Bændablaðið - 26.07.2012, Blaðsíða 25

25Bændablaðið | Fimmtudagur 26. júlí 2012
Mun færri selir sáust í árlegri
selatalningu á vegum Selaseturs
Íslands, sem fram fór um nýliðna
helgi á Vatnsnesi og Heggstaðanesi
í Húnaþingi vestra, en þetta er í
sjötta sinn sem slík talning fer
fram og var sú fyrsta árið 2007.
Alls sáust 614 selir á svæðinu að
þessu sinni, en voru yfir eitt þús-
und talsins í fyrrasumar.
Sandra Granquist dýraatferlis-
fræðingur, verkefnisstjóri talning-
arinnar, segir að markmiðið sé að
fylgjast með fjölda og staðsetningu
landsela í kringum Vatnsnes og
Heggstaðanes, ásamt því að gefa
almenningi tækifæri á að kynnast
og taka þátt í rannsóknarstarfsemi
Selaseturs Íslands. Hún segir að selir
hafi verið taldir á allri strandlengj-
unni á Vatnsnesi og Heggstaðanesi,
en hún sé samtals um 100 kílómetrar.
Alls tóku 40 manns þátt í talning-
unni og fóru þeir ýmist gangandi,
ríðandi eða á báti. „Talningin byggir
algjörlega á þátttöku sjálfboðaliða,
en með þessu móti gefst færi á að
kanna stórt svæði á mjög stuttum
tíma,“ segir Sandra.
Margt hefur áhrif, m.a. veðrið
Í ár sáust samtals 614 selir á svæðinu.
Það eru mun færri en hafa sést und-
anfarin ár. Sandra segir mikilvægt að
hafa í huga að þessar talningar eru
aðeins vísbending um lágmarksfjölda
þeirra sela sem dvelja á þessu svæði.
Margir þættir hafa áhrif á fjölda sela
sem liggja uppi í látrunum og veður
er einn þeirra. Veðrið hefur undan-
farin ár verið mjög gott, en þegar
talningin í ár fór fram var þó nokkur
úrkoma og fremur hvasst. „Það getur
verið ein skýring á því að færri selir
lágu uppi nú í ár,“ segir Sandra og
bætir við að einnig sé verið að kanna
aðrar hugsanlegar ástæður.
Hún segir að tölurnar segi ekki
til um ástand landselsstofns í heild.
Stofnstærðarmat á landsel hefur farið
fram reglulega síðan árið 1980 og
þá hefur verið talið um land allt úr
flugvél. Niðurstöður þeirra talninga
benda til þess að landselsstofninn
hafi staðið í stað síðan árið 2003 og
sé tæplega 12 þúsund dýr.
Aðsókn að Selasetrinu hefur
aukist mikið í sumar
Aðsókn að Selasetrinu hefur verið
mikil í sumar og segir Vignir
Skúlason framkvæmdastjóri að hún
hafi aukist mikið. „Það hefur verið
gríðarlega góð aðsókn hjá okkur í
sumar og horfur á áframhaldandi
aðsókn góðar,“ segir hann. Þakkar
hann það m.a. hnitmiðaðri markaðs-
setningu ásamt góðu veðri að sífellt
fleiri gestir líta við á Selasetrinu.
Setrið var stofnað í lok apríl árið
2005 með það að markmiði að standa
að eflingu náttúrutengdrar ferðaþjón-
ustu í Húnaþingi vestra, vinna að
eflingu selaskoðunar á svæðinu og
standa fyrir fjölbreyttum rannsókn-
um, fræðslu og upplýsingamiðlun um
seli við Ísland. Selasetrið eignaðist
í upphafi tvær hæðir að Brekkugötu
2, Hvammstanga, þar sem verslun
Sigurðar Pálmasonar var til húsa. Þar
voru settar upp fræðslusýningar um
seli og húsnæðið nýtt fyrir fjölþætta
starfsemi setursins.
Með aukinni starfsemi var hluti
starfseminnar fluttur í húsnæði í eigu
Kaupfélags Vestur-Húnvetninga niðri
við Hvammstangahöfn í fyrrasumar.
Þar eru nýjar sýningar setursins, búið
að standsetja rannsóknaraðstöðu og
þar er einnig upplýsingamiðstöð
héraðsins og móttaka ferðamanna.
Vignir framkvæmdastjóri segir
að Selasetrið sé nú í nánu sambandi
við Hvalasafnið á Húsavík og hafi
fengið styrki frá Vaxtarsamningi
Norðurlands vestra og menningarráði
til frekari þróunar á því samstarfi.

Þessi frábæra kjötsög
með hakkavél frá
Dinamix er komin aftur
Ryðfrítt vinnsluborð og bandsagarblað - vinnsluhæð 240 mm
vinnslubreidd 250 mm - færanlegt vinnsluborð 470x600 mm -
hakkavél - mótor 550 wött - hæð 1470 mm - þyngd 58 kg.
Verð aðeins kr. 79.000.-
Sími 568 6899 - Síðumúla 11, 108 Reykjavík.
Bændablaðið
Smáauglýsingar 56-30-300
Hafa áhrif um land allt!
Bændur og búalið
Framleiðum hágæða einangrunargler sem sparar orku.
Sendum hvert á land sem er - stuttur afhendingartími.

Glerskálinn - Smiðjuvegi 42 - Kópavogi - Sími 557 5580
Íslensk framleiðsla.
Selasetur Íslands stóð fyrir árlegum selatalningardegi:
Mun færri selir sáust en áður
Alls sáust 614 selir á Heggstaðanesi og Vatnsnesi í árlegri talningu sem
fram fór um liðna helgi. Það eru mun færri selir en hafa sést undanfarin ár.