Bændablaðið - 01.03.2012, Blaðsíða 42

42 Bændablaðið | fimmtudagur 1. mars 2012
Jörðin Hlíð er búin að vera í
eigu núverandi ábúenda, frá
árinu 2007. Þá keyptu þeir af for-
eldrum Svavars sem voru búnir að
búa þar frá 1975. Fyrstu tvö árin
stóðu þau Svavar og Rakel ein að
rekstrinum, en árið 2009 stofnuðu
þau Hlíðarbúin sf., ásamt systur
Svavars og Mági sem búa á jörðinni
Geirshlíð í Miðdölum.
Hlíðarbúin reka búin í Hlíð og
Geirshlíð saman sem eitt bú. Göngum
við því saman í öll þau verk sem til
falla.

Býli? Hlíð.
Staðsett í sveit? Hörðudal í
Dalabyggð.
Ábúendur? Svavar Magnús
Jóhannsson og Rakel Magnea
Hansdóttir.
Fjölskyldustærð (og gæludýra)?
Svavar og Rakel, Mikael Magnús,
fimm ára, og Telma Karen, eins
og hálfs árs. Þá eigum við hund-
inn Töru og köttinn Hófí.
Stærð jarðar? 570 hektarar,
þar af eru 18 hektarar ræktaðir.
Heyja Hlíðarbúin í heildina á 6
jörðum sem allar eru staðsettar í
Hörðudal og Miðdölum.
Tegund býlis? Blandað bú. Kýr,
kindur og hestar í eigu annarra.
Fjöldi búfjár og tegundir? 48
nautgripir og 20 mjólkurkýr. 780
kindur og 21 hrútur (þar af eru
290 í Hlíð).
Hvernig gengur hefðbundinn
vinnudagur fyrir sig á bænum?
Byrjar og endar á mjöltum og gjöf-
um. Þess á milli eru allskonar verk
unnin, sem velta á því hvort það er
vor, sumar, vetur eða haust.
Skemmtilegustu/leiðinlegustu
bústörfin? Okkur finnst leiðin-
legast að þurfa að skafa skít.
Skemmtilegast eru sauðburður,
smalamennska og allt annað sem
viðkemur sauðfé.
Hvernig sjáið þið búskapinn
fyrir ykkur á jörðinni eftir 5
ár? Með svipuðu móti en með
bættri vinnuaðstöðu. Annars veit
maður aldrei hvað gerist í fram-
tíðinni.
Hvaða skoðun hafið þið á félags-
málum bænda? Það fólk sem sinnir
þeim málum stendur sig ágætlega.
Hvernig mun íslenskum land-
búnaði vegna í framtíðinni?
Vel, ef við göngum ekki í ESB.
Hvar teljið þið að helstu tækifærin
séu í útflutningi íslenskra búvara?
Í skyri og lambakjöti.
Hvað er alltaf til í ísskápnum?
Smjör, ostur, súrmjólk, skemmt
grænmeti og útrunninn rjómi.
Hver er vinsælasti maturinn
á heimilinu? Nautalund með
bernaisesósu, kartöflugratín og
rjómasalati hjá fullorðna fólkinu.
Grjónagrautur hjá yngri kynslóðinni.
Eftirminnilegasta atvikið við
bústörfin? Þegar Svavar var að
dæla út úr fjóskjallaranum og þurfti
að fara út í á að ná í vatn til að
hræra. Á meðan haugsugan var að
dæla inn í sig, sofnaði Svavar. Þurfti
bóndinn á næsta bæ að vekja Svavar
með flauti og látum.
Margir eru enn duglegir í átaki
eftir jólahátíðina og þá taka
næstu veislur við þar sem freist-
ingar eru til að falla fyrir. Því er
um að gera að hugsa um hollt fæði
á milli hátíða og jafnvel útbúa
sér eigin tebolla stöku sinnum,
sem ku vera vatnslosandi og gott
fyrir sálina.
Myntute
– að marokkóskum sið
1 l vatn
10 myntustilkar
1-2 tepokar (grænt te), eða 3 msk. grænt
teduft
3 msk. sykur
Aðferð:
Sjóðið vatn, hellið þriðjungi af því
í tekönnu og veltið henni fram og
aftur til að hita hana. Bætið myntu,
tepokum og sykri í könnuna og
hellið afganginum af vatninu yfir.
Látið teið lagast í 3-4 mínútur og
hellið síðan í glös. Fallegt er að
skreyta glösin með myntulaufum.
Appelsínu- og kanilte
500 ml vatn
1 kanilstöng
10 cm bútur af appelsínuberki. Gætið þess
að hvíti hlutinn fari ekki með (hann er bitur
á bragðið)
1 tsk. safi úr appelsínu
1 tsk. agavesíróp eða hunang
Aðferð:
Sjóðið vatnið og bætið kanilstöng-
inni og berkinum út í. Látið malla í
pottinum í 5-7 mínútur. Sigtið allt í
gegnum sigti og ofan í bolla. Bætið
appelsínusafanum og agavesírópinu
saman við. Látið standa í um fimm
mínútur og drekkið.
(Af uppskriftavefnum
cafesigrun.com)
/ehg
Líf og lyst
BÆRINN OKKAR
Í heimsréttum Rikku er farið til ólíkra
landa í leit að matarupplifunum og er
ein þeirra ferðalag til Marokkó, þar
sem meðal annars er boðið upp á
myntute. Mynd: Gísli Egill Hrafnsson.
Tími fyrir te
– myntute að marokkóskum sið
MATARKRÓKURINN
Hlíð
Mikael Magnús, 5 ára og Telma
Karen eins og hálfs árs.