerast
dómari um það. Við getum notað
þá mælistiku að við erum miklu
sýnilegri í allri þjóðfélagsumræðu.
Við getum horft til mælinga sem
segja að jákvæðar fréttir um land-
búnað hafa aldrei mælst fleiri en
tvö síðustu ár. Við ákváðum að
fara í átak árið 2006 til að verða
sýnilegri og það held ég að hafi
gengið eftir. Þetta skilar sér. Mér
finnst alla vega að andi bænda-
funda í haust hafi sýnt að bændur
standa með sínum samtökum.“
– Hvaða mál verða stærst á kom-
andi Búnaðarþingi?
„Búnaðarþing 2009 verður þing-
ið sem þarf að ræða forsendur fyrir
búrekstri hér á landi, forsendur þess
að framleiða hér grænmeti, kjöt og
mjólk. Búnaðarþing verður að ræða
hvernig við ætlum að komast út úr
þessari kreppu sem stétt. Það er
horft til bænda sem hluta af upp-
byggingu þjóðfélagsins. Menn átta
sig kannski ekki á því að það mun-
aði ekki nema hársbreidd að fót-
unum væri kippt undan íslenskum
landbúnaði í miðju góðærinu. Ef
því hefði ekki verið afstýrt þá væri
íslenskur landbúnaður ekki til stað-
ar í dag til að framleiða helming
matar þjóðarinnar og undirbyggja
þúsundir starfa. Eitt af svörunum
sem við höfum í efnahagsástand-
inu er bara að framleiða meiri mat
innanlands. Hafi til að mynda ein-
hvern tíma verið tækifæri í útflutn-
ing á landbúnaðarvörum þá er það
núna.“
– Stóra málið á þessu Búnaðarþingi
verður væntanlega efnahagur bænda.
Hefurðu áhyggjur af því að það verði
fjöldagjaldþrot í greininni?
„Já, en þjóðin stendur að sumu
leyti frammi fyrir fjöldagjald-
þroti öll. Væntanlega munu ein-
hver bú ekki hafa þetta af. Að því
leyti eru bændur í sömu stöðu og
þjóðin í heild. Það sem á að skipta
Búnaðarþing mestu máli er að
framleiðslan stöðvist ekki. Staðan
er óljós. Gleymum samt ekki að
við eigum eftir að rísa upp aftur
og megum ekki láta telja úr okkur
kjarkinn“
Fáar atvinnugreinar jafn vel
upplýstar um ESB
– Hvað með Evrópusambandið?
Bændur eru almennt andsnúnir
sambandinu. Hvað hefur bænda-
forystan verið að gera frá síðasta
Búnaðarþingi varðandi þá baráttu
og hvernig mun málið koma inn á
Búnaðarþingi nú?
„Bændasamtökin hafa staðið í
því í gegnum árin að kynna sér þessi
mál. Það eru líklega fáar atvinnu-
greinar sem hafa flutt eins oft inn
talsmenn framkvæmdanefndarinnar
til að ræða um Evrópusambandið.
Við höfum í gegnum árin heyjað
okkur mikinn fróðleik. Við getum
því sagt að grunnurinn undir afstöðu
okkar er byggður á þekkingu. Hann
er ekki byggður á vonum og vænt-
ingum eins og afstaða margra þeirra
sem tala mjög fyrir inngöngu. Þarna
skilur á milli. Þeir sem tala af þekk-
ingu og hafa kynnt sér málin og þeir
sem ætla að vona og bjarga með
hókus pókus aðferðum einhverju
tímabundnu ástandi. Búnaðarþing
mun núna ræða um aðildarmál.“
– Fyrir dyrum standa Alþingis-
kosn ingar sem gætu hæglega orðið
einhverjar afdrifaríkustu kosningar
síðari ára. Hvaða skilaboð þarf
Búnaðarþing að senda út í þá kosn-
ingabaráttu?
„Við munum senda út þau skila-
boð að við erum andstæð inngöngu
í Evrópusambandið. Við þurfum
líka að vekja athygli á aðgerðum
sem hægt er að fara út í. Við þurf-
um að ná meiri stöðugleika í okkar
rekstrarumhverfi. Við þurfum að
draga enn betur fram hversu mikill
fjöldi starfa er tengdur landbúnaði.
Það hefur aldrei verið mikilvægara
að framleiða hér á landi matvæli og
það er fólki orðið ljóst.“
– Áttu von á að þetta verði átaka-
þing?
„Það hljóta að vera átök á Bún-
aðarþingi þar sem lífsafkoma og
lífshamingja fólks er undir. Það
verða ekki átök á milli manna.
Átökin verða út í þjóðfélagið, kraft-
ar til að byggja upp að nýju. Efla
landbúnað og sveitir á nýjan leik.
Þjóðin þarf á því að halda.“
fr
Ert þú með
Héðins hurð?
Þjónustumenn frá hurðadeild Héðins verða á ferð
um Suðurlandið dagana 9. - 14. mars næstkomandi.

Tökum notaða bíla
uppí notaða. Aðeins
brot af tilboðsbílum.
Ýmis lánakjör í boði.
9,7% fastir vextir
óverðtryggt
Sími 587 1000
Bíldshöfði 10
www.benni.is
TOYOTA LANDCRUISER 100
NEW 4700 6/2005, ek. 45 þús.5
dyra, ssk. 7 manna, umboðsbíll,
topplúga, leður og fl.
Verð 6.990 þús.
Tilboð 5.490 þús. stgr.
HYUNDAI TERRACAN 2,9 GLX
TDI, 2/2006, ek. 51 þús. 5 dyra,
ssk. álf. 33” dráttarkrókur, filmur,
leður, topplúga og fl.
Verð 4.190 þús.
Tilboð 3.890 þús. stgr.
SUBARU LEGACY 2,0 WAGON
LUX 3/2005, ek. 82 þús. 5 dyra,
ssk. topplúga, leður,
Verð 2.890 þús.
Tilboð 1.990 þús. stgr.
SSANGYONG MUSSO 2,9 TDI,
7/2004, ek. 98 þús. 5 dyra,
ssk. álf. 31” rafm í rúðum og
speglum, cd.
Verð 1.590 þús.
Tilboð 1.290 þús. stgr.
Næsta
Bændablað
kemur út
12. mars