Bændablaðið - 01.09.2011, Blaðsíða 1

15. tölublað 2011 Fimmtudagur 1. september Blað nr. 354 Upplag 24.000
24
Ríflega fimmtungi fjárrétta á
landinu hefur verið seinkað frá því
sem venja hefur verið. Á þriðja
tug rétta verða viku síðar í ár en
þær voru í fyrra og á heildina litið
verða göngur og réttir síðar í ár en
verið hefur. Skýringa á því er að
leita í tíðarfarinu en sökum ótíðar
í vor og framan af sumri fór fé í
sumum tilfellum óvenju seint á
fjall. Þá eru þess mörg dæmi að
bændur séu enn að heyja og því
vilja menn gjarnan að tún fái eilítið
meiri tíma til að spretta á ný áður
en fé verður sett á þau aftur.
Svo dæmi sé tekið hefur göngum,
og þar með réttum, verið frestað að
hluta í Hörgársveit. Guðmundur
Skúlason á Staðarbakka er fjall-
skilastjóri Hörgársveitar.
„Bæði vorið og sumarið gerðu
það að verkum að það er allt seinna
á ferðinni. Menn eru í háarslætti hér
margir enn þó að þeir séu nú líklega
flestir á síðustu metrunum.
Það var viss hætta á að heyskapur
lenti ofan í heimfjallasmölun en ekki
síður að þar sem menn eru með margt
fé sem þarf að taka inn í tún eftir
göngur munar alveg helling um viku
sprettu. Svo er afar góð beit á afrétti
og fjöllum, það er fimmtán stiga hiti
núna og er örugglega enn að gróa. Fé
er væntanlega enn að elta gróðurinn.“
Gæti valdið sláturleyfishöfum
vandræðum
Gera má ráð fyrir að þessi seinkun
valdi vissum erfiðleikum hjá slát-
urleyfishöfum sem þegar hafa fest
mannskap fyrir komandi sláturtíð.
Sigurður Jóhannesson formaður
Landssamtaka sláturleyfishafa segir
ljóst að slátrun muni seinka vegna
þessa.
„Það getur ekki haft nein önnur
áhrif. Eftir því sem menn rétta
seinna, því seinna kemur féð. Það
er hins vegar mjög óþægilegt fyrir
sláturleyfishafa þegar verið er að
hringla með þessar tímasetningar
og færa þær til þegar langt er liðið á
sumar. Flestallir sláturleyfishafar eru
að ganga frá mannaráðningum í apríl
eða maí og festa þá niður hvenær þeir
fá fólk til landsins. Þá er tekið mið
af líklegum réttardögum og það er
mjög slæmt þegar því er frestað um
viku því þá er þetta fólk verklaust.
Að sjálfsögðu höfum við skilning
á þessum aðstæðum núna en þetta
getur orðið mjög þröngt á ákveðnum
tímum.“
Í sama streng taka forsvarsmenn
sláturhúsa sem Bændablaðið hafði
samband við. Steinþór Skúlason for-
stjóri Sláturfélags Suðurlands (SS)
segir meira en líklegt að seinkun
á réttum geri erfiðara en ella að fá
nægjanlegt innlegg í upphafi slátur-
tíðar.
Ágúst Andrésson forstöðumaður
Kjötafurðastöðvar Kaupfélags
Skagfirðinga (KS) segir að slátrun
virðist ætla að fara hægt af stað.
„Mér finnst alltaf slæmt þegar
verið er að hringla með þetta. Ég
svo sem hef alveg skilning á því
núna þegar er svona sérstakt árferði
að menn freistist til að fresta þessu.
Menn eiga eftir að heyja, hafa líka
takmarkaða haga heima við og bestu
hagarnir eru kannski upp til fjalla
núna. Ég er hins vegar alltaf jafn
hissa á því að það er aldrei haft neitt
samráð við afurðastöðvarnar þegar
verið er að taka ákvarðanir um þetta.
Það að fresta göngum í engu samráði
við markaðinn er varhugavert því
við megum ekki gleyma því að það
vantar kjöt á markað. Ég tek það samt
fram að við horfum öðruvísi á þetta
núna, í ljósi aðstæðna.“
Bændur að verja hagsmuni sína
Sindri Sigurgeirsson formaður
Landssamtaka sauðfjárbænda segir
fullkomlega eðlilegt að menn taki
þessa ákvörðun. „Það væri kurteisi
að láta sláturleyfishafa vita af þessum
breytingum en bændur eru með þessu
að verja hagsmuni sína. Menn eru að
reyna að bæta sinn hag með því að
koma með þyngri lömb til slátrunar.
Mér finnst þetta mjög skiljanlegt en
það er líka gott að menn gátu komið
með lömb til slátrunar nú í ágúst. Það
rættist bara vel úr því.“ /fr
Ótíð í vor og fyrrihluta sumars veldur því að allt er seinna á ferðinni:
Á þriðja tug rétta frestað
– Heyskap víða enn ólokið og vonast er eftir meiri sprettu áður en fé kemur af fjalli
Stjórn mjólkur- og kjötframleiðenda innan SI:
Vilja að aðildarviðræðum
við ESB verði hætt
- segja aðildarumsókn vera að sundra þjóðinni
Stjórn mjólkur- og kjötframleið-
enda, sem starfa innan Samtaka
iðnaðarins (SI), vill að Alþingi
leggi aðildarumsókn að Evrópu-
sambandinu til hliðar. Bent er
á þá miklu óvissu sem nú ríkir,
bæði um myntsamstarfið og upp-
byggingu og innra skipulag ESB.
Samþykkti stjórnin einróma eft-
irfarandi ályktun á fundi sínum
í gærmorgun.
„Samtökin telja að hags-
munum Íslands sé betur borgið
utan Evrópusambandsins, horft til
framtíðar.
Við núverandi aðstæður innan
Evrópusambandsins, þar sem
grundvallarmál, sem snerta framtíð
myntbandalagsins og uppbyggingu
og skipulag Evrópusambandsins
sjálfs eru til umræðu meðal aðildar-
þjóða og niðurstöðu ekki að vænta
í fyrirsjáanlegri framtíð er rétt af
Alþingi að leggja aðildarumsóknina
til hliðar.
Það er ljóst að samningavið-
ræður snúast um afsal á yfir-
stjórn fiskveiða og fiskimiða og
samningsrétti við aðrar þjóðir um
skiptingu mikilvægra deilistofna
svo og um grundvallarbreytingar í
rekstri landbúnaðar á Íslandi, sem
reynslan sýnir að getur beinlínis
stofnað veigamiklum þáttum hans
í voða.
Aðildarviðræðunum fylgir mikill
kostnaður og aðildinni enn meiri
kostnaður ef að yrði. Ísland þarf
nú fyrst og fremst á að halda sam-
stöðu og samtakamætti til að byggja
upp og þróa grundvallaratvinnuvegi
þjóðarinnar.
Aðildarumsóknin sundrar þjóð-
inni og gerir henni ókleift að ná
saman um aðkallandi verkefni,"
segir í ályktun samtakanna.
Sigurður Gunnar Markússon
framkvæmdastjóri innkaupasviðs
Kaupáss sem rekur bæði Nóatún
og Krónuna segir að ekki hafi orðið
vart við kjötskort hjá fyrirtækinu
í sumar. Þetta sagði hann í viðtali
á Bylgjunni á miðvikudaginn var
í þættinum Í bítið.
„Við höfum átt nóg af kjöti, það
er alveg ljóst, í allt sumar,“ sagði
Sigurður en bætti við að það hefði
komið upp skammtímavöruþurrð í
einstaka vöruflokkum, á einstaka
degi í einstaka verslun.
„Heilt yfir höfum við átt nóg af
kjöti allan tímann og eigum enn.“
Hann sagði að það væri ekki sama
offramboð af kjöti og undanfarin
ár og að kaupmenn hefðu ef til vill
þurft að hafa meira fyrir hlutunum
en fyrri ár.
Sigurður sagði að þeir hefðu
ekki átt í vanda með að ná í kjöt
fyrir sínar verslanir og núna eftir að
sauðfjárslátrun hófst sé allt fullt af
lambakjöti.
Aðspurður um sannleiksgildi
þess að um kjötskort hafi verið að
ræða í sumar á markaðnum sagði
Sigurður að hann teldi viðskiptavini
Krónunnar eða Nóatúns ekki geta
tekið undir það.
„Ég get alveg sagt frá því að við
erum búnir að selja meira af lamba-
kjöti bæði í Nóatúni og Krónunni
heldur en síðasta sumar. Það er ekki
hægt að benda á skort hvað það
varðar,” sagði Sigurður.
Kjötskortur á landinu í sumar stórlega ýktur:
„Höfum átt nóg af kjöti“
- Sagði Sigurður Gunnar Markússon innkaupastjóri
Nú í lok vikunnar er áætlað að
búið verði að slátra um 1700 fjár
hjá Norðlenska á Húsavík, en þar
hófst slátrun fyrir hálfum mánuði.
Eiginleg sláturtíð hefst um miðja
næstu viku, 7. september og verður
sláturhúsið þá fullmannað. Gert er
ráð fyrir að á Húsavík verði slátrað
á bilinu 76 til 78 þúsund fjár, en í
heildina mun Norðlenska slátra um
108 til 110 þúsund fjár. Auk þess að
slátra á Húsavík er félagið einnig
með sláturhús á Hornafirði.
Sigmundur Hreiðarsson, vinnslu-
stjóri Norðlenska á Húsavík, segir
að það kjöt sem til hafi fallið við
slátrun nú á fyrstu dögum sláturtíðar
sé í góðu lagi; meðalvigtin um 14,5
kíló, kjötið fitulítið en holdfylling
almennt góð og kjötið sé söluvæn-
legt. Almennt megi búast við að fall-
þungi í haust verði lakari en í fyrra,
þar sem tíðarfar framan af sumri var
ekki hagstætt.
/MÞÞ
- Sjá nánar bls. 4
Áætlað að slátra allt að 110
þúsund fjár hjá Norðlenska
Eymundur Magnússon í Vallanesi á Fljótsdalshéraði athugar þroska kornsins. Sumarið á Héraði hefur verið það kald-
asta í langan tíma og því enn óvíst hvort kornið nái þroska. Septembermánuður mun skera úr um það. Fjallað er um
tíðina í sumar vítt og breitt um landið og rætt við fulltrúa búnaðarsambandanna á blaðsíðum 20 og 21. 

22
Yfirlit yfir fjár- og
stóðréttir 2011
Framleiðsla á gasi í
sveitum gæti auki arðsemi
34
Bærinn okkar
Litlu-Reykir