Bændablaðið - 01.03.2012, Blaðsíða 4

Bændablaðið | fimmtudagur 1. mars 20124
Fréttir
Aðalfundur Landssamtaka landeigenda á Íslandi:
Verið að umbylta þjóðfélaginu á
pólitískum gerningavetri
- sagði Örn Bergsson, formaður LÍ m.a. í harðorðri skýrslu stjórnar
„Því miður virðast þau
stjórnmálaöfl, sem nú fara með
völd í landinu, vera einbeitt í að
nýta takmarkað pólitískt umboð
sitt til að umbylta þjóðfélaginu.
Stjórnarráðinu er umturnað og
lagasetningarvaldi grímulaust
beitt í þágu hugsjóna þeirra sem
ráða þar ríkjum. Meira að segja
skal bylta allri stjórnarskránni án
þess að um slíkt sé sköpuð nokkur
sátt í þjóðfélaginu. Í svona umróti
höfum við verk að vinna og þurfum
að leggja okkar af mörkum til þess
að land og þjóð komi heil undan
þessum pólitíska gerningavetri, “
Þetta sagði Örn Bergsson,
formaður Landssamtaka landeigenda
á Íslandi (LLÍ), í lokaorðum í skýrslu
stjórnar á aðalfundi samtakanna
fimmtudaginn 16. febrúar.
„Þjóðareign“ marklaust hugtak í
stjórnarskrártillögum
Örn Bergsson skaut föstum
skotum í sinni ræðu og vék m.a.
að drögum Stjórnlagaráðs að nýrri
stjórnarskrá og lýsti eindreginni
andstöðu við að þau yrðu borin
óbreytt undir þjóðaratkvæði.
Landeigendur mótmæli því að
náttúruauðlindum sé komið fyrir í
mannréttindakafla stjórnarskrárinnar
og enginn greinarmunur gerður þar
á sjávarauðlindinni annars vegar og
hins vegar öðrum auðlindum sem nú
séu háðar fullum eignarrétti að lögum.
Hugtakið „þjóðareign“ sé marklaust
í þessu samhengi. Þjóðin geti aldrei
verið skráður eigandi auðlinda
heldur fari ríkið lögum samkvæmt
með umboð þjóðarinnar varðandi
eignarhald landa og landsréttinda sem
ekki séu háð einkaeignarrétti.
Fráleitar hugmyndir
umhverfisráðherra
Formaður LÍ gagnrýndi
umhverfisráðuneytið harðlega fyrir
að vera að „breytast í bákn“ sem
endalaust væri að undirbúa laga- og
reglugerðarbreytingar „sem allar hníga
í þá átt að allir skapaðir hlutir verði
bannaðir eða háðir leyfisveitingum
sem Umhverfisstofnun verði heimilt
að taka gjald fyrir.“ Hann vísaði þar
ekki síst til fyrirhugaðra breytinga
á lögum um náttúruvernd og til
fyrirhugaðs banns við veiðum á fimm
tegundum svartfugls:
„Það er algjörlega fráleitt að banna
alla nýtingu á svartfuglshlunnindum
meðan ríkisvaldið sinnir ekki
lögboðnum skyldum við að halda
varginum sem öllu eyðir í skefjum.
Þar á ég að sjálfsögðu við mink og
tófu.“
Stjórnin endurkjörin
Stjórn Landssamtaka landeigenda
var endurkjörin á aðalfundinum.
Hana skipa:
Örn Bergsson á Hofi í Öræfum,
formaður; Guðný Sverrisdóttir
á Grenivík, Sigurður Jónsson í
Eyvindartungu, Óðinn Sigþórsson í
Einarsnesi og Gunnar Sæmundsson
í Hrútatungu.
Frá aðalfundi Landssamtaka landeigenda. Myndir / HKr.
Örn Bergsson.
Mývatn Open 2012
- Í níunda sinn á Stakhólstjörn 9. og 10. mars
Hið feykivinsæla hestamót
Mývatn Open - Hestar á ís
verður haldið helgina 9. og 10.
mars. Það eru Hestamannafélagið
Þjálfi og Sel-Hótel Mývatn sem
standa að þessum viðburði. Ásdís
Erla Jóhannesdóttir á Sel-Hótel
Mývatni segir að þetta sé níunda
árið í röð sem mótið er haldið á
Stakhólstjörn.
Hestamannafélagið Þjálfi býður
í reiðtúr út á frosið Mývatn á föstu-
deginum og er öllum hjartanlega
velkomið að taka þátt sér að kostn-
aðarlausu. Sel-Hótel Mývatn býður
knöpum upp á samlokur og heitt
kakó úti í eyju. Síðan hefst móts-
haldið á laugardeginum og endar
með hestamannahófi á Sel - Hótel
Mývatni um kvöldið.
Ásdís segir að hesthúsapláss hafi
ekki verið vandamál hingað til og
muni Marinó sem er með síma 896-
0593 aðstoða gesti að hýsa hestana.
Skráningar hefjast sunnudags-
kvöldið 4. mars og standa til mið-
vikudagskvölds 7.mars á netfang-
inu birnaholmgeirs@hotmail.com.
Dagskrá
Föstudagur 9. Mars:
Kl. 16:30 - 18:30
Hópreið um Mývatn
(allir velkomnir).
Laugardagur 10. mars
Kl. 10:30
Tölt B Ekkert aldurstakmark.
Kl. 13:00
Tölt A, Stóðhestakeppni.
Skeið. Verðlaunaafhending yfir
kaffihlaðborði í Selinu.
Kl. 19:30
Húsið opnar fyrir stemmingu
kvöldsins. Videosýning frá
afrekum dagsins á breiðtjaldi.
Kl. 20:30
Hestamannahóf - öllum opið.
Kl. 23:30
Kráarstemning og lifandi tónlist
fram á nótt.
Skráningargjald er kr. 3.500,- og
er borgað á staðnum í síðasta lagi
klukkutíma áður en keppni hefst.
Vegleg verðlaun í boði (nánari
uppl. verða á www.thjalfi.i123.is).
Raforkusala um sæstreng til útlanda gæti reynst Íslendingum dýrkeypt:
„Við skulum vara okkur á fagurgala
um mikla auðsæld"
- sagð Haraldur Benediktsson formaður BÍ við setningu Búnaðarþings 2012
Breytingar urðu á skipan
dýralæknaþjónustu þann 1.
nóv. sl. Þegar hafa komið fram
ýmis vandkvæði, annars vegar
erfiðleikar með að manna
umdæmi þjónustudýralækna
(Vesturland, Húnavatnssýslur,
Austurland) og hins vegar of
stór vaktsvæði og erfiðleikar
með að veita þjónustu í tíma
m.t.t. velferðar dýra og hags-
muna bænda og annara dýra-
eigenda.
Dýralæknafélag Íslands hefur
bent á mikilvægi þess að treysta
sólarhringsþjónustu í öllum
umdæmum á þann hátt að vaktir
verði a.m.k. tvískiptar (samstarf
tveggja eða fleiri dýralækna)
og að þjónustusvæði verði ekki
það stór að viðbragðstími verði
óhóflegur. Til þess að taka stökkið
úr einmenningshéraði yfir í tví-
menningshérað þarf hins vegar
að auka föst verkefni dýralækna
á svæðinu og það verður ekki
gert nema með ákveðnum vel-
vilja hjá búnaðarsamböndum, BÍ
og öðrum hagsmunaaðilum. Ungir
dýralæknar leggja áherslu á að
geta átt reglubundinn frítíma með
sínum fjölskyldum og eru almennt
ekki tilbúnir að vera á samfelldri
sólarhringsvakt mánuðum saman
í einmenningsumdæmum.
Dýralæknar benda á að algengt
er að dýralæknar, frjótæknar,
ráðunautar og örmerkingarmenn
aki hver á eftir öðrum um sveitir
landsins og að þarna hljóti að
vera svigrúm til hagræðingar;
bændum og neytendum til hags-
bóta. Í þessu sambandi er m.a. bent
á góða reynslu Norðmanna af því
að samþætta dýralæknaþjónustu
og nautgripasæðingar í dreifbýli.
DÍ harmar þann misskilning að
vandkvæði við mönnun þjónustu-
svæða séu vegna óhóflegra launa-
krafna dýralækna. Hins vegar er
bent á að samningar vegna vakta-
greiðslna hafa verið lausir í tvö ár,
DÍ hefur ítrekað óskað eftir því
að gengið yrði til samninga um
málið.
Varðandi tillögur Búnaðarþings
um aukinn aðgang bænda að dýra-
lyfjum bendir DÍ á að slíkt gengur
þvert á þau regluverk sem Ísland
hefur tekið upp skv. EES samningi
og tryggja eiga hreinleika afurða.
Lyfja- og Matvælastofnun hafa
strangt eftirlit með notkun og
dreifingu dýralyfja, útflutningur
íslenskra landbúnaðarafurða sem
og dreifing á innanlandsmarkað
er háður því að notkun dýralyfja
sé samkvæmt gildandi reglum.
Í Evrópu og víðar er talsverð
umræða um lyfjamengun afurða
og mikilvægi þess að lyfjameng-
aðar afurðir berist ekki á borð
neytenda.
Að mati DÍ er farsælla að
BÍ leiti leiða til að tryggja nær-
þjónustu dýralækna í öllum
landbúnaðarhéruðum. Bent er
á þann möguleika að óska eftir
aðkomu Sambands íslenskra
sveitarfélaga til samstarfs við BÍ,
Dýraverndarsamband Íslands og
DÍ.
Nú líða bæði skepnur og eig-
endur þeirra fyrir vanda sem hægt
hefði verið að koma í veg fyrir.
DÍ treystir því að Bændasamtökin
beiti sér í þessu brýna hagsmuna-
máli umbjóðenda sinna.
Guðbjörg Þorvarðardóttir
Formaður
Dýralæknafélags Íslands
Dýralæknaþjónusta í
dreifðum byggðum
- Velferð dýra, hagsmunir bænda og annara dýraeigenda
Guðbjörg Þorvarðardóttir.
Haraldur Benediktsson kom
inn á orkumál og sjálfbærni
landbúnaðarins í þeim
efnum í setningarræðu sinni
á Búnaðarþingi 2012. Sagði
hann að Bændasamtökin og
Landbúnaðarháskóli Íslands
fetuðu þar sameiginlega af stað á
spennandi slóðir orkuframleiðslu.
„Í landbúnaði eru óteljandi
möguleikar og spennandi tækifæri
til framleiðslu á orku. Hvort sem
við erum að tala um að breyta
lífrænum úrgangi í gas, nýta orku
úr hálmi, nýta vindinn, varmann í
loftinu, lághitasvæði eða fallorku
vatnsaflsins. Meira að segja grasið
getur orðið að dýrmætu eldsneyti
með hjálp okkar rafmagns. Mykja
og moð er kannski grunnur að
orkusjálfbærni Íslands? En mestu
sóknarfæri okkar felast í því að læra
að fara vel með þá orku sem við
notum í dag. Sú vinna skilar arði
næstum samdægurs. Í þessu ljósi eru
orkumál á dagskrá Búnaðarþings.“
Raforkusala um sæstreng
Haraldur kom líka inn á einn þátt í
umræðunni um orkumálin, sem lítill
gaumur hefur verið gefinn að hér
á landi. Landsvirkjun hefur viðrað
hugmyndir um að flytja raforku
um sæstreng til útlanda. Þar var í
upphafi einkum rætt um að selja um
neðansjávarstreng þá umframorku
sem nú streymir um orkukerfi
landsins engum til gagns, og fá fyrir
hana gott verð. Nýverið voru þó
viðraðar hugmyndir í fréttum Stöðvar
tvö um að Landsvirkjun nýti fjölda
nýrra virkjana til að framleiða orku
sem seld yrði um streng til útlanda.
Allt hljómar þetta vel út frá sjón-
arhóli Landsvirkjunar til að hámarka
þannig hagnað fyrirtækisins ríkis-
sjóði til hagsbóta. Minna er þó rætt
um afleiðingarnar.
Með sölu á raforku um sæstreng
til útlanda væru Íslendingar að setja
sín orkumál undir skilyrði EES
samninga sem bannar að mismuna
viðskiptavinum. Það þýðir að
orkuverð til almennra raforkunotenda
á Íslandi myndi stórhækka eins og
reynsla Norðmanna virðist sýna.
Norðmenn lögðu kapla til Þýskalands
og Hollands og til að uppfylla
sölusamninga hafa þeir m.a. þurft að
kaupa raforku inn á hringrásarkerfið
frá Svíþjóð. Um þessa hættu sagði
Haraldur í ræðu sinni:
Vörum okkur á fagurgala
„Spurningin er ekki alltaf um frelsi eða
höft. Heldur miklu oftar um skipulag
og það markmið að nýta landsins gæði
sem best og til hagsældar. Nú hefur til
dæmis ekki farið fram mikil umræða
um hugsanlegar afleiðingar þess ef
hugmyndir um útflutning á raforku um
sæstreng verða að veruleika. Við það
gjörbreytist allt viðskiptaumhverfi hér
á landi með raforku. Við skulum vara
okkur á fagurgala um mikla auðsæld
í kjölfarið því afleiðingin fyrir okkur
hér heima, heimili og fyrirtæki, getur
orðið gríðarleg.“
/HKr.
Haraldur Benediktsson formaður BÍ við setningu Búnaðarþings 2012.