Bændablaðið - 06.09.2012, Blaðsíða 12
Bændablaðið | Fimmtudagur 6. september 201212
Fréttir
Vottunarstofan Tún hefur stað-
fest að Mjólkurbúið Kú ehf. í
Hafnarfirði uppfylli reglur um
framleiðslu á lífrænum ostum.
Vottorð þessa efnis var formlega
afhent í mjólkurvinnslu félags-
ins í Hafnarfirði fimmtudaginn
30. ágúst. Mjólkurbúið Kú ehf.
er fyrsta vinnslustöðin sem fær
vottun til lífrænnar ostafram-
leiðslu hér á landi.
Með vottun Túns er staðfest að
lífrænir ostar sem vinnslustöðin
framleiðir byggi á vottuðum líf-
rænum hráefnum, sem haldið er
aðgreindum frá öðrum hráefnum
á öllum stigum allt frá móttöku
hrámjólkur til pökkunar á ostunum.
Einnig er staðfest að aðferðir við
meðhöndlun og geymslu lífrænnar
mjólkur samræmist reglum um líf-
ræna framleiðslu, að við ostagerðina
séu eingöngu notuð leyfileg íblönd-
unar- og hjálparefni; og að gæða-
stjórnun, skráningar og merkingar
fyrirtækisins uppfylli settar kröfur.
Mjólkurbúið Kú ehf.
Mjólkurbúið Kú ehf. var stofnað árið
2009 og hóf framleiðslu ári síðar.
Fyrirtækið sérhæfir sig í ostafram-
leiðslu og framleiðir nú átta tegundir
af mygluostum. Nýjasta tegundin er
lífrænn mygluostur, sem nefndur er
Glaðningur og hefst markaðssetning
á honum nú þegar.
„Þetta hefur gengið vonum
framar,“ segir Ólafur Magnússon
framkvæmdastjóri og einn af stofn-
endum fyrirtækisins. „Við höfum
byggt þetta upp smátt og smátt með
miklu eigin fé og skuldar fyrirtækið
því mjög lítið. Félagið skilaði í fyrra,
eftir fyrsta starfsárið og fyrir fjár-
magnsliði og afskriftir, um 12 millj-
ónum króna í hagnað.“
Starfsmönnum hefur verið fjölgað
úr 5 í 7 vegna aukinna umsvifa. Segir
Ólafur stefna í að mjólkurbúið Kú
muni nýta um eina milljón lítra af
mjólk í ostaframleiðslu sína á þessu
ári.
Vantar meiri lífræna mjólk
„Við kaupum alla mjólkina af
Mjólkursamsölunni, einnig lífrænu
mjólkina sem flutt er til okkar í sér-
stökum tönkum, en sú mjólk kemur
frá Finnastöðum í Eyjafirði,“ segir
Ólafur.
Einungis þrír íslenskir mjólkur-
framleiðendur framleiða enn
sem komið er lífræna mjólk. Það
eru Búland í Austur-Landeyjum,
Finnastaðir og Neðri-Háls í Kjós.
Búið á Neðra-Hálsi (Bio-Bú) er lang
stórtækast í framleiðslu á lífrænum
afurðum úr mjólk.
Segir Ólafur mikinn skort á líf-
rænni mjólk á markaðnum því fyrir-
tæki hans fái aðeins brot af þeirri líf-
rænu mjólk sem það gæti framleitt úr.
Kú ehf. sé þannig einungis að fram-
leiða úr um 1.000 til 1.200 lítrum af
lífrænni mjólk á viku en gæti hæg-
lega annað framleiðslu úr 100.000
lítrum á mánuði. Telur hann ákveðið
skilningsleysi vera fyrir hendi hjá
stjórnvöldum og einnig skorti hvata
fyrir bændur til að framleiða lífræna
mjólk undir mjög ströngu eftirliti.
Þetta sé bagalegt þar sem bæði hér á
landi og erlendis aukist stöðugt eftir-
spurn eftir lífrænum vörum.
„Ég tel að í lífrænu framleiðslunni
geti legið talsverð útflutningstæki-
færi þar sem íslenska mjólkin er mjög
sérstök. Með lífrænni vottun getum
við fengið hátt verð og vaxandi eftir-
spurn er á erlendum mörkuðum.“
Þar horfir Ólafur m.a. til framleiðslu
á lífræna ostinum Glaðningi. Með
aukinni lífrænni mjólk ætti að vera
hægt að stórauka framleiðsluna og
hafa menn þegar velt fyrir sér erlendu
nafni á ostinn, m.a. nafninu „Happy
– Organic", en ekkert hefur þó enn
verið ákveðið.
