Bændablaðið - 26.07.2012, Blaðsíða 14
Bændablaðið | Fimmtudagur 26. júlí 201214
Stella Guðmundsdóttir hefur
undanfarin ár verið að byggja
upp ferðaþjónustu í Heydal við
Ísafjarðardjúp ásamt fjölskyldu
sinni. Fyrirtækið á bak við starf-
semina heitir Ævintýradalurinn
ehf. og má með sanni segja að upp-
byggingin í Heydal sé gott dæmi
um þau ævintýri sem eru að gerast
á þessu sviði víða um land. Góð
aðsókn hefur verið í Heydalinn í
sumar. Margir hópar hafa komið
þangað til að halda veislur fyrir
ættarmót og aðrar samkomur og
óhætt að mæla með veitingum á
staðnum og frábæru hlaðborði
staðarhaldara. Stella segir að
auk gistiaðstöðunnar sé ýmisleg
afþreying í boði.
„Við erum með hestaleigu og
kajakleigu og leggjum mikla áherslu
á mat úr héraði. Þá er dalurinn mjög
skemmtilegur og hér er heitt jarð-
hitavatn, heitir pottar og sundlaug.
Allt dregur þetta að.
Við höfum líka boðið upp á fimm
daga ferðir hingað yfir veturinn og
sækjum þá fólk suður og skilum því
aftur á sitt hótel. Þá dvelst fólk hjá
okkur í fjórar nætur og við förum
m.a. með það í Kaldalón. Þá hef
ég yfirleitt gengið með því inn að
jöklinum (skriðjökli úr Drangajökli).
Þá höfum við farið með gestina á
Ísafjörð, farið í dorgveiði og fleira.
Það ræðst svolítið af árstíma hvað
gert er, á haustin höfum við t.d. farið
í hestaferðir og vélsleðaferðir þegar
aðstæður henta. Þá vekjum við fólk
þegar sést til norðurljósa. Í vetur var
100% aukning á komu ferðamanna
til okkar frá fyrra ári.
Við stefnum mjög ákveðið á að
efla þetta og sóttum um að taka þátt í
„Ísland allt árið“ ásamt Ögur Travel,
Borea Adventures og Hótel Ísafirði.
Þar fengum við góðan styrk. Það
verður spennandi að sjá hvernig til
tekst.“
Miðaldaívaf á Inndjúpsdegi um
verslunarmannahelgina
Um verslunarmannahelgina, eða
laugardaginn 4. ágúst, verður haldinn
sérstakur Inndjúpsdagur hjá ferða-
þjónustunni í Heydal. Segir Stella
það vera í tengslum við fornleifaupp-
gröft í Vatnsfirði við Djúp, þar sem
starfræktur hefur verið fornleifaskóli
í átta ár. Þar er búið að grafa niður á
fornminjar frá því um 1600.
„Í fyrra tileinkuðum við
Inndjúpsdaginn Birni Jórsalafara,
vorum með miðaldahlaðborð um
kvöldið og kenndum miðaldadansa.
Þá var Elvar Logi með leikþátt.
Verður þetta endurtekið með svipuðu
sniði núna.“
Björn Einarsson Jórsalafari (f.
1350, d. 1415) var íslenskur höfðingi
á 14. og 15. öld, einn auðugasti maður
landsins, sýslumaður og umboðs-
maður hirðstjóra um tíma. Hann bjó
í Vatnsfirði við Ísafjarðardjúp. Björn
var einn víðförlasti Íslendingur um
sína daga.
Keyptu Galtarhrygg og Heydal
Heydalur er 6 km langur dalur sem
gengur inn úr Mjóafirði og um hann
liðast Heydalsá. Munnmælasögur
herma að í dalnum hafi búið 12
bændur og einn klerkur. Dalnum
hefur hin síðari ár verið skipt á milli
tveggja jarða, Galtarhryggjar og
Heydals.
„Við keyptum fyrst Galtarhrygg
hér hinumegin í dalnum með það í
huga að rækta þar upp skóg og ala
upp fisk í ánni. Var þetta í upphafi
aðeins hugsað fyrir fjölskylduna. Þá
bjó Jóhann Áskelsson bóndi góðu búi
á jörðinni Heydal. Við vorum í góðu
vinfengi við hann. Jóhann ákvað
síðan að bregða búi, seldi kvótann
af jörðinni og taldi strákana mína á
að það væri ekki mikið vit í að vera
að rækta upp ána án þess að eiga allt
landið sem að henni lægi. Það varð
því úr að við keyptum jörðina Heydal
árið 2000, án þess þó að vita í raun
hvað við ætluðum að gera við hana
eða húsakostinn sem á henni var,
nema að við vissum að við ætluðum
að rækta hér grænmeti og vera með
meiri skógrækt.“
Breyttu útihúsum í gistirými og
veitingasal
„Við byrjuðum á að endurbæta
íbúðarhúsið og fórum síðan að skoða
hvað við ættum að gera við útihúsin.
Hvort við ættum að jafna þau við
jörðu eða gera eitthvað annað við
þau. Við urðum allavega að gera
eitthvað því ekki var hægt að láta
Stella Guðmundsdóttir og fjölskylda keyptu Galtarhrygg og Heydal við Mjóafjörð í Ísafjarðardjúpi fyrir rúmum áratug:
Reka vaxandi ferðaþjónustufyrirtæki á
gömlum landbúnaðarjörðum við Djúp
Heydalur við Mjóafjörð í Ísafjarðardjúpi.
Stella Guðmundsdóttir var skólastjóri og kennari í Kópavogi í 20 ár en söðlaði síðan algjörlega um og rekur nú ferðaþjónustu með ört vaxandi umsvifum í Heydal. Myndir HKr.