Bændablaðið - 01.09.2011, Blaðsíða 12

Bændablaðið | fimmtudagur 1. september 201112
Fréttir
„Við erum bara ánægð með
aðsóknina og reksturinn gengur
vel,“ segir Stefán Gunnarsson,
framkvæmdastjóri Jarðbaðanna
í Mývatnssveit. Á liðnu ári sóttu
um 75 þúsund manns Jarðböðin
heim og gerir Stefán ráð fyrir svip-
uðum fjölda gesta í ár, eða á bilinu
75 til 80 þúsund manns. Um 70%
gestanna eru erlendir ferðamenn
sem iðulega ljúka miklu lofsorði
á böðin.
Stefán segir að veður hafi ekki
verið beint spennandi í sumar,
einkum fyrri hluta þess og þá sáust
varla Íslendingar í Mývatnssveit,
„enda var mjög kalt framan af og í
júní snjóaði af og til svo það er nú
ekki skrýtið,“ segir hann.
Ferðamannatíminn að lengjast
fram á haustið
Langflestir eru eðlilega á ferð yfir
sumarmánuðina, umferðin er mest þá
og um 80% allra gesta í Jarðböðunum
sækja þau heim á tímabilinu frá
júní til ágúst, en Stefán segir að nú
í seinni tíð hafi ferðamannatíminn
í Mývatnssveit lengst nokkuð fram
á haustið. „September hefur verið
mjög góður undanfarin ár og jafn-
vel er töluvert af fólki á ferðinni
fram í október. Við búum svo vel að
um Mývatnssveit liggja leiðir upp á
hálendið og það er opið fram eftir
hausti, en aftur á móti lokað á vorin
svo umferðin er minni á þeim árs-
tíma,“ segir hann.
Stefán segir það ánægjulegt að
ferðamannatíminn hafi lengst, enda
sé það nauðsynlegt fyrir þá aðila
í ferðaþjónustu á landsbyggðinni
sem lagt hafi fjármuni í uppbygg-
ingu. Hann sér möguleika á að auka
ferðamannastraum að vorlagi og þá
t.d. í tengslum við fuglaskoðunar-
ferðir, en ævinlega komi slæðingur af
áhugafólki um fugla í Mývatnssveit
að vorlagi, „þó vissulega mætti vera
meira um það, því fuglalífið hér er
einstakt,“ segir hann. /MÞÞ
Jarðböðin í Mývatnssveit njóta vinsælda:
Gert ráð fyrir allt að 80
þúsund gestum í ár
Jarðböðin í Mývatnssveit njóta mikilla vinsælda ferðalanga en áætlað er að á bilinu 75 til 80 þúsund gestir muni
sækja böðin heim á þessu ári, sem er álíka mikill fjöldi og í fyrra. Mynd / MÞÞ
Byrjað var að vinna eftir nýrri
reglugerð um kattahald á
Akureyri í byrjun sumars, en
samkvæmt henni ber eigendum
katta að skrá ketti sína. Eigendum
katta er gert að skrá húsdýr sín
fyrir 1. desember næstkomandi
en enn sem komið er hafa einungis
75 kettir verið skráðir formlega í
bæjarfélaginu.
Samkvæmt upplýsingum sem
yfirvöld hafa aflað sér, m.a. hjá
dýralæknum í bænum, má gera ráð
fyrir að allt að 5 þúsund kettir eigi
heimili á Akureyri.
570 hundar á skrá
Ný reglugerð um hundahald tók
einnig gildi fyrr á þessu ári og eru
um 570 hundar skráðir á Akureyri
um þessar mundir. Samkvæmt nýju
reglugerðunum er nú leyfilegt að
halda að hámarki þrjá hunda á hverju
heimili. Hundum hefur fjölgað mikið
á Akureyri á liðnum árum, eru sem
fyrr segir tæplega 600 talsins á skrá,
en voru innan við 200 lengi vel eða
allt fram undir síðustu aldamót þegar
þeim fór að fjölga ört.
Aðeins þrír kettir á heimili
Það sama verður uppi á teningnum
varðandi ketti frá og með 1. desemb-
er næstkomandi, en eftir þann dag
verður einungis heimilt að nýskrá
þrjá ketti á hvert heimili. Eigi menn
fleiri ketti en þrjá og skrái þá fyrir
tilskilinn tíma fá þeir að halda þeim
öllum.
Eigendum katta ber eftirleiðis
að skrá þá, örmerkja og tryggja. Þá
munu kattaeigendur framvegis þurfa
að borga skráningargjald að upphæð
10 þúsund krónur, auk 6 þúsund
króna í leyfisgjald fyrir hvern kött.
/MÞÞ
Talið að um 5 þúsund
kettir séu á Akureyri
– Einungis er búið að skrá formlega 75 ketti
Umhverfisnefnd Biskupstungna
veitti viðurkenningu fyrir falleg-
asta garðinn í þéttbýli í tengslum
við afmælishátíð Aratungu 13.
ágúst. Markmiðið er að veita þeim
viðurkenningu sem eru duglegir að
snyrta til í sínu nánasta umhverfi.
Alls bárust nefndinni tilnefningar
um 8 garða. Voru þeir skoðaðir og
eftirfarandi viðmið notuð til þess
að ákvarða hvaða garðar hlytu
viðurkenningu. Sjónræn áhrif voru
metin, sem og hönnun garðs, við-
hald garðs og varanleiki en með því
er átt við hvort að gróðurframvinda
verði með þeim hætti að yngri gróður
taki við af þeim eldri og hvort að
gróðurinn eigi við allar árstíðir. Þrír
garðar fengu viðurkenningu. 3. sæti
hlaut Hrísholt 2 að Laugarvatni,
eigendur eru Halldór Benjamínsson
og Sigríður Mikaelsdóttir. 2. sætið
hlaut Kirkjuholt í Laugarási, eig-
endur eru Benedikt Skúlason og
Kristín Sigurðardóttir og 1. sæti
hlaut Bjarkarbraut 11 í Reykholti,
eigendur eru Bergþór G. Úlfarsson
og Inga Þyri Kjartansdóttir.

/MHH
<!
 # 


%  
%
%#+!

! 
+

(%
$
= 
 
>%#+!

! ?C! !  

 D

$ 

 
C!

8
 = G
D

 
( 
C! %$

 
$

I!
 
(!
$
N


 
>%#+!

! ?<!

&+
 
>%#+!

! ? Mynd / MHH
Fallegustu garðar Bláskógabyggðar 2011
Umhverfisverðlaun Rangárþings
ytra voru afhent í Árhúsum á
Hellu í lok júlí. Verðlaunað var
fyrir fjóra flokka og snyrtilegasta
lögbýlið er Skeiðvellir í Holtum.
Þar búa Sigurður Sæmundsson og
Lisbeth Sæmundsson.
Fegursti garður í dreifbýli er
á Hávörðukoti, lóð Sigurðar G.
Blöndal og Irmu Blöndal. Fegursti
garður í þéttbýli er við Laufskála
6 á Hellu, sem er í eigu Áslaugar
Jónasdóttur. Loks fengu gistiheim-
ilið Brenna og Hekla handverkshús,
Þrúðvangi 35-37 á Hellu, verðlaun
fyrir snyrtilegustu lóð fyrirtækis
eða stofnunar innan sveitarfélags-
ins. Þau Ragnheiður Jónasdóttir og
Erlingur Gíslason tóku á móti þeim
verðlaunum.
Það var Samgöngu, hálendis- og
umhverfisnefnd Rangárþings ytra
sem stóð fyrir verðlaunaafhending-
unni en formaður nefndarinnar er
Sigurgeir Guðmundsson, skólastjóri
á Hellu. /MHH
Umhverfisverðlaun Rangárþings ytra 2011:
Skeiðvellir í Holtum eru
snyrtilegasta lögbýlið
<!
 # 


%  !  
!%
+!
 O %8 
G
+
 
 + Q 
 

 Mynd / MHH