Segir Ólafur að sérstaklega sé
horft til þess að framleiða osta sem
engir aðrir eru að framleiða. Þannig
komist menn hjá því að níða skóinn-
hver niður af öðrum í þessum geira.
Enda sé engin ástæða til þess, þar
sem mikil tækifæri liggi í að auka
fjölbreytni í framleiðslu á lífrænum
afurðum.
Lífræn framleiðsla á Íslandi
Gunnar Á. Gunnarsson, fram-
kvæmdastjóri Túns segir að
Mjólkurbúið Kú ehf. sé fjórða
mjólkurvinnslustöðin sem hlýtur
vottun til lífrænnar framleiðslu hér
á landi frá upphafi og fyrsta sérhæfða
ostagerðin sem fær slíka vottun.
Fyrirtækið Biobú ehf. hefur þó um
nokkurt skeið framleitt vottaðar líf-
rænar afurðir sem flokkast undir osta,
þ.e. rjómaost og skyr.
Vottaðar lífrænar afurðir og nátt-
úruafurðir hafa þá sérstöðu á mark-
aði að allur ferill þeirra, frá ræktun
eða söfnun hráefna til pökkunar í
neytendaumbúðir eða afhendingar í
lausu, er undir eftirliti óháðs aðila,
þ.e. vottunarstofu sem fylgist með
því að uppruni og meðferð afurð-
anna sé í samræmi við alþjóðlegar
og íslenskar kröfur um lífræna fram-
leiðslu.
Vottunarstofan Tún hóf vottun
lífrænna afurða á Íslandi árið 1996
og í Færeyjum árið 2006. Á þessu
tímabili hafa yfir 100 fyrirtæki og
bændur hlotið vottun til lífrænnar
framleiðslu hér á landi. Auk þess
vottar Tún nú framleiðslu fyrirtækja
á náttúruvörum og aðföngum til líf-
rænnar framleiðslu.
/HKr.
Mjólkurbúið Kú ehf. í Hafnarfirði:
Fær vottun til lífrænnar ostaframleiðslu
–Fjórða mjólkurvinnslustöðin hérlendis frá upphafi sem fær lífræna vottun
Umhverfisverðlaun Árborgar
2012 voru afhent á dögunum.
Matvælastofnun á Selfossi fékk
verðlaun sem snyrtilegasta fyrir-
tækið í Árborg.
Jón Gíslason forstjóri tók við við-
urkenningunni en Matvælastofnun
hafði áður fengið sömu verðlaun á
árinu 2008.
/MHH
Matvælastofnun snyrtilegasta
fyrirtækið í Árborg
Jón Gíslason forstjóri Matvælastofnunar á Selfossi tók við viðurkenningu
fyrir snyrtilegasta fyrirtækið. Með honum á myndinni er Ásta Stefánsdóttir,
framkvæmdastjóra Sveitarfélagsins Árborgar. Mynd / MHH
Sunnudaginn 2. september
útnefndi Skógræktarfélag Íslands
Tré ársins 2012 við hátíðlega
athöfn. Tré ársins er að þessu
sinni gráösp (Populus x canescens)
sem stendur við Brekkugötu 8 á
Akureyri. Tréð er blendingur milli
blæaspar og silfuraspar.
Gráösp er sjaldgæf hér á landi
en er notuð sem garð- og borgartré
víða í Evrópu, Vestur-Asíu og Suður-
Rússlandi. Uppruni þessa tiltekna
trés er á reiki en talið er að það hafi
verið gróðursett um miðjan fjórða
áratuginn.
Við athöfnina fluttu Magnús
Gunnarsson, formaður Skóg-
ræktarfélags Íslands og Eiríkur
Björn Björgvinsson, bæjarstjóri á
Akureyri ávörp. Þá veitti Magnús
Sigríði Maríu Hammer og Páli
Steindóri Steindórssyni, eigendum
trésins, viðurkenningu og leikin var
létt tónlist við athöfnina.
Það er Skógræktarfélag Íslands
sem útnefnir árlega Tré ársins. Er
útnefningunni ætlað að beina sjónum
almennings að því gróskumikla starfi
sem unnið er um land allt í trjá- og
skógrækt og benda á menningarlegt
gildi einstakra trjáa um allt land.
Myndarleg gráösp á Akureyri
er „Tré ársins 2012“
Rannveig Guðleifsdóttir verkefnastjóri Vottunarstofunnar Túns afhendir
um lífrænu vottunina. Mynd /Örn Smári Gíslason
Starfsmaður fyrirtækisins hrærir í ostakari. Mynd /HKr.
Glaðningur er lífrænn hvítmygluost-
Öðlingur hefur einnig slegið í gegn
á markaðnum. Mynd /HKr